Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Podolog / Podologa AFQ

Podologas e podologs AFQ tractan pes sauns e malsauns. Els tgiran a moda professiunala problems e raschuns per mal ils pes, la detta-pe e las unglas dals pes.

Lavurs

Tar podologas e podologs AFQ va glieud da tut las vegliadetgnas, persunas che han mal da chaminar e da purtar chalzers, che han in'ungla-pe ch'è creschida en, cun pel dal pe donnegiada u cun auters problems cun ils pes. Pes e detta-pe da persunas saunas tgiran ellas a moda independenta. Tar pazients da ristga che pateschan per exempel da disturbis da la circulaziun dal sang, diabetes u reumatissem resguardan ellas las instrucziuns da las podologas diplomadas SSS. Lur finamira è da mantegnair e meglierar il moviment ed il bainstar dals pazients e da las pazientas.

Per cumenzar sclereschan las podologas AFQ en in'anamnesa la raschun per ils mals: Porta il pazient chalzers adattads? Chaschunan smatgadas, pes schlargiads u pes sbassads ils mals? A moda empatica infurmeschan ellas ils pazients cun tge mesiras ch'ins pudess mitigiar lur mals. Ellas vesan era sch'in pazient dovra agid medicinal.

Podologas AFQ taglian unglas dal pe saunas u defurmadas, allontaneschan egls-giazla dolurus, pel dira e vaschias, tractan bulieus da las unglas ed unglas engrossidas. Ellas mettan faschadiras per levgiar smatgadas e blessuras e curregian cun in fermagl spezial unglas-pe creschidas en. Per unglas che na pon betg crescher a moda natirala, saja quai en consequenza d'in accident, pervia d'ina posiziun stretga da la detta-pe u pervia da chalzers che smatgan, modelleschan ellas in'ungla artifiziala che protegia il letg da l'ungla. Or da silicon furman ellas in sustegn per il spazi da la detta-pe. Instruments e maschinas utiliseschan ellas a moda precauta per betg chaschunar mals als pazients.

Sco mesira terapeutica masseschan las podologas AFQ ils pes e las chommas sut dals pazients. Ellas vendan products da pedicura als pazients ed als cusseglian areguard chalzers medicinals ed agids ortopedics per puspè pudair chaminar senza mals.

Suenter il tractament nettegian e steriliseschan las podologas AFQ ils instruments e mettan en urden lur plaz da lavur. Els documenteschan l'andament da la malsogna, protocolleschan las mesiras iniziadas e fan uschia visibel il success dal tractament.

Scolaziun

Basa legala

Ordinaziun federala 26-9-2012

Durada

3 onns

Furmaziun en la pratica

en ina pratica da podologia

Furmaziun en scola

1 di l'emna a la scola professiunala a Zofingen

Roms professiunals

  • ortopedia tecnica
  • anatomia generala / fisiologia
  • biologia generala / bacteriologia / microbiologia / infecziun
  • teoria da medicaments / sterilisaziun / dischinfecziun
  • anatomia speziala / ortopedia
  • patologia / dermatologica
  • etica da professiun e basa giuridica professiunala / dretg dals pazients

Curs ordaifer il manaschi

Emprender ed exercitar a moda pratica la basa professiunala

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "podolog / podologa AFQ"

Premissas

Furmaziun preliminara
  • scola populara terminada
Pretensiuns
  • interess per dumondas medicinal-terapeuticas
  • mauns inschignus e ruassaivels
  • pazienza e perseveranza
  • nagina tema da contacts
  • abilitad da supportar squitsch
  • abilitad da communitgar e plaschair da contacts
  • empatia, chapientscha ed avertadad per differentas persunas
  • buna demananza e cumparsa confurma a la situaziun
  • discreziun
  • senn per urden e per igiena
  • abilitad d'organisar
  • conscienza da servetschs

Furmaziun supplementara

Curs

purschidas da l'Associaziun svizra da podologas e podologs SPV

Examen professiunal (EP)

p.ex. massader medicinal / massadra medicinala cun certificat professiunal federal

Scola spezialisada superiura (SSS)

p.ex. podolog / podologa SSS u spezialist d'activaziun diplomà / spezialista d'activaziun diplomada SSS, spezialist da tgira diplomà / spezialista da tgira diplomada SSS

Scola auta spezialisada (SAS)

p.ex. Bachelor of Science (SAS) en fisioterapia, Bachelor of Science (SAS) en tgira

Cundiziuns da lavur

Podologas lavuran en praticas da podologia, ospitals ed en chasas d'attempads e da tgira. La professiun po era vegnir exequida a temp parzial. Il martgà da lavur sa differenziescha tut tenor regiun, da princip datti però bleras plazzas. Per avrir in'atgna pratica da podologia èsi necessari d'avair in diplom da la scola spezialisada superiura (SSS) ed ina lubientscha da la direcziun chantunala da sanadad.

Ensemen cun la medischina sa sviluppa la podologia cuntinuadamain. Per mantegnair ed augmentar las schanzas sin il martgà da lavur èsi indispensabel da restar al current pertutgant svilups medicals e tecnics.

Ulteriuras infurmaziuns

Associaziun svizra da podologas e podologs SPV
Secretariat
6210 Sursee
Tel: 041 926 07 61
URL: www.podologie.ch

Center da furmaziun e perfecziunament Zofingen (BZZ)
4800 Zofingen
Tel: 062 745 56 00
URL: www.bwzofingen.ch

Survista professiuns da sanadad:
URL: www.gesundheitsberufe.ch

Revista professiunala:
"Podologie Schweiz"



orientation.ch