?global_aria_skip_link_title?

Spezialist / Spezialista da traffic public AFQ

Spezialists e spezialistas da traffic public lavuran en manaschis da la viafier, dal tram u dal bus per il transport da persunas u da rauba. Els fan la partiziun dal persunal e dals vehichels, planiseschan e realiseschan purschidas, garanteschan il manaschi  e communitgeschan cun la clientella.

Lavurs

Els exequeschan suandantas lavurs:

Manaschi e planisaziun
  • far ils plans da lavur dal persunal, adattar en cas da basegn ils plans, registrar en il sistem e communitgar als collavuraturs
  • resguardar il basegn dal manaschi ed il grad d'occupaziun e l'absenza dals collavuraturs
  • reparter ils vehichels cun l'agid da l'utilisaziun da computer
  • resguardar ils plans da rotaziun e mantegniment dal material e metter a disposiziun vehichels da reserva
  • autorisar persunal supplementar per transport tar eveniments nunprevesì
Infurmar e communitgar
  • planisar las infurmaziuns e purschidas per la clientella en pliras linguas
  • endatar las infurmaziuns che vegnan communitgadas sin las tavlas d'infurmaziun, sin l'app e la website u sur l'autpledader
  • far ina prognosa dals basegns da la clientella cun ils responsabels dals eveniments, per che p.ex. avunda persunal vegnia mobilisà
  • far annunzias a bucca u a scrit sche il manaschi normal na po betg vegnia realisà ed infurmar la clientella davart il disturbi sco era sustegnair persunas nua ch'i fa basegn
Analisar ed optimar
  • rimnar ed elavurar datas da las purschidas da traffic e las resursas (persunal, vehichels, infrastructura)
  • proponer meglieraments dals process (p.ex. midadas dals uraris), controllar l'efficacitad da novas mesiras e far adattaziuns tut tenor ils resultats
  • enconuscher ed applitgar las reglas da la segirezza da lavur e da la protecziun da l'ambient

Scolaziun

Durada

3 onns

Furmaziun en la pratica

En in’interpresa svizra, municipala u regiunala da la viafier, dal tram, dal bus u da la navigaziun.

Furmaziun en scola

1 di per emna al center da furmaziun professiunala BBZ ad Olten

Roms professiunals

  • planisar e realisar la purschida per la clientella
  • garantir il manaschi operativ
  • communitgar cun la clientella sco era cun persunas da contact
  • optimar las purschidas ed ils process dal manaschi

Curs ordaifer il manaschi

Emprender ed exercitar a moda pratica la basa professiunala (18 dis durant 3 onns)

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "spezialist / spezialista da traffic public AFQ"

Premissas

Furmaziun preliminara
  • temp da scola obligatoric terminà
Pretensiuns
  • entusiassem per il mund dal traffic
  • plaschair da lavurar cul computer
  • pensar cumplessiv
  • fidadadad e senn da responsabladad
  • talent dad organisar
  • grond'abilitad da lavurar en ina gruppa
  • abilitad da communitgar e plaschair vi da linguas estras (englais e secunda lingua naziunala)
  • prontadad per temps da lavur irregulars

Furmaziun supplementara

Curs

urschidas da scolas professiunalas, da centers da furmaziun supplementara sco era d’associaziuns professiunalas e federaziuns interprofessiunalas, p.ex. directur da la circulaziun dals trens, spezialista da per la planisaziun da l'acziun, management d'eveniments, planisadra da traffic, manader da la circulaziun dals trens

Examen professiunal (EP)

p.ex. spezialist da traffic public cun certificat professiunal federal

Examen professiunal superiur (EPS)

p.ex. managera diplomada da traffic public

Scola spezialisada superiura (SSS)

spezialist diplomà / spezialista diplomada dal turissem SSS, manager diplomà / managera diplomada da marketing SSS

Scola auta spezialisada (SAS)

Bachelor of Science da sistems da traffic; Bachelor of Science da turissem; Bachelor of Science da Business Administration, approfundaziun en turissem e mobilitad. Tut tenor scola auta spezialisada valan differentas cundiziuns d'admissiun.

Cundiziuns da lavur

Spezialists e spezialistas da traffic public lavuran en interpresas naziunalas, regiunalas u municipalas da la viafier, dal tram u dal bus. Il transport da persunas e rauba circulescha da tut las uras e mintga di da l'onn. Ord quai motiv èn ils temps da lavur savens irregulars ed ins sto per part era lavurar la saira u la fin d’emna. Lavurar parzialmain è pussaivel. Il traffic public è in impurtant med per pudair accordar mobilitad, protecziun da l'ambient e dal clima. El è in champ da lavur cun bunas perspectivas per l'avegnir. Suenter intgins onns experientscha da lavur po la glieud da professiun sa spezialisar e surpigliar posiziuns cun responsabladad, p.ex. en la sparta da persunal u dal management da disturbis.

Ulteriuras infurmaziuns

Verband öffentlicher Verkehr VöV
Dählhölzliweg 12
Postfach
3005 Berna
Tel: +41 31 359 23 23
URL: www.voev.ch

login Berufsbildung
Bewerbungszentrum
Riggenbachstr. 8
Postfach
4601 Olten
Tel: +41 848 822 422
URL: www.login.org



orientation.ch