?global_aria_skip_link_title?

Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Practicist / Practicista da furmas AFP

Practicists e practicistas da furmas produceschan models e furmas per l’industria. En quest reguard lavuran els cun maschinas ed a maun.

Lavurs

Els exequeschan suandantas lavur:

Preparaziun
  • leger e chapir dissegns
  • adattar levamain ils dissegns e malegiar simpels plans
  • planisar temp da lavur e calcular ils custs
  • far ina glista dal material (p.ex. lain, metals u materias sinteticas diras u liquidas)
Construcziun da furmas e models
  • endrizzar las maschinas ed examinar, schebain ils indrizs èn programmads correctamain
  • duvrar differentas tecnicas, per fabritgar furmas e models, p.ex. resgiar, glimar, tatgar, furar, laminar, fresar e storscher, enconuscher e duvrar correctamain differents materials
  • siar, endirar e laschar sfradentar las furmas ed alura statgar la reproducziun cun quità
  • controllar la qualitad e megliurar sbagls sche necessari
  • tatgar u montar ulteriurs elements e tractar las surfatschas
Mantegniment e segirezza
  • mantegnair e nettegiar maschinas, guaffens ed il plaz da lavur
  • scriver rapports da lavur, archivar la documentaziun
  • dismetter u reciclar il rument adattà a l'ambient
  • enconuscher e far diever da las perscripziuns per la segirezza da lavur e la protecziun da l'ambient

Scolaziun

Basa legala

Ordinaziun federala dals 30-10-2009 (versiun dal 1-7-2021)

Durada

2 onns

Furmaziun en la pratica

En in manaschi da construcziun da models u da furmas

Furmaziun en scola

1 di per emna a la scola professiunala; l’instrucziun ha lieu communablamain cun ils practicists da mecanica

Cumpetenzas d'agir:

  • basa tecnica
  • construcziun da tocs en elavuraziun
  • fabricaziun manuala da tocs en elavuraziun
  • fabricaziun maschinala convenziunala da tocs en elavuraziun

Curs ordaifer il manaschi

  • tecnica da fabricaziun manuala convenziunala (products mezfinì ord materia sintetica)
  • tecnica da fabricaziun maschinala convenziunala (metal)
  • elavuraziun da materia sintetica


Lavuratori d’emprender

Durant 2 uras per emna vegnan ils emprendists accumpagnads a moda individuala e la materia d’emprender vegn approfundada.

Diplom

Attest federal professiunal "practicist / practicista da furmas AFP"

Premissas

Furmaziun preliminara
  • scola obligatorica terminada cun pretensiuns da basa
  • bunas prestaziuns en quint, geometria e dissegn tecnic
Pretensiuns
  • abilitad da savair leger plans e da s’imaginar chaussas en il spazi
  • inschign manual
  • enclegientscha tecnica
  • talent da dissegnar (dissegn tecnic e dissegn a maun liber)
  • moda da lavurar exacta e conscienziusa

Furmaziun supplementara

Curs

purschidas da scolas professiunalas, da SWISS FORM ed autras associaziuns professiunalas

Construider / Construidra da furmas AFQ

practicists / practicistas da furmas AFP pon far ina furmaziun da basa scursanida sco construider / construidra da furmas AFQ (access al 2. onn da furmaziun da basa).

Suenter èn pussaivlas las medemas furmaziuns supplementaras sco per construiders / construidras da furmas AFQ.

Cundiziuns da lavur

Practicists da furmas lavuran il pli en manaschis da construcziun da models pli pitschens u mesauns e cularias. La purschida da plazzas d’emprendissadi è plitost stgarsa. En Svizra vegnan scolads per onn mo paucs emprendists.

Practicists da furmas han bunas schanzas da chattar ina plazza da lavur. Els san far lavurs multifaras, perquai ch’els èn disads da lavurar cun different material e differentas maschinas.

Ulteriuras infurmaziuns

SWISS FORM – Verband Schweiz. Modellbaubetriebe
Sekretariat
6210 Sursee
Tel: +41 41 926 07 89
URL: www.swiss-form.ch




orientation.ch