Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: En raison des travaux de maintenance sur les serveurs d’orientation.ch, il faut s'attendre à des interruptions le mardi 25 septembre entre 18h00 et 00h00.

Spezialist / Spezialista da fotografia AFQ

Spezialists e spezialistas da fotografia lavuran en in affar spezialisà da fotografia nua ch’els lavuran en l’atelier, en il labor ed en la vendita. Els fotografeschan la clientella e la cusseglian davart cameras ed ulteriurs objects d’equipament.

Lavurs

Spezialists e spezialistas da fotografia AFQ lavuran en trais direcziuns spezialisadas: fotografia, finishing sco era cussegliaziun e vendita.

Entaifer la direcziun fotografia vendan spezialists da fotografia cameras ed accessoris da fotografia. Ultra da quai purtreteschan els la clientella, fan ina reportascha da fotografias ad ina nozza u ch’els fotografeschan objects davart moda, architectura, natira u industria. Per quellas incumbensas tschernan spezialists da fotografia l’equipament adattà sco era il conturn adequat e procureschan per la dretga glisch. Suenter avair fatg las fotografias adatteschan els la colur ed il cuntrast al computer.

Spezialists da fotografia entaifer la direcziun finishing lavuran en in affar da fotografia u ch’els èn responsabels per l’elavuraziun pretensiusa da las datas fotograficas en in grond labor a la svelta. Els elavureschan tant maletgs analogs sco digitals, engrondeschan las fotografias e midan las colurs e la clerezza cun agid da filters. L’elavuraziun dals maletgs al computer e la creaziun da cudeschs da fotografia èn secturs da lavur impurtants. Ultra da quai èn era il mantegniment e la tgira dals utensils part da lur incumbensas. Durant la lavur en il labor ston els resguardar las prescripziuns legalas davart il diever da chemicalias. En l’affar da fotografia vendan els era purtaders da maletgs analogs u digitals.

Spezialists da fotografia AFQ che lavuran entaifer la secziun da cussegliaziun e vendita vendan per exempel cameras da fotografia e da video, squitschaders, scanners, videoprojecturs, objectivs e straglischs. Els dattan infurmaziuns detagliadas davart quels apparats a la clientella. Plinavant transmettan els cumonds da svilup al labor, acceptan incumbensas da reparatura e s’occupan da reclamaziuns. Ultra da quai èn els responsabels per la preschentaziun dal sortiment e la calculaziun dals pretschs. Els fan empustaziuns, stattan en contact cun las firmas da furniziun, retiran la rauba empustada ed administreschan il deposit.

Scolaziun

Basa legala

Ordinaziun federala 8-12-2004

Durada

3 onns

Direcziuns

  • fotografia
  • finishing
  • cussegliaziun e vendita

Furmaziun en la pratica

En in affar da fotografia, en in labor da fotografia u en in studio da fotografia

Furmaziun en scola

1 di per emna a la scola professiunala

Roms professiunals

  • 1./2. onn: basa fotografica, instrucziun da vendita ed enconuschientschas da la rauba, basa informatica, fotografia electronica, enconuschientschas professiunalas, enconuschientscha dal rom
  • 3. onn: instrucziun profundada en ils roms numnads, en la direcziun finishing sco era en la cussegliaziun e la vendita.
  • Rom supplementar "Aufnahmetechnik" en la direcziun fotografia

Curs ordaifer il manaschi

Tar differents temas

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "spezialist / spezialista da fotografia AFQ"

Premissas

Furmaziun preliminara
  • scola populara terminada, stgalim superiur u mesaun cun bunas prestaziuns
  • bunas prestaziuns en matematica, fisica e chemia
Pretensiuns
  • plaschair vi da la vendita e la cussegliaziun
  • interess vi da la fotografia
  • plaschair vi dal contact cun la clientella
  • enclegientscha tecnica
  • sensori per dumondas da clientella
  • cumportament orientà a la clientella
  • plaschair vi da la lavur al computer
  • bun dun receptiv
  • eloquenza a bucca ed en scrit
  • naginas allergias
  • nagins disturbis da la vesida da colurs
  • buna vesida

Furmaziun supplementara

Curs

purschidas dal Schweizerisches Institut für Unternehmerschulung SIU, dal KV Schweiz e da imagingswiss - der Fotoverband.

Emprendissadi supplementar scursanì

en in’autra direcziun spezialisada

Fotograf / Fotografa

furmaziun al Centre d'enseignement professionnel de Vevey

Spezialisaziun

scolaziun davart fotografia redacziunala al Center da scolaziun da medias a Lucerna; operatur / operatura da camera; redactur / redactura per illustraziuns euv.

Examen professiunal (EP)

cun certificat professiunal federal: spezialist / spezialista da fotografia, spezialist / spezialista da commerzi en detagl euv.

Examen professiunal superiur (EPS)

spezialist da fotografia diplomà / spezialista da fotografia diplomada, manager da commerzi en detagl diplomà / managera da commerzi diplomada, designer da fotografia diplomà / designra da fotografia diplomada euv.

Scola auta spezialisada (SAS)

Bachelor of Arts (SAS) en communicaziun visuala cun approfundaziun en Camera Arts, Bachelor of Science (SAS) en economia da manaschi euv.

Cundiziuns da lavur

Spezialists da fotografia lavuran en affars da fotografia, en labors da fotografia sco era en ateliers da fotografia, en affars da multimedia e medias u tar grossists. La dumonda davart plazzas en il sectur da fotografia è gronda, dentant è la purschida pli pitschna che la dumonda. Las novas tecnologias davart la fotografia pretendan ina permanenta furmaziun supplementara.

Ulteriuras infurmaziuns

imagingswiss - der Fotoverband
Esslingerstr. 5
8618 Oetwil am See
Tel: 043 833 02 05
URL: www.imagingswiss.ch



orientation.ch