Passer au titre

Informaticher / Informaticra AFQ

Informaticras ed informatichers AFQ èn persunas dil fatg per computers. En il svilup d'applicaziun programmeschan els software per differentas branschas e scoleschan ils utilisaders. En il svilup da las plattafurmas endrizzan els sistems d'informatica per manaschis e curregian disturbis tecnics.

Lavurs

Els exequeschan suandantas lavurs:

Rom d'accent svilup d'applicaziun
  • realisar schliaziuns da software per products e process existents u novs
  • sa fatschentar cun ils process da manaschi da differentas branschas ed analisar ils giavischs da la clientella
  • fixar premissas per las schliaziuns da software, p.ex. regulaziun da maschinas, webshops, schliaziuns da finanzas, medias socialas u scienza e svilup
  • far examinaziuns preliminaras ed elavurar in concept detaglià, chattar schliaziuns innovativas
  • programmar la software, l'examinar intensivamain e la vender globalmain
  • documentar ils pass da lavur per uschia segirar il svilup da l’applicaziun ed il support da la clientella
  • crear software en teams connectads globalmain , crear novas ideas
Rom d'accent svilup da plattafurmas
  • planisar schliaziuns dad ICT, las furnir e tegnair en funcziun – i vegn procurà per l'entir process
  • planisar e tegnair en funcziun raits
  • planisar servetschs e sistems da server ed als tegnair en funcziun
  • garantir la segirezza e la protecziun da datas da las schliaziuns dad ICT
  • procurar ch'ils servetschs ed ils sistems dals servers sajan disponibels
  • elavurar dumondas da support cumplexas ("3rd level)

Scolaziun

Basa legala

Ordinaziun federala 19-11-2020

Durada

4 onns, 3 onns per novizs che han gia experientschas en l'informatica

Direcziuns

  • svilup d’applicaziuns
  • svilup da plattafurmas

Furmaziun en la pratica

En in’interpresa da servetschs, en in’interpresa industriala / commerziala u en ina administraziun

Furmaziun en scola

A la scola professiunala , 1 fin 2 dis per emna. En singuls chantuns vegn era  purschì ina furmaziun en scola da quatter onns.

Cuntegns d'instrucziun (exempels)

Accumpagnar projects dad ICT, installar/tgirar datas digitalas, furnir/tegnair en funcziun schliaziuns dad ICT, sviluppar applicaziun, furnir/tegnair en funcziun applicaziuns

Curs ordaifer il manaschi

Tar differents temas

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "informaticher / informaticra AFQ"

Premissas

Furmaziun preliminara
  • temp da scola obligatoric terminà
  • fitg bunas prestaziuns en englais e matematica
Pretensiuns
  • abilitad da lavurar en in team
  • capacitad da pensar logic ed abstract
  • bun dun receptiv
  • imaginaziun dal spazi
  • buna capacitad da savair sa concentrar
  • moda da lavur sistematica
  • pazienza e persistenza
  • bunas enconuschientschas d’englais
  • Per regla quintan ils manaschis d’emprendissadi ch’ils interessents fetschian in test da basa per eruir, sch’els adempleschan las premissas.

Furmaziun supplementara

Curs e seminaris

Purschidas da scolas professiunalas e da scolas spezialisadas superiuras, da scolas autas, da diversas associaziuns professiunalas sco era da furniturs da programs e da hardware

Examen professiunal (EP)

cun certificat professiunal federal: sviluppader / sviluppadra d’applicaziuns dad ICT, tecnicist / tecnicista per sistems e raits dad ICT, informaticher / informaticra en economia, mediamaticher / mediamaticra

Examen professiunal superiur (EPS)

manager dad ICT diplomà / managera dad ICT diplomada, ICT Security Expert diplomà / diplomada (planisà dal 2018)

Scola spezialisada superiura (SSS)

Furmaziuns en il sectur d’informatica, p.ex. informaticher / informaticra en economia SSS, tecnicist informatica SSS etc.

Scola auta spezialisada (SAS)

Furmaziuns en il sectur d’informatica, p.ex. Bachelor SAS en informatica, Bachelor SAS en informatica en economia.
Tut tenor scola auta spezialisada valan differentas cundiziuns d'admissiun.

Cundiziuns da lavur

Informaticras ed informatichers lavuran en interpresas da servetsch, interpresas industrialas e commerzialas sco era en administraziuns publicas. Plazzas en il sectur da servetsch porschan tranter auter bancas, assicuranzas e firmas da software.

Informatichers han ina basa solida per sa perfecziunar cun ina furmaziun supplementara cuntinuanta.

Sin la fiera da lavur èn spezialists tschertgads ed han bunas schanzas. La dumonda suenter plazzas d’emprendissadi è gronda. Sulettamain annunzias cun engaschi e bain argumentadas han ina schanza.

Ulteriuras infurmaziuns

ICT-Berufsbildung Schweiz
Geschäftsstelle
Aarbergergasse 30
3011 Bern
Tel: +41 58 360 55 50
URL: www.ict-berufsbildung.ch
URL: www.it-dreamjobs.ch



orientation.ch