Passer au titre

Practicist / Practicista da mantegniment AFP

Lavurs

Practicists e practicistas da mantegniment controlleschan, nettegian e mantegnan l’infrastructura. Tar l’infrastructura ch’els tgiran, tutgan edifizis, vias da traffic, zonas verdas, plazzas da giugar ed indrizs da sport. Els mantegnan er indrizs en ils edifizis, sco per exempel stgaudament, electricitad, indrizs sanitars e tavladira.

Els exequeschan suandantas lavurs

Nettegiar edifizis
  • installar tavlas che fan attent a lavurs che vegnan exequidas
  • tgirar e nettegiar fanestras e palantschieus da sulers, stgalas, pastrigns, tualettas ed auters locals communabels
  • tractar cuvridas particularas cun meds spezials, per exempel installaziuns da lain, paraids e palantschieus sura
  • magasinar, mantegnair e nettegiar apparats duvrads a moda correcta
  • controllar reservas da meds ed apparats da nettegiar sco er ulteriur material
  • duvrar nua ch’i è pussaivel meds che schanegian l’ambient e la sanadad
Mantegniment d’edifizis ed indrizs
  • far reparaturas pitschnas vi d’installaziuns senza electricitad, remplazzar pairs electrics defects,  stuppadiras u autra tocca pitschna
  • garantir che ils apparats funcziunian, eliminar disturbis e consultar persunas spezialisadas
  • tgirar plantas e flurs en spazis ch'èn accessiblas al public
  • dismetter u reciclar il rument a moda adattada a l'ambient
  • eriger infrastructura speziala tar eveniments u occurrenzas
Tgirar spazis exteriurs publics
  • garantir l'access als edifizis, p.ex. pinar sendas e far ora naiv l'enviern
  • segar pastgets, tgirar prads, tagliar saivs vivas, raschlar feglia, zerclar
  • tgirar plantas, chaglias, eras e parcs sco era cumpostar rument da plantas
  • mantegnair claus u glisch el spazi exteriur
  • duvrar a moda correcta differents vehichels, apparats pigns e guaffens
  • glista da check davart lavurs prestadas, spedir vinavant documents impurtants (p.ex. scrit da furniziun, offertas) als superiurs

Scolaziun

Durada

2 onns

Furmaziun en la pratica

En in manaschi grond, in’instituziun pli gronda (scola, chasa, ospital euv.), ina vischnanca, in uffizi da construcziun bassa euv.

Furmaziun en scola

1 di per emna a la scola professiunala

Roms professiunals

  • organisar las lavurs da mantegniment
  • finir lavurs da mantegniment
  • nettegiar il cumplex e l’infrastructura administrada
  • mantegnair e reparar cumplex exteriurs ed interiurs e tgirar las zonas verdas

Curs ordaifer il manaschi

Emprender ed exercitar a moda  pratica la basa professiunala, 17 dis durant 2 onns

Diplom

Practicist / Practicista da mantegniment AFP

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • enclegientscha pratica e tecnica
  • fidadadad
  • forza fisica

Furmaziun supplementara

Curs

purschidas da scolas spezialisadas e professiunalas sco er da l’associaziun dal Schweizerischer Fachverband Betriebsunterhalt SFB

Spezialist / Spezialista per il mantegniment dal manaschi

Practicists e practicistas da mantegniment pon far ina furmaziun da basa scursanida sco spezialist/a per il mantegniment dal manaschi AFQ (access en il 2. onn d’emprendissadi).
Silsuenter pon els absolver las medemas furmaziuns cuntinuantas sco ils spezialists per il mantegniment dal manaschi AFQ.

Cundiziuns da lavur

Practicists e practicistas da mantegniment exequeschan lur lavurs ton en ils edifizis sco er or en il liber, durant tut las stagiuns e da tut aura ordadora. Els èn per regla part d'in team, exequeschan dentant er tschertas lavurs sur sasez. Damai ch’els dovran differentas maschinas e guaffens e substanzas da tissi, portan els tut tenor lavur equipament da protecziun adattà, chalzers da segirezza e mascrinas. Ils temps da lavur pon mintgatant esser irregulars.

La glieud da professiun èn engaschads tar administraziuns da vischnancas, lavuratoris communals, ospitals, scolas, chasas, baselgias, administraziuns d’immobiglias, firmas da nettegiar u tar manaschis gronds.

Ulteriuras infurmaziuns

SFB – Schweizerischer Fachverband Betriebsunterhalt
3076 Worb
URL: www.betriebsunterhalt.ch



orientation.ch