Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Emploià / Emploiada da cuschina AFP

Emploiadas ed emploiads da cuschina lavuran en cuschinas da restaurants, hotels, chasas da tgira u ospitals. Els lavuran en il team da cuschina e preparan tratgas simplas.

Lavurs

Tut tenor manaschi exequeschan els suandantas lavurs:

Preparar spisas
  • preparar salatas, sosas da salata, avantpasts fraids u coctails
  • cuschinar garnituras sco pastas, ris u tartuffels
  • brassar charn, grillar giaglinom u frittar pesch
  • preparar desserts sco salatas da fritga, cremas e turtas
  • garnir las tratgas tenor las directivas dal manaschi
  • lavurar tenor las instrucziuns da lur superiurs e las realisar
  • savair tge moda da preparaziun che va a prà il meglier tar las singulas verduras, la charn u il pesch specific
  • savair tge padellas che vegnan duvradas
Tegnair schuber il plaz da lavur
  • nettegiar ils cuntels, las planettas, las padellas, ils apparats e las maschinas e far urden
  • conservar ils aliments a moda igienica
  • resguardar las prescripziuns davart la segirezza da la lavur e la protecziun da la sanadad

Scolaziun

Basa legala

Ordinaziun federala 7-12-2004 (stadi dals 1-1-2018)

Durada

2 onns

Furmaziun en la pratica

En in restaurant, hotel, restaurant da persunal, ospital u ina chasa da tgira (almain 35 emnas l'onn)

Furmaziun en scola

1 di l'emna a la scola professiunala

Roms professiunals

  • enconuschientscha aliments,
  • enconuschientschas da cuschinar,
  • quints dal rom,
  • scienza dal nutriment,
  • instrucziun da menus,
  • instrucziun da manaschi
  • Curs ordaifer il manaschi

    Davart ils temas: cuschina fraida e desserts; schuppas, verdura e garnitura; tratgas d’ovs e da chaschiel; tratgas da peschs, fonds, sosas e variantas; charn, tratgas da giaglinom e sosas

    Diplom

    Attest federal professiunal "emploià / emploiada da cuschina AFP"

Premissas

Furmaziun preliminara
  • temp da scola obligatoric terminà
Pretensiuns
  • bun gust e bun nas
  • mauns inschignaivels
  • bun dun d’organisar
  • abilitad da lavurar en in team
  • plain fantasia
  • conscienza da l’igiena
  • buna sanadad
  • abilitad da lavurar sut squitsch

Furmaziun supplementara

Curs

purschidas da las associaziuns professiunalas

Cuschinier / Cuschiniera AFQ

Emploiads cun attest federal professiunal (AFP) pon frequentar ina furmaziun da basa scursanida sco cuschinier/a AFQ (access al segund onn da la furmaziun da basa).

Suenter han els las medemas pussaivladads da furmaziun supplementara sco cuschiniers / cuschinieras AFQ (vesair p.ex. www.berufehotelgastro.ch).

Cundiziuns da lavur

Emploiads da cuschina lavuran en restaurants u en cuschinas da hotels, firmas, chasas da tgira u ospitals. Els han savens temps da lavur malregulads e lavuran era la saira, las fins d’emna e firads. Tgi che tschertga ina plazza d’emprendissadi duess er esser pront da lavurar en ina regiun rurala. L’intermediaziun da fufragnadis e plazzas d’emprendissadi da la branscha (www.berufehotelgastro.ch) gida persunas interessadas da tschertgar purschidas en tuttas regiuns linguisticas da la Svizra. Emploiads da cuschina motivads e flexibels han bunas schanzas da chattar ina plazza suenter l’emprendissadi.

Ulteriuras infurmaziuns

GastroSuisse
Verband für Hotellerie und Restauration
Blumenfeldstr. 20
8046 Zürich
Tel: +41 848 377 111
URL: www.gastrosuisse.ch

hotelleriesuisse
Monbijoustr. 130
3001 Berna
Tel: +41 31 370 42 83
URL: www.berufehotelgastro.ch




orientation.ch