Passer au titre

Planisader / Planisadra da tecnica d’edifizis da stgaudament AFQ

Planisadras e planisaders da tecnica d’edifizis da stgaudament planiseschan e calculeschan indrizs da stgaudament. Els dissegnan plans, surveglian la montascha e mettan en funcziun ils indrizs.

Lavurs

Els exequeschan suandantas lavurs:

Eleger indrizs da stgaudament ed installaziuns
  • enconuscher las funcziuns da differents sistems da stgaudament sco stgaudaments da locals, pumpas a chalur u stgaudaments a distanza
  • sclerir las pretensiuns che l’indriz sto ademplir tar ina renovaziun ni construcziun d'in nov bajetg
  • resguardar ils giavischs da la clientella e respectar las cundiziuns architectonicas
  • eruir funtaunas d'energia adattadas ed examinar il diever da tecnologias d'energia regenerablas
  • calcular ils custs dals indrizs e far offertas
planisar indrizs da stgaudament ed installaziuns
  • planisar ensemen cun architects, inschigners ed ils patruns da construcziun ils projects per ils indris da stgaudament
  • calcular d’indrizs da stgaudament e d’installaziuns termicas cun la finamira da planisar indrizs da stgaudament che spargnan energia e ch’èn favuraivels a l’ambient
  • resguardar las prescripziuns legalas, p. ex. en connex cun las energias regenerablas
Realisar indrizs da stgaudament ed installaziuns
  • dissegnar ils plans detagliads per la producziun e la montascha dals indrizs
  • lavurar sin ils  plazzals ensemen cun il persunal da montascha, cun architects u cun ils patruns da construcziun
  • far glistas da material, empustar il material tar ils furniturs, survegliar ils termins
  • metter en funcziun ils indrizs installads e controllar, sch’els funcziunan
  • scriver instrucziuns per l’utilisaziun e dar instrucziuns da diever
  • garantir la protecziun da l'atgna sanadad e segirezza

Scolaziun

Basa legala

Ordinaziun federala 6-10-2009 (versiun dals 1-1-2018)

Durada

4 onns

Furmaziun en la pratica

En in manaschi per indrizs da stgaudament u en in biro d’inschigneria per tecnica da construcziun; pratica en il magasin, en il lavuratori e sin il plazzal (almain 3 mais)

Furmaziun en scola

1 di l’emna a la scola professiunala (cumplettà cun curs da bloc)

Roms professiunals

  • organisaziun dal manaschi
  • persistenza
  • segirezza da la lavur e protecziun cunter incendis
  • matematica
  • material da fabricaziun
  • basa da la chemia e da la fisica
  • terminologia e dinamica dals fluids
  • electrotecnica
  • mesirar – controllar – reglar, tecnica da construcziun e d’edifizis
  • process da planisaziun
  • indrizs da stgaudament

Curs ordaifer il manaschi

Emprender ed exercitar a moda pratica la basa professiunala

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "planisader / planisadra da tecnica d’edifizis da stgaudament AFQ"

Premissas

Furmaziun preliminara
  • temp da scola obligatoric terminà
  • bunas prestaziuns en geometria, matematica, fisica
Pretensiuns
  • plaschair da dissegnar tecnicamain, a maun u al computer
  • interess per process fisicals
  • sentiment per detagls tecnics
  • enclegientscha per colliaziuns abstractas
  • moda da lavurar exacta e conscienziusa
  • talent d’organisar
  • plaschair da contact ed abilitad da communitgar, p.ex. lavur en il team e talent da contractar

Furmaziun supplementara

Curs

purschidas da centers da furmaziun  da suissetec e da scolas professiunalas

Furmaziun da basa scursanida

en il champ professiunal "planisaziun da tecnica d’edifizis": planisader / planisadra da tecnica d’edifizis ventilaziun AFQ u planisader / planisadra da tecnica d’edifizis sanitar AFQ

Examen professiunal (EP)

manader / manadra da project en tecnica d’edifizis cun certificat professiunal federal, cussegliader energetic / cussegliadra energetica edifizis cun certificat professiunal federal

Scola spezialisada superiura (SSS)

tecnicist / tecnicista dipl. tecnica d’edifizis

Scola auta spezialisada (SAS)

Bachelor of Science (SAS) en tecnica d’edifizis

Cundiziuns da lavur

Planisaders e planisadras da tecnica d’edifizis da stgaudament en manaschis per installaziuns da stgaudament u en biros d’inschigneria da la tecnica da construcziun.

La purschida da plazzas d’emprendissadi è buna e planisaders e planisadras da tecnica d’edifizis scolads èn tschertgads sin il martgà da lavur.

En la tecnica d’edifizis vegnan adina puspè introducids novs materials, novs sistems e novas prescripziuns, p.ex. en connex cun la minergia. Quai pretenda ina furmaziun supplementara regulara.

Ulteriuras infurmaziuns

Uniun da la tecnica d’edifizis da la Svizra e dal Principadi da Liechtenstein (suissetec)
Auf der Mauer 11
Chascha postala 1768
8021 Turitg
Tel: +41 43 244 73 00
URL: www.suissetec.ch





orientation.ch