Passer au titre

Opticher / Opticra AFQ

Optichers ed opticras cusseglian la clientella en affars spezialisads d’optica. Els vendan egliers, agids da guardar ed utensils optics. Els adatteschan vaiders e roms dals egliers u reparan quels. Ultra da quai exequeschan els lavurs administrativas e surpiglian mesiras da marketing.

Lavurs

Els exequeschan suandantas lavurs:

Cussegliaziun e vendita
  • far bainvegni a la clientella e s'infurmar davart lur basegns
  • leger, chapir e declerar las ordinaziuns (il recept per ils egliers) dals medis u dals optometrists
  • eruir la distanza dals egls cun differents meds tecnics ed apparaturas da mesirar
  • dar cussegl tge sort d'agid da la vesida (egliers, lentinas da contact) ch'è adattada il meglier
  • porscher cussegliaziun da moda e far attenta la clientella sin ils pretschs ed ils indizis da qualitad
  • serrar giu la vendita e fixar termins
  • far la tgira dals egliers, dar tips da igiena e tgira e vender products da tgira
  • vender auters products optics ed accessoris (perspectiv, marellas, etuis, e bindels d'egliers)
Elavuraziun e tgira da products d'optica
  • examinar la qualitad e las mesiras dals vaiders d'egliers (circumferenza, grossezza, sturschida), megliurar nua ch'i è necessari e montar ils roms dals egliers
  • reparar egliers, midar ora tocca, pulir ils vaiders
  • adattar ils roms dals egliers a la furma da la fatscha da la clientella e garantir il confort da purtar ils egliers
  • dismetter il rument a moda adattada a l'ambient, nettegiar apparaturas, instruments, guaffens ed endrizzaments
Administraziun e marketing
  • administrar datas da l'incumbensa, da clientella e dals furniturs
  • empustar e controllar products sco er administrar l'inventari dal deposit
  • gidar a concepir mesiras da marketing dal manaschi, p.ex. decorar vitrinas e stizun, preschentar products u far reclama en las medias socialas
  • sustegnair campagnas da prevenziun, per exempel per egliers da sulegl u protecziun da vesida

Scolaziun

Basa legala

Ordinaziun federala dals 14-06-21

Durada

3 onns

Furmaziun en la pratica

en in affar spezialisà d’optica

Furmaziun en scola

2 dis per emna (1. onn d’emprendissadi) resp. 1 di per emna (2. fin 3. onn d’emprendissadi) a la scola professiunala a Berna, Olten, Turitg, Lausanne u Cannabio

Roms professiunals

  • Cussegliar clientella e vender products d'optica
  • Elavurar e tgirar products d'optica
  • Lavurs administrativas e gidar da concepir mesiras da marketing
  • Tgirar, mantegnair ed administrar endrizzaments, instruments e rauba

Curs ordaifer il manaschi

Tar differents temas

Maturitad professiunala

Tar fitg bunas prestaziuns da scola po vegnir frequentà la scola da maturitad professiunala durant la furmaziun da basa. Il quart onn da la MP vegn absolvì suenter la furmaziun fundamentala professiunala sper in pensum da lavur parzial dad 80%.

Diplom

Attestat federal da qualificaziun "opticher / opticra AFQ"

Premissas

Furmaziun preliminara
  • temp da scola obligatoric terminà
  • bunas prestaziuns en las scienzas natiralas (fisica, biologia) e matematica
Pretensiuns
  • cumportament orientà a la clientella
  • empatia
  • patratgar logic
  • talent d’organisar
  • mauns inschignaivels per lavurs exactas
  • senn per l’estetica

Furmaziun supplementara

Curs

purschidas da l’Associaziun svizra per optica ed optometria (ASOO) u da scolas professiunalas

Examen professiunal (EP)

spezialista gestiun da l'interpresa IPM/ cun certificat federal

Examen professiunal superiur (EPS)

econom da manaschis IPM cun certificat federal

Scola spezialisada superiura (SSS)

ortoptista diplomada SSS u econom da manaschi SSS

Scola auta spezialisada (SAS)

Bachelor of Science (SAS) en optometria (a la Fachhochschule Nordwestschweiz FHNW) u Bachelor of Science (SAS) en economia da gestiun . Tut tenor scola auta spezialisada valan autras cundiziuns d'admissiun.

Cundiziuns da lavur

Optichers da professiun èn dumandads sin il martgà da lavur. Els chattan plazzas en affars spezialisads d’optica sco era en manaschis da l’industria optica. En ils affars spezialisads correspundan ils temps da lavur a l’urari d’avertura da l’affar.

Las premissas per ina lavur autonoma èn regladas dals chantuns. Per ordinari è in diplom d’ina scola spezialisada superiura ina premissa.

Ulteriuras infurmaziuns

Verein Berufliche Grundbildung Augenoptik (VBAO)
Baslerstr. 32
4601 Olten 1 Fächer
Tel: +41 62 212 80 33
URL: www.optikschweiz.ch




orientation.ch