Passer au titre

Spezialist / Spezialista da qualitad en microtecnica AFQ

Lavurs

Las spezialistas ed ils spezialists da qualitad en microtecnica lavuran en manaschis da microtecnica che produceschan tocs fitg pitschens per l'industria. Cun agid da differents apparats da controlla e da mesiraziun controlleschan els la qualitad dals tocs ed ils process da producziun. Els garanteschan che las prescripziuns, las normas ed ils standards da la clientella u dal manaschi vegnian applitgads ed observads.

Lur lavurs èn las suandantas:

Manar projects
  • descriver e planisar in project, uschia ch'el correspunda a las pretensiuns da la clientella
  • nudar en scrit e survegliar ils singuls pass, far correcturas sche necessari
  • producir tocs simpels cun agid da maschinas
Controlla da qualitad da products e da process
  • mesirar cun differents apparats, sch'ils tocs correspundan a las prescripziuns
  • garantir uschia la qualitad da la producziun
  • elavurar protocols da controlla ensemen cun ils manaders dals lavuratoris e cun las manageras da qualitad, p.ex. per la producziun da tocs u per ils process da producziun
  • applitgar ils protocols da controlla ed ils plans d'emprovas da controlla en il lavuratori
  • preparar, controllar e configurar correctamain differents apparats da mesiraziun, per survegnir resultats valaivels
Meglieraziun da products e da process
  • valitar e meglierar la qualitad da la producziun e dals process
  • identifitgar ed analisar problems en la producziun
  • sviluppar mesiras adattadas per eliminar ils problems
  • convocar sesidas per discutar la soluziun dals problems e las mesiras da correctura
  • collavurar per elavurar proceduras da qualitad e per realisar controllas da products

Scolaziun

Durada

4 onns

Furmaziun pratica professiunala

en in manaschi da la branscha da microtecnica u d'uras

Furmaziun da scola

1 fin 2 dis per emna en la scola professiunala spezialisada

Furmaziun da scola a temp cumplain

ceff INDUSTRIE, St.Imier, BE (franzos)

Dapli infurmaziuns: www.berufsberatung.ch/schulen

Cuntegns didactics

  • preparar ils andaments da lavur per la producziun
  • realisar il management da project fundamental
  • sviluppar e realisar ina controlla da qualitad per products e per process
  • cooperar al process da meglieraziun permanent areguard ils products ed ils process

Curs intermanaschials

emprender la lavur pratica, approfundar ed exercitar las basas professiunalas, 20 dis durant il 2. e 3. onn.

Maturitad professiunala

Sche las prestaziuns da scola èn fitg bunas, po ins frequentar la scola da maturitad professiunala durant la furmaziun fundamentala.

Diplom

Spezialist / Spezialista da qualitad en microtecnica AFQ

Premissas

Furmaziun preliminara
  • terminà scola obligatorica
  • examen d'admissiun en il manaschi d'emprendissadi u en la scola professiunala
Pretensiuns
  • pensar logic e metodic
  • abilitad d'analisa e da sintesa
  • talent matematic
  • interess per la micromecanica
  • gronda abilitad da lavurar en in team
  • abilitad da communitgar
  • interess per novas tecnologias

Furmaziun supplementara

Curs

purschidas da scolas spezialisadas e da scolas professiunalas spezialisadas

Examen professiunal (EP)

Spezialist/-a da process cun certificat professiunal federal u commerziant/-a tecnic/-a cun certificat professiunal federal

Examen professiunal superiur (EPS)

p.ex. manader/-dra da producziun Industria

Scola spezialisada superiura (SSS)

p.ex. tecnicist/-a dipl. SSS da microtecnica u tecnicist/-a dipl. SSS da construcziun da maschinas

Scola auta spezialisada (SAS)

Studis en secturs parentads, p.ex. bachelor of science en microtecnica u en tecnica da maschinas. Tut tenor la scola auta spezialisada valan differentas cundiziuns d'admissiun.

Relaziuns da lavur

Las spezialistas ed ils spezialists da qualitad en microtecnica lavuran en lavuratoris da microtecnica e fan part da teams che sa cumponan da differentas persunas spezialisadas. Els collavuran stretgamain cun la partiziun da producziun e cun il biro tecnic ed èn las persunas da contact per manaders da projects, per inschigneras, per manadras da producziun, per managers da qualitad e per manadras da lavuratoris.

Las spezialistas ed ils spezialists da qualitad en microtecnica chattan plazzas da lavur en tut las branschas, nua ch'i vegnan producids apparats d'auta precisiun: en l'industria d'uras, en la mecanica da precisiun, en la robotica ed electronica, ma er en l'aviatica ed astronautica, en la telecommunicaziun, en l'optica u en la tecnica medicinala. Las paucas plazzas d'emprendissadi en l'industria sa concentreschan sin la regiun d'uras tranter Genevra e Schaffusa.

Silsuenter pon las spezialistas ed ils spezialists da qualitad en microtecnica lavurar per exempel sco controllader da qualitad, sco tecnicista da mesiraziun u sco manader da la controlla da qualitad.

Ulteriuras infurmaziuns

Associaziun svizra dals patruns da l'industria dad uras
2301 La Chaux-de-Fonds
Tel: +41 32 910 03 83
URL: www.berufe-uhrentechnik.ch



orientation.ch