Passer au titre

Constructur / Constructura da ventilaziuns AFQ

Lavurs

Constructurs e constructuras da ventilaziuns produceschan u monteschan indrizs da ventilaziun e climatisaziun per edifizis publics e privats sco fatschentas, ospitals u tunnels. En la direcziun producziun construeschan els differents sistems da bischen ord sturs e tocca da construcziun cumplexa per la preparaziun da l’aria. En la direcziun montascha lavuran els sin plazzas e monteschan, mettan en funcziun u demonteschan ils indrizs da ventilaziun.

Els exequeschan suandantas lavurs:

Producziun en il lavuratori:
  • leger ils dissegns ed ils plans da las parts che ston vegnir fatgas
  • calcular il material necessari e fixar ils termins da furniziun
  • far skizzas en cas da basegn avant ch’il surs vegn tagliads tenor prescripziun
  • storscher atschal prezius, atschal, aluminium u arom tenor las prescripziuns da segirezza
  • fabritgar chanals da ventilaziuns, armaturas, tocs da colliaziun ed elements da construcziun a maun ubain als producir cun agid da maschinas, p.ex. clappas da regulaziun u da serradira, manetschs, indrizs da protecziun cunter il sun, giatter per tschitschar u per trair giu l’aria
  • controllar, adattar e numerar las parts fabritgadas
  • metter ensemen differentas parts cun fitgar, struvegiar, tatgar, buglir e lutegiar
  • examinar la spessezza e l’observaziun da las normas da qualitad
  • pachetar las parts per la magasinaziun u il transport ed il deposit sin il plazzal
Montascha sin il plazzal
  • examinar ils plans da montascha e giuditgar il temp da lavur
  • dissegnar skizzas d’installaziun, marcar il lieu dals singuls tocs sco er deponer ils apparats al lieu giavischà
  • montar, installar e fixar ils sistems da bischens da ventilaziun tenor las instrucziuns
  • montar mintgatant armaturas e giatters da ventilaziun en grond’autezza, finir las installaziuns e las controllar cun il manader la project
  • colliar ils apparats da regulaziun, controlla ed alarm
  • examinar l’augmentaziun da pressiun, chattar ed eliminar lieus che laschan ir tras aua
  • prender en funcziun l’indriz e meglierar la configuraziun electrica, per ch’il moviment da l’aria chaschuna in empernaivel clima en il local
  • nudar cun in’inscripziun las parts da l’indriz per lavur da mantegniment futuras
  • declerar las funcziuns da l’indriz als utilisaders ed a las utilisadras
  • demontar indrizs existents cun agid da maschinas e guaffens spezials
Ulteriuras lavurs
  • midar ils indrizs ed als adattar a novs basegns u standards
  • far rapports da lavur en furma da palpiri u  electronicamain
  • mantegnair guaffens e maschinas e far reparaturas
  • zavrar, reciclar e dismetter il rument tenor las prescripziuns vertentas

Scolaziun

Durada

3 onns

Accents

  • producziun
  • montascha

Furmaziun en la pratica

En in manaschi da la tecnicada ventilaziun e climatisaziun

Furmaziun en scola

di per emna a la scola professiunala

Roms professiunals

  • enconuschientschas professiunalas
  • planisaziun da las lavurs sin il plazzal
  • Direcziun spezialisada sin il sectur da cumpetenza d'agir

Curs ordaifer il manaschi

Emprender ed exercitar a moda pratica la basa professiunala. 32 dis durant 3 onns

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Constructur / Constructura da ventilaziuns AFQ

Premissas

Furmaziun preliminara
  • Temp da scola obligatoric terminà
Pretensiuns
  • inschign manual
  • enclegientscha pratica
  • enclegientscha tecnica
  • imaginaziun dal spazi
  • movibilitad corporala
  • sanadad robusta
  • abilitad da lavurar en in team

Furmaziun supplementara

Curs

purschidas da scolas spezialisadas e professiunalas, dals centers da furmaziun da suissetec, da la STF Winterthur sco er d’interpresas da la branscha da la tecnica d’edifizis

Furmaziun da basa scursanida

en ina professiun parentada, p.ex. toler / tolera AFQ, installatur / installatura da stgaudaments AFQ, installatur sanitar / installatura sanitara AFQ u planisader / planisadra da tecnica d’edifizis AFQ

Examen professiunal (EP)

cun certificat professiunal federal: schefmontader / schefmontadra ventilaziuns, manader da project / manadra da project tecnica d’edifizis, cussegliader energetic / cussegliadra energetica e.a.

Scola spezialisada superiura (SSS)

tecnicher / tecnicra dipl. SSS tecnica d’edifizis

Scola auta spezialisada (SAS)

Direcziuns da studis en champs spezialisads parentads, p.ex. Bachelor of Science (SAS) en tecnica d’edifizis. Tut tenor scola auta spezialisada valan differentas cundiziuns d’admissiun.

Cundiziuns da lavur

Constructuras e constructurs ventilaziuns lavuran tut tenor direcziun spezialisada en lavuratoris da producziuns u sin plazzals. Els lavuran cunzunt cun planisaders da la tecnica dad edifizis e coordineschan lur lavur cun las persunas dal fatg da differentas professiuns da construcziun. Tut tenor las lavurs ch’èn d’exequir portan els vestgadira da protecziun, per exempel chapellina, protecziun da l’udida, egliers u guants. Schebain ch’els han differents meds d’agids da transport, traffitgan els cun tocca bloccanta e magari pulit greva. Lur temp da lavur é pel pli regulars.

Las persunas dal fatg exequeschan lur lavurs en manaschis ch’èn sa spezialisads sin la fabricaziun dad elements da construcziun u sin la montascha e la messa en funcziun da tuttas sorts d’indrizs da ventilaziun. Latiers sa tracti pel pli da fatschentas pitschnas u mesaunas. Suenter intgins onns experientscha da lavur pon els manar teams sco er surprender da manar la montascha u il plazzal.

Ulteriuras infurmaziuns

Schweizerisch- Liechtensteinischer Gebäudetechnikverband (suisstec)
8021 Zürich
Tel: +41 43 244 73 00
URL: www.suissetec.ch




orientation.ch