?global_aria_skip_link_title?

Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Practicist da scrinari / Practicista da scrinaria AFP

Practicists e practicistas da scrinari AFP fan simplas lavurs da scrinari en il lavuratori e sin il plazzal. Els elavuran lain ed auters materials e monteschan elements da construcziun tenor plans.

Lavurs

Els exequeschan suandantas lavurs

Lavuratori
  • leger ed interpretar ils plans da las incumbensadras ed ils incumbensaders
  • enconuscher differentas sorts da lain ed auter material da lavurar
  • gidar da planisar las lavurs e pinar il material
  • mesirar e preparar tenor indicaziuns dals scrinaris e da las scrinarias il lain massiv u ils mez fabritgads (lattas, travs squadras)
  • tagliar, resgiar, splanar, furar, fresar e glimar lain u auter material a maun cun guaffens u cun maschinas spezialas
  • metter ensemen la tocca nua ch'i è necessari
  • tractar las surfatschas, p.ex. cun glimar, dar si lac e montar enferradira (p.ex. savas d'ischs)
Plazzal u tar la clientella
  • chargiar e transportar la tocca fin al plazzal u tar la clientella
  • gidar da montar l'endrizzament, las mobiglias, ischs, fanestras, barcuns ed ulteriura tocca da construcziun
  • mantegnair ils guaffens, las apparaturas e maschinas, dismetter u reciclar il rument adattà a l'ambient, nettegiar il plaz da lavur
  • garantir la segirezza al plaz da lavur, enconuscher e resguardar las perscripziun per la protecziun da l'ambient ed al plaz da lavur

Scolaziun

Basa legala

Ordinaziun federala dal 1-12-2005 (versiun dal 1-1-2018)

Durada

2 onns

Direcziuns

  • scrinaria
  • construcziun da fanestras

Furmaziun en la pratica

En ina scrinaria u en in lavuratori d'emprendissadi (Basilea, Berna, Hausen am Albis u Samedan, mintgamai mo la direcziun scrinaria)

Furmaziun en scola

1 di l'emna a la scola professiunala

Roms professiunals

  • tecnica da construcziun (segirezza da lavur, resursas dal manaschi, montascha / furniziun)
  • enconuschientscha da materials (materials, protecziun da l'ambient / ecologia)
  • planisaziun (dissegn tecnic, calculaziuns, administraziun)
  • Curs ordaifer il manaschi

    Emprender ed exercitar a moda pratica las basas professiunalas

    Diplom

    Attest federal professiunal "practicist da scrinari / practicista da scrinaria AFP"

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • buna imaginaziun dal spazi
  • lavur precauta ed exacta
  • buna sanadad (naginas allergias da pulvra e chemicalias)

Furmaziun supplementara

Curs

purschidas da l'Associaziun svizra dals maister scrinaris e fabricants da mobiglias ASSFM

Scrinari / scrinaria AFQ

Practicists da scrinaris pon far ina furmaziun da basa scursanida sco scrinari AFQ (access al segund onn da la furmaziun da basa).

Suenter han els las medemas pussaivladads da furmaziun supplementara sco scrinaris AFQ.

Cundiziuns da lavur

Practicists e practicistas da scrinari AFP lavuran en scrinarias ed en auters manaschis ch'elavuran lain, oravant tut en manaschis mesauns e gronds, nua che las lavurs sa repetan. Darar lavuran els en manaschis pitschens ch'exequeschan lavurs individualas.

La branscha da laina svizra crescha e la materia prima lain è favuraivla a l'ambient e schanegia il clima.
Persunas dil fatg èn fitg tschertgadas sin il martgà da lavur.

Ulteriuras infurmaziuns

Associaziun svizra dals maister scrinaris e fabricants da mobiglias ASSFM
Tel: +41 44 267 81 00
URL: www.vssm.ch



orientation.ch