Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: En raison des travaux de maintenance sur les serveurs d’orientation.ch, il faut s'attendre à des interruptions le mardi 25 septembre entre 18h00 et 00h00.

Mariner / Marinera da la navigaziun interna AFQ

Mariners e marineras da la navigaziun interna AFQ transportan bains e persunas en flums e lais europeics. Els èn occupads sin differents tips da navs e gidan l’equipa da la nav d’exequir ils transports segiramain e d’accumpagnar ils giasts a bord.

Lavurs

Mariners e marineras da la navigaziun interna AFQ fan part da l’equipa da la nav. Da principi lavuran els da tutt’aura. Els gidan tar il sbartgament e durant la partenza da las navs e preparan da fermar u da far liber las navs dal port da sbartgar. Tar tut quai communitgeschan els sur func cun il chapitani avant e durant il manevrar, fan da savair las distanzas fin il quai u fin la porta da la sclusa. Els ferman u fan liber la nav manualmain u cun agid da meds mecanics a moda professiunala e segira.

Sut surveglianza dal chapitani navigheschan mariners da la navigaziun interna la nav e manevreschan il timun, ils motors e meds nautics sco il radar, il func e l’echolot. Els controlleschan apparats sco l’indicatur da la pressiun da l’ieli, il dumbragirs, ils turns e las pumpas. Tar disturbis durant la navigaziun prendan els mesiras adequatas tenor las instrucziuns dal chapitani. Els gidan da transportar ils bains, da chargiar e stgargiar las navs, controlleschan e segireschan la chargia ed èn attents a la stabilitad da las navs.

Era il transport da passagiers orientà al servetsch tutga tar ils pensums da mariners da la navigaziun interna. Ensemen cun il chapitani procuran els per la segirtad prescritta dals passagiers.

Mariners da la navigaziun interna AFQ mantegnan e tgiran las navs, utensils d’equipament, indrizs idraulics, pneumatics ed electrics, sistems da bord ed indrizs da tracziun e da perfuraziun. Els utiliseschan las maschinas auxiliaras a moda professiunala.

Mariners da la navigaziun interna AFQ resguardan las prescripziuns da la lescha e dal manaschi sco era l’utilisaziun adequata cun bains da privel e restanzas resp. l’utilisaziun d’energia e material. Els respectan las directivas davart la segirezza da la lavur e da la sanadad e davart la protecziun da l’ambient. Els fan guardia en roda, controlleschan ils locals da las maschinas e dovran bandieras e glischs da signal.

Scolaziun

Basa legala

Ordinaziun federala 21-4-2011

Durada

3 onns

Furmaziun en la pratica

Sin ina nav sin il Rain

Furmaziun en scola

Instrucziun en bloc a la scola professiunala Schiffer-Berufskolleg Rhein, Duisburg (GER)

Roms professiunals

  • gidar da trair las navs tar in auter plaz da giaschair
  • gidar da navigar
  • gidar da transportar ils bains e persunas
  • gidar da mantegnair e tgirar las navs ed ils implants
  • resguardar las prescripziuns

Maturitad professiunala

Abitur professiunal a la scola professiunala Schiffer-Berufskolleg Rhein, Duisburg (GER)

Diplom

Attestat federal da qualificaziun "mariner / marinera da la navigaziun interna AFQ"

Premissas

Furmaziun preliminara
  • scola populara terminada
  • tut tenor la scola differentas cundiziuns; per ordinari è in fufragnadi giavischà
Pretensiuns
  • plaschair vi da la lavur pratica ordadora
  • inschign manual
  • senn da responsabladad
  • fidadadad
  • conscienza per l’ambient
  • buna vesida e buna udida
  • nagins disturbis da la vesida da colurs
  • buna sanadad e resistenza a l’aura
  • nagina sensibilitad envers canera e vibraziuns
  • naginas allergias
  • perseveranza
  • plaschair vi dal contact cun carstgauns
  • prontadad da lavurar da temps irregulars
  • abilitad da lavurar en ina gruppa

Furmaziun supplementara

Curs e spezialisaziun

certificat ADN per transports da bains da privel, timunier / timuniera (suenter 5 onns experientscha da navigaziun), chapitani / chapitania cun patent da navs sin il Rain (examen da maister / maistra) e suenter patent da radar

Navigaziun sin l’auta mar

tar midada e furmaziun supplementara adequata e qualificaziun: navigatur / navigatura, radiofonist / radiofonista ed uffizier / uffiziera da navs

Examen professiunal (EP)

cun certificat professiunal: spezialist / spezialista da duana, policist / policista (tar la polizia dal Rain)

Midada en auters secturs da la navigaziun interna

chapitani / chapitania sin navs da pumpiers, da la protecziun da las auas, en il sectur da la construcziun idraulica, guardian / guardiana da sclusas, possessur / possessura da l’atgna nav da bains, navs-cisterna u navs da passagiers, navigatur / navigatura sin lais svizzers, lavurs d’administraziun en atgna societad da navigaziun u agentura da port euv.

Cundiziuns da lavur

Mariners da la navigaziun interna AFQ lavuran per meds da traffic internaziunals (societads da navigaziun u possessur da navs independent). Lur lavur en la navigaziun interna è fitg pretensiusa. Els vivan e lavuran sin la nav ed èn savens sin viadi durant pliras emnas sur ils cunfins ora. Per ordinari lavuran els en in team e da tutt’aura, era durant la notg e las fin d’emnas. La segirezza a bord è fitg impurtanta. Perquai portan mariners da la navigaziun interna vestas da nudar e chalzers da segirezza. Igl è scumandà da consumar alcohol e drogas sin la nav. Tar il servetsch d’instrucziun da la cussegliaziun da professiuns a Basilea chattan ins ina glista da purschiders d’emprendissadi.

Ulteriuras infurmaziuns

Schweizerische Vereinigung für Schifffahrt und Hafenwirtschaft
4019 Basel
Tel: 061 631 29 19
URL: www.svs-online.ch



orientation.ch