Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: En raison des travaux de maintenance sur les serveurs d’orientation.ch, il faut s'attendre à des interruptions le mardi 25 septembre entre 18h00 et 00h00.

Assistent / Assistenta da mazlaria AFP

Assistentas ed assistents da mazlaria AFP elavureschan charn, produceschan products a basa da charn e vendan differents products da charn. Els lavuran cun apparats da tagliar e resguardan las prescripziuns igienicas.

Lavurs

Assistentas ed assistents da mazlaria AFQ lavuran en duas differentas direcziuns spezialisadas. En la direcziun da producziun ed elavuraziun stagnan e staglian charn – ubain en in manaschi pitschen commerzial u en in manaschi grond industrial da la producziun da l’elavuraziun da charn. En la direcziun da la preparaziun e vendita lavuran els en ina stizun dal commerzi spezialisà da victualias nua ch’els han contact cun la clientella e vendan charn.

Assistents da mazlaria cun accent sin la producziun e l’elavuraziun staglian il corp d’animal mazzà cun agid da resgias da charn e cuntels gizs. Cun cuntels spezials da stgarnir taglian els la charn da l’oss e la partan en purziuns pli pitschnas. Durant il stgarnir e stagliar ston els lavurar cun premura e a moda e maniera netta. Tscherta tocca da charn vegn preparada directamain per la vendita. Per quai sto la charn vegnir emballada, etichettada e magasinada correctamain. Ord la tocca da charn restanta elavureschan els differentas liongias. Els gidan er ad ensalar u fimentar tocca da charn per la pudair conservar pli ditg. La finamira è da trair a niz l’entir animal.

Assistents da mazlaria cun accent sin la preparaziun e la vendita preparan la charn per la vendita. Els prendan davent tessì da grass restant da la charn cun in cuntè, lian ensemen brassads professiunalmain, preparan plattas fraidas da charn e produceschan delicatessas sco per exempel tratgas da schelatina. Ultra da quai enconuschan els la differenta tocca da charn e san cussegliar la clientella davart lur preparaziun. En l’affar presentan els ils products a moda attractiva. Els servan e cusseglian la clientella ed emballeschan la charn.

Assistents da mazlaria utiliseschan guaffens, indrizs e maschinas sco cuntels ed apparats da tagliar. Per in tagl schuber ston quels adina puspè vegnir gizzads. Els lavuran cun quels a moda precauta e resguardan las prescripziuns davart la segirezza. L'igiena e la nettezza giogan ina rolla impurtanta durant la lavur d’assistents da mazlaria. Perquai nettegian els ils indrizs, apparats e guaffens mintga di. Durant l’elavuraziun da la charn portan els scussals, guants da gumma e raits da chavels.

Scolaziun

Basa legala

Ordinaziun federala 18-10-2016

Durada

2 onns

Accents

  • producziun ed elavuraziun
  • preparaziun e vendita

Furmaziun en la pratica

En affars da charn, en manaschis d’elavuraziun commerzials u industrials

Furmaziun en scola

1 di l'emna a la scola professiunala

Roms professiunals

  • segirezza da la protecziun da l’ambient e da las prescripziuns davart la qualitad
  • producziun da charn, preparaziuns da charn, products da charn
  • preparaziun e vendita da products da charn
  • Curs ordaifer il manaschi

    Emprender ed exercitar a moda pratica la basa professiunala

    Diplom

    Attestat federal professiunal "Assistent / assistenta da mazlaria AFP"

Premissas

Furmaziun preliminara
  • scola populara terminada
Pretensiuns
  • interess per victualias e spezialmain per la charn
  • enconuschientschas dal tudestg
  • senn per la nettezza e l’igiena
  • buna sanadad ed abilitad da supportar squitsch
  • abilitad da lavurar en ina gruppa

Furmaziun supplementara

Curs

purschidas da scolas professiunalas, d’associaziuns sco era dal center da furmaziun da l’economia da charn svizra a Spiez

Spezialist / Spezialista da products da charn AFQ

Assistents da mazlaria pon far ina furmaziun da basa scursanida sco spezialists da products da charn AFQ (access al segund onn da la furmaziun da basa). Suenter han els las medemas pussaivladads da furmaziun supplementara sco spezialists da products da charn AFQ.

Cundiziuns da lavur

Assistents da mazlaria AFP lavuran en affars da charn, en manaschis d’elavuraziun commerzials u industrials u tar distribuiders a l’engrossa. Tut tenor l’accent da furmaziun e tenor il manaschi varieschan ils temps da lavur. En la direcziun da la producziun e da l’elavuraziun cumenzan assistents da mazlaria savens pli baud cun la lavur. Ils temps da lavur da assistents da mazlaria cun accent sin la preparaziun e la vendita dependan dals temps d’avertura dals affars.

Ulteriuras infurmaziuns

Uniun professiunala svizra da charn
Sihlquai 255
Postfach 1977
8031 Turitg
Tel: 044 250 70 60
URL: www.swissmeatpeople.ch





orientation.ch