Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Tecnicist / Tecnicista da dents AFQ

Tecnicists e tecnicistas da dents lavuran en labors dentals. En lavur da precisiun conscienziusa fan els punts dentalas, curunas dals dents e protesas dentalas sco er apparats da l’ortopedia da la missella.

Lavurs

Tar in remplazzament parzial u general d’in dent u d’ina punt èsi necessari da far in implantat sin mesira. Quel sto vegnir adattads exactamain sin la dentadira e sin la missella dal pazient per ch’els na fetschian mal nagliur. Dal dentist survegnan tecnicists e tecnicistas ina reproducziun convenziunala ni digitala da la missella donnegiada. Or da quella reproducziun furman els in model da gip ch’als serva sco model da lavur ni elavureschan las datas digitalas tar in model virtual. Tut tenor basegns sa quel vegnir squitschads d'in copiader da 3D.  L’emprim modelleschan els or da tschaira las curunas dals dents, las punts, ils dents da statgetta, las protesas parzialas e totalas. La lavur finala vegn silsuenter fatga or da cheramica, metal e materia sintetica. Alternativamain dissegnan els il dent da remplazzament al computer. Alura vegnan quel glimads en furma cun agid dad in apparat da CAD/CAM (Computer Aided Design/Computer Aided Machine).

Tecnicists da dents utiliseschan per il remplazzament da dents er dents prefabritgads a moda industriala. Ina gronda part è lavur da precisiun a maun: Tar mintga remplazzament da dents ston ils dents, pertutgant furma anatomica e colur, ir exactamain a prà cun la retscha da dents natirals da la dentadira. Tecnicists da dents fan er denteras che reguleschan la missella. Quellas furman els or da fildarom cun agid d’ina zanga. In’ulteriura incumbensa è la producziun da remplazzaments parzials da las schunschivas.

Tecnicists da dents lavuran cun differents materials: Els modelleschan cun tschaira, elavuran gip e materia sintetica, dattan si cun il penel cheramica, cumpriman cheramica ni materia sintetica da gronda prestaziun, culan e lutegian aur, storschan atschal raffinà e metals prezius. Cun apparats da CAD/CAM fresan ni gliman el cheramica, oxids da zircon, materia sintetica da gronda prestaziun ni metals. Las lavurs che vegnan dadas per incumbensa dals dentists mainan els tras per gronda part autonomamain davent da la planisaziun enfin il product final. Savens lavuran els parallelamain vi da differentas incumbensas. Sper utensils a maun sco zangas, instruments da modelar e penels dovran els er differents apparats tecnics sco micromotors, maschinas da mular, fresas e maschinas da furar, apparats da CAD/CAM e squitschaders da 3D, apparats da lutegiar, pressas idraulicas, indrizs per luar e per cular sco er apparats da nettegiar ad ultrasun.

Durant la lavur dal mintgadi resguardan ils spezialists las directivas da la protecziun da l’ambient, da la sanadad e da la segirezza. Els dismettan ruments a moda professiunala e resguardan las prescripziuns d’igiena.

Scolaziun

Basa legala

Ordinaziun federala 17-10-2017

Durada

4 onns

Furmaziun en la pratica

En in labor dental

Furmaziun en scola

1 di per emna a la scola professiunala

Roms professiunals

  • organisar ils process da lavur
  • producir remplazzaments da dents demontabels
  • producir remplazzaments da dents stabels
  • producir apparaturas e lingias ortopedicas da la missella
  • exequir lavurs da tractament posteriur, prestaziuns da service, reparaturas e schlargiaments
  • Curs ordaifer il manaschi

    Tar differents temas

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "tecnicist / tecnicista da dents AFQ"

Premissas

Furmaziun preliminara
  • scola populara terminada
  • Swiss Dental Laboratories porscha in test da qualificaziun e recumonda d’absolver in fufragnadi.
Pretensiuns
  • interess vi d’anatomia, chemia e fisica
  • plaschair vi da la lavur da precisiun
  • pazienza e perseveranza
  • inschign manual
  • bun dun d’observaziun
  • buna vesida da colurs
  • abilitad da s’imaginar chaussas en il spazi
  • senn per colurs e furmas
  • talent d’organisar process da lavur, bun timing
  • naginas allergias en connex cun chemicalias
  • demananza orientada a la clientella e prontadad da s’engaschar

Furmaziun supplementara

Curs

purschidas d’associaziuns professiunalas, firmas dentalas sco er instituts dentals d’universitads, p.ex. Dentevent (Uni Bern e Turitg)

Spezialisaziun

direcziuns d’approfundaziun cun diplom da la Höhere Fachausbildung für Zahntechnik HFZ:

  • tecnologias sustegnidas dal computer
  • protesas permanentas
  • ortopedia da la missella

Examen professiunal (EP)

tecnicist/tecnicista da dents spezialisà  en l'ortopedia da la missella cun attestat federal da qualificaziun

Examen professiunal superiur (EPS)

maister tecnicist / maistra tecnicista da dents

Cundiziuns da lavur

Tecnicists da dents lavuran en labors dentals, en praticas da dentists, en clinicas universitaras e clinicas da scola sco er en l’industria dentala. Ils spezialists pon lavurar a temp parzial. Els ston quintar cun squitsch da temp e temp da lavur malregulà.

Per motivs da la midada tecnologica sa scoleschan ils spezialists permanentamain.

Ulteriuras infurmaziuns

Swiss Dental Laboratories
c/o hsp - Hodler, Santschi & Partner AG
Belpstr. 41
3007 Bern
Tel: 031 381 64 50
URL: www.vzls.ch

Schweizerische Zahntechnik-Vereinigung SZV
Bahnhofstr. 23
8956 Killwangen
Tel: 056 500 20 60
URL: www.szv.ch

Höhere Fachausbildung für Zahntechnik HFZ
c/o Gewerblich-industrielles Bildungszentrum Zug GIBZ
Baarerstr. 100
6300 Zug
Tel: 041 728 30 30
URL: www.hfz.ch

Revistas professiunalas:
"dental dialogue"
"Swiss Dental Community"
"das dental labor"



orientation.ch