Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Ortulan / Ortulana AFP

Ortulans ed ortulanas AFP bajegian e tgiran curtins e parcs. Els s’occupan da la producziun da flurs, bostgaglia e plantas en ierts sut vaider u en il liber.

Lavurs

Ortulans ed ortulanas lavuran cun plantas. Els sa spezialiseschan en ina da las duas direcziuns.

Ortulans da la direcziun orticultura e cuntrada gidan da bajegiar e tgirar curtins, plazzas da gieus, implants da sport u parcs. Els construeschan vias, plazs, scalas e miraglia. Latiers dovran els diversas maschinas e guaffens. Tar lur lavur tutgi per exempel da segar il pastget, far ora laina u raschlar ensemen feglia.

Ortulans da la direcziun plantera multiplitgeschan e cultiveschan plantas decorativas e plantas da niz. Quai pon esser flurs, chaglias u plantas. Els s’occupan da la producziun da las plantas en ierts sut vaider u en il liber. Latiers dovran els maschinas per metter en in vasch, chars per transportar, indrizs da sauar, tagliels da maun, zappas e palas.

Ortulans san tge che plantas dovran per viver e crescher. Els elegian per mintga lieu las plantas che pon là crescher bain. Latiers ston els observar l’aura ed il terratsch.

Plinavant guardan ortulans da donnegiar l’ambient uschè pauc sco pussaivel. En il mintgadi da lavur protegian els l’atgna sanadad. Tar lavurs privlusas portan els guants, protecturs da la fatscha e da l’udida.

Ina gronda part da la lavur fan ortulans en il team. La glieud da professiun sa mova bler ed è savens en il liber.  Per quests motivs è la professiun corporalmain fitg stentusa.

Scolaziun

Basa legala

Ordinaziun federala dals 31-10-2011

Durada

2 onns

Direcziuns

  • orticultura e cuntrada
  • plantera

Furmaziun en la pratica

En ina interpresa d’orticultura da la direcziun correspundenta

Furmaziun en scola

1 di per emna a la scola professiunala

Roms professiunals

  • omaduas direcziuns: preparaziun da furniziun, lavurs da mantegniment dal manaschi, lavurs da plantar e da semnar, nutriment e protecziun da plantas, enconuschientscha e diever da plantas
  • tenor direcziun: tgira d’ierts e da spazis verds, orticultura e cuntrada u producziun da plantas, multiplicaziun da plantas
  • Curs ordaifer il manaschi

    Emprender ed exercitar a moda pratica la basa professiunala

    Diplom

    Attest federal professiunal "ortulan / ortulana AFP"

Premissas

Furmaziun preliminara
  • scola populara terminada
Pretensiuns
  • plaschair da lavurar en il liber ed en in team
  • plaschair da lavurar cun plantas
  • mauns inschignus e ferms
  • forza e movibilitad
  • enclegientscha pratica
  • pazienza ed exactadad
  • buna sanadad (p. ex. naginas allergias da pollen, resistenza a l’aura)
  • enclegientscha tecnica e per lavurs cun maschinas

Furmaziun supplementara

Curs

Purschidas da scolas professiunalas e da scolas d’orticultura sco er da federaziuns (p. ex. JardinSuisse, Associaziun svizra d’orticulturas urbanas ed uffizis d’orticultura VSSG)

Ortulan / Ortulana AFQ

Ortulans / ortulanas AFP pon far ina furmaziun da basa scursanida sco ortulan / ortulana cun attestat federal da qualificaziun (AFQ).

Suenter han els las medemas pussaivladads da furmaziun supplementara sco ortulans / ortulanas AFQ.

Cundiziuns da lavur

Ortulans AFP lavuran en orticulturas, en centers d’orticultura, instituts da retschertga e perscrutaziun e curtins botanics. Ortulans lavuran da tutt’aura ordadora. La chargia da lavur po esser fitg auta. Las cundiziuns d’engaschament èn regladas tras il contract collectiv da lavur (CCL) per il sectur verd.
Las cundiziuns d'engaschament èn per part regladas en il contract collectiv da lavur.

Ulteriuras infurmaziuns

JardinSuisse
Unternehmerverband Gärtner Schweiz
Bereich Berufsbildung
Bahnhofstr. 94
5000 Aarau
Tel: 044 388 53 35
URL: www.jardinsuisse.ch





orientation.ch