?global_aria_skip_link_title?

Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Elavuratur / Elavuratura da lain AFP

Elavuraturas ed elavuraturs da lain elavuran lain tar differents products. Els lavuran en manaschis da lain (p.ex. lainaria) u en manaschis da l'industria da lain (p.ex. resgias) Els sa gidan tar la montascha dad elements ed èn responsabels per pachetar e magasinar ils products.

Lavurs

Els exequeschan suandantas lavurs:

Preparaziun da la lavur
  • planisar ed organisar cun ils superiur ed ils collavoraturs la fabricaziun da products e construcziuns da lain
  • enconuscher ed eleger differentas sorts da lain (p.ex. pign, aviez, fau u ruver)
  • retschaiver empustaziuns da lain, controllar la qualitad e deponer il lain a moda correcta
  • enconuscher ed utilisar guaffen, apparats e maschinas per la producziun da lain
  • mantegnair guaffens, apparats e maschinas e nettegiar il plaz da lavur
  • garantir la segirezza al plaz da lavur, enconuscher e resguardar las mesiras per la protecziun dal ambient e per la protecziun da lavur
Accent industria
  • gidar da far or da bists (p.ex. lain ord il guaud) laina da tagl ( travs, aissas u lattas)
  • sientar, magasinar e preparar ils products finì per il transport
  • elavurar sche pussaivel las restanzas da lain, producir p.ex. pellets u plattas cumprimidas
  • accent manaschi e construcziun
  • gidar da metter en furma giavischada la tocca da laina: resgiar, fresar, splanar, furar
  • tractar il lain, p.ex. impregnar u dar si lac
  • magasinar ils elements da lain preparads, preparar ils guaffens, las apparaturas e  las maschinas ed als transportar ensemen cun ils elements da lain sin il plazzal
  • gidar da montar ils elements da lain e construir construcziuns en lain sco tetgals, revestgiment da paraids, scalas, balcuns, roms da la fanestra u plattas d'isolaziun

Scolaziun

Basa legala

Ordinaziun federala 23-8-2010 (stadi dal 1-1-2018)

Durada

2 onns

Accents

  • industria
  • manaschi e construcziun

Furmaziun en la pratica

En in'interpresa d’elavuraziun da laina

Furmaziun en scola

1 di l'emna a la scola professiunala

Roms professiunals

  • lain, guaud e branscha
  • producziun
  • segirezza da la lavur, protecziun da l’ambient, protecziun da la sanadad, prevenziun d’incendis
  • Curs ordaifer il manaschi

    Emprender ed exercitar a moda pratica la basa professiunala

    Diplom

    Attest federal professiunal "elavuratur / elavuratura da lain AFP"

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • imaginaziun dal spazi
  • enclegientscha tecnica
  • fitg buna abilitad da lavurar en in team
  • sanadad robusta
  • forza corporala e movibladad

Furmaziun supplementara

Curs

purschidas da scolas spezialisadas e professiunalas sco era da l’Associaziun da la Construcziun en lain Svizra e da l'industria da lain Svizra

Attestat federal da qualificaziun AFQ

Elavuraturs da lain AFP pon frequentar suenter il diplom ina furmaziun scursanida da basa sco resgiadras  en l’industria da lain AFQ u lainari AFQ (cumenzament el segund onn dad emprendissadi).
Suenter han els las medemas pussaivladads da furmaziun supplementara sco lainaris AFQ resp. resgiaders en l'industria da lain AFQ.

Cundiziuns da lavur

Elavuraturs ed elavuraturas da lain èn part dad in team. Tut tenor accent lavuran els en pitschnas, mesaunas u grondas interpresas da la industria da lain (resgias, manaschis da colla, da splanar) u en manaschis da construcziun en lain (lainarias, manaschis da construcziun auta u bassa).

L'industria da lain svizra crescha e la materia prima lain es favuraivla a l'ambient e schanegia il clima. Ord quai motiv èn las perspectivas professiunalas bunas.

Ulteriuras infurmaziuns

Construcziun en lain Svizra
Schaffhauserstr. 315
8050 Turitg
Tel: +41 44 253 63 93
URL: www.holzbau-schweiz.ch

Industria da lain Svizra
Mottastrasse 9
3000 Berna 6
Tel: +41 31 350 89 89
URL: www.holz-bois.ch



orientation.ch