Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Practicist da scrinari / Practicista da scrinaria AFP

Practicists e practicistas da scrinari AFP fan simplas lavurs da scrinari en il lavuratori e sin il plazzal. Els elavuran lain ed auters materials e monteschan elements da construcziun tenor plans.

Lavurs

Practicists da scrinari AFP enconuschan las pli impurtantas tecnicas per elavurar lain e material da lain. En la scrinaria gidan els a fabritgar elements da construcziun. Els gliman la tocca da lain, la preparan per il vernischadi e monteschan enferradira sco per exempel maniglias. Els lavuran en in team u exequeschan las lavurs a moda autonoma.

Cuntrari a las scrinarias na dissegnan practicistas da scrinari betg sezzas ils plans. Ellas fan simplas calculaziuns e skizzas. Ellas san leger ed interpretar ils plans da las scrinarias.

Practicists da scrinari preparan la montascha. Els mettan a disposiziun ils materials necessaris, guaffens e meds auxiliars e chargian ils vehichels da transport. Sin il plazzal monteschan els la tocca da construcziun tenor las ordinaziuns dals superiurs. Per quest intent resguardan els las normas e las prescripziuns ecologicas valaivlas. La qualitad da lur lavur è impurtanta per els ed els fan stim da la protecziun da l'ambient. Els lavuran gugent en il team. Per cas che lur clientella ha dumondas u giavischs specifics davart lur lavur, èn ils practicists da scrinari pronts da gidar.

Practicistas da scrinari enconuschan ils materials e meds auxiliars che vegnan utilisads en la scrinaria. Ils divers materials da lain elavuran ellas cun sentiment. Meds auxiliars sco colla, palpiri da vaider, vernisch e tschaira dovran ellas a moda professiunala.

Practicists e practicistas da scrinari elavuran il lain cun guaffens e cun maschinas. Sch'ils guaffens e las maschinas na vegnan betg utilisads a moda correcta, po quai esser privlus. Els lavuran perquai a moda attenta e persequiteschan strictamain las prescripziuns da la segirezza a la lavur e da la protecziun da la sanadad. Uschia na protegian els betg mo sa sezs, mabain era lur collavuraturs.

Scolaziun

Basa legala

Ordinaziun federala dal 1-12-2005 (versiun dal 1-1-2018)

Durada

2 onns

Direcziuns

  • scrinaria
  • construcziun da fanestras

Furmaziun en la pratica

En ina scrinaria u en in lavuratori d'emprendissadi (Basilea, Berna, Hausen am Albis u Samedan, mintgamai mo la direcziun scrinaria)

Furmaziun en scola

1 di l'emna a la scola professiunala

Roms professiunals

  • tecnica da construcziun (segirezza da lavur, resursas dal manaschi, montascha / furniziun)
  • enconuschientscha da materials (materials, protecziun da l'ambient / ecologia)
  • planisaziun (dissegn tecnic, calculaziuns, administraziun)
  • Curs ordaifer il manaschi

    Emprender ed exercitar a moda pratica las basas professiunalas

    Diplom

    Attest federal professiunal "practicist da scrinari / practicista da scrinaria AFP"

Premissas

Furmaziun preliminara
  • scola populara terminada
Pretensiuns
  • inschign manual
  • buna imaginaziun dal spazi
  • lavur precauta ed exacta
  • buna sanadad (naginas allergias da pulvra e chemicalias)

Furmaziun supplementara

Curs

purschidas da l'Associaziun svizra dals maister scrinaris e fabricants da mobiglias ASSFM

Scrinari / scrinaria AFQ

Practicists da scrinaris pon far ina furmaziun da basa scursanida sco scrinari AFQ (access al segund onn da la furmaziun da basa).

Suenter han els las medemas pussaivladads da furmaziun supplementara sco scrinaris AFQ.

Cundiziuns da lavur

Practicists e practicistas da scrinari AFP lavuran en scrinarias ed en auters manaschis ch'elavuran lain, oravant tut en manaschis mesauns e gronds, nua che las lavurs sa repetan. Darar lavuran els en manaschis pitschens ch'exequeschan lavurs individualas.

Practicists da scrinari AFP fidads han bunas schanzas sin il martgà da lavur.

Ulteriuras infurmaziuns

Associaziun svizra dals maister scrinaris e fabricants da mobiglias ASSFM
Gladbachstr. 80
Chascha postala
8044 Turitg
Tel: 044 267 81 00
URL: www.schreiner.ch

LBB Manaschi
d'emprendissadi Basilea
4012 Basilea
Tel: 061 295 24 24
URL: www.lbb.info

Scola spezialisada tecnica Berna
Lorrainestr. 3
3013 Berna
Tel: 031 337 37 37
URL: www.tfbern.ch

Lavuratori d'emprendissadi engiadinais per scrinaris
Tel: 081 851 09 90
7503 Samedan
URL: www.lehrwerkstatt.ch

Albisbrunn
8915 Hausen am Albis
URL: www.albisbrunn.ch

Revista professiunala:
URL: www.schreinerzeitung.ch



orientation.ch