Passer au titre

Spezialist / Spezialista da fotografia e medias AFQ

Spezialists e spezialistas da fotografia e medias lavuran en affars spezialisads da fotografia e medias. Els fan fotografias e films ed elavuran quels. Els cusseglian la clientella davart maletg, equipament da fotografar e filmar ed auters products.

Lavurs

Els exequeschan suandantas lavurs:

Prender encunter incaricas e preparar lavurs
  • prender encunter ed analisar incaricas da la clientella
  • planisar las lavurs per la realisaziun da las incaricas
  • preparar il plaz ed ils meds da lavur
  • far lavurs administrativas
Far fotografias e films
  • planisar las registraziuns
  • eleger l'equipament adattà
  • far fotografias e films
Elavurar fotografias e films
  • elavurar il material da fotografar e filmar cun differents programs
  • arcunar ed archivar las datas
  • realisar l'ediziun dals maletgs electronicamain u en furma da stampa cun differentas tecnicas
Cussegliar clientella
  • far discurs da vendita u cussegliaziun
  • sustegnair la clientella en dumondas u tar problems tecnics
  • calcular ils custs per products u servetschs
  • realisar mesiras da reclama e marketing tenor branscha

Scolaziun

Durada

3 onns

Furmaziun en la pratica

En in affar da fotograr

Furmaziun en scola

1 di per emna a la scola professiunala

Roms professiunals

  • prender encunter incaricas e preparar las lavurs
  • realisar mesiras da vendita e marketing
  • registrar datas fotograficas ed audiovisualas
  • elavurar datas fotograficas ed audiovisualas

Curs ordaifer il manaschi

Emprender ed exercitar a moda pratica la basa professiunala ( 12 dis durant 3 onns)

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "spezialist / spezialista da fotografia e medias AFQ"

Premissas

Furmaziun preliminara
  • temp da scola obligatoric terminà
Pretensiuns
  • plaschair vi dal contact cun la clientella
  • interess vid maletg e film
  • enclegientscha tecnica
  • sensori per dumondas da clientella
  • plaschair e perseveranza vi da la lavur al computer
  • eloquenza a bucca ed en scrit
  • flair creativ
  • buna vesida, nagins disturbis da la vesida da colurs

Furmaziun supplementara

Curs

purschidas dal Schweizerisches Institut für Unternehmerschulung SIU, dal KV Schweiz e da imagingswiss - der Fotoverband.

Emprendissadi supplementar scursanì

en in’autra direcziun spezialisada

Fotograf / Fotografa

emprendissadi sco fotografa AFQ u scolaziun a temp cumplain a la scola F+F per art e design a Turitg, al Centre d'enseignement professionnel de Vevey (franzos) u a la scola per art applitgà a Bienna (franzos)

Spezialisaziun

scolaziun davart fotografia redacziunala al Center da scolaziun da medias a Lucerna; operatur / operatura da camera; redactur / redactura per illustraziuns euv.

Examen professiunal (EP)

spezialista da fotografia, spezialist da commerzi en detagl cun certificat professiunal federal

Examen professiunal superiur (EPS)

spezialista da fotografia diplomada, manager da commerzi en detagl diplomà

Scola superiura spezialisada (SSS)

Creader dipl. SSS communicaziun visuala, approfundaziun fotografia

Scola auta spezialisada (SAS)

Bachelor of Arts (SAS) en communicaziun visuala cun approfundaziun en Camera Arts, Bachelor of Science (SAS) en economia da manaschi. Tut tenor scola auta spezialisada valan differentas cundiziuns da lavur.

Cundiziuns da lavur

Spezialists e spezialistas da fotografia e medias lavuran en affars da fotografia, en labors da fotografia sco era en ateliers da fotografia, en affars da multimedia e medias u tar grossists. Fertant che la dumonda davart plazzas en il sectur da fotografia è gronda, è la purschida pli pitschna. Las novas tecnologias davart la fotografia pretendan ina furmaziun supplementara permanenta.

Ulteriuras infurmaziuns

imagingswiss - der Fotoverband
Matt 1
6017 Ruswil
Tel: +41 78 852 08 66
URL: www.imagingswiss.ch



orientation.ch