Passer au titre

Coiffeur / Coiffeusa AFP

Coiffeurs e coiffeusas AFP creeschan frisuras a las clientas ed als clients. Tenor cunvegnientscha cun lur superiurs lavan, taglian, colureschan els ils chavels e creeschan frisuras.

Lavurs

Coiffeurs e coiffeusas AFP exequeschan suandantas lavurs:

Beneventar la clientella
  • beneventar ils clients, als plazzar en in lieu liber e s'infurmar davart lur giavischs
  • avair endament cun la clientella tge che duai vegnir fatg
  • dumandar ils superiurs per cussegl sch'il client u la clienta giavischa ina cussegliaziun extendida
Lavar e far si il chavels
  • planisar cun ils superiurs ils singuls pass da lavur
  • lavar ils chavels da la clienta u dal client e far ina massascha a la pel dal chau
  • crear la frisura tut tenor l' instrucziun dals superiurs, pia tagliar ils chavels, dar colur, stender, ondular, crear frisuras e toupar ils chavels
  • mussar al client u a la clienta la frisura fatga cun il spievel da maun
  • cussegliar e vender products da tgira, sco p. ex. balsams curativs e lac da chavels tenor cunvegnientscha cun il superiur
Resguardar la segirezza da la lavur
  • tgirar ils utensils da lavur
  • resguardar las prescripziuns en connex cun la segirezza da la lavur per evitar accidents e donns da material
  • guardar d’avair ina cumparsa correcta ed ina buna posiziun da lavur durant la lavur, per na betg far donn al corp

Scolaziun

Durada

2 onns

Furmaziun en la pratica

En ina fatschenta da coiffeur

Furmaziun en scola

1 di per emna a la scola professiunala

Roms professiunals

  • S’occupar da clientas e clients
  • schampunar e tgirar la pel dal chau ed ils chavels
  • tagliar chavels tenor cunvegna
  • far midadas da colur e dar furma als chavels tenor cunvegna
  • furmar e crear frisuras tenor cunvegna organisar e tgirar il conturn da lavur

Curs ordaifer il manaschi

Emprender ed exercitar a moda pratica la basa professiunala (8-10 dis durant 2 onns)

Diplom

Attest federal professiunal "coiffeur / coiffeusa AFP"

Premissas

Furmaziun preliminara
  • temp da scola obligatoric terminà
Pretensiuns
  • interess vi da bellezza e moda
  • senn per furmas e colurs
  • mauns inschignaivels, detta agila
  • senn per nettezza
  • plaschair vi dal contact cun  carstgauns
  • buna abilitad da communitgar
  • saun dies, pes e mauns sauns per la lavur en pe
  • naginas allergias resp. nagina ipersensibilitad da la pel (utilisaziun da products, schampos e meds da tgira)

Furmaziun supplementara

Curs

purschidas da l’Associaziun Schweizer Coiffeurgeschäfte coiffureSUISSE

Coiffeur / Coiffeusa AFQ

Coiffeurs / coiffeusas AFP pon far ina furmaziun da basa scursanida sco coiffeur / coiffeusa AFQ (entrada en il 2. onn da scolaziun).

Cundiziuns da lavur

Coiffeurs e coiffeusas AFP lavuran en ina fatschenta da coiffeur. Els lavuran savens era las sondas. La professiun è adattada per lavur a temp parzial.

Ulteriuras infurmaziuns

coiffureSUISSE
Verband Schweizer Coiffeurgeschäfte
Moserstr. 52
Postfach 641
3000 Bern 22
Tel: +41 31 332 79 42
URL: www.coiffuresuisse.ch




orientation.ch