Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: en raison des travaux de maintenance sur les serveurs d’orientation.ch, le portail n'est pas disponible le vendredi 22 novembre à partir de 18h00 jusqu’au samedi 23 novembre 08h00.

Pendicularist / Pendicularista AFP

Pendicularistas e pendicularists AFP surveglian las pendicularas. Els vendan bigliets, dattan infurmaziuns ed accumpognan ils giasts durant il viadi.

Lavurs

Pendicularistas e pendicularists lavuran a la cassa da pendicularas. Là vegnan els en contact cun giasts da l'entir mund. Els servan la clientella a moda amicabla, vendan bigliets, dattan scleriment e pon dar emprim agid.

Pendicularists accumpognan ils gists durant il viadi, als gidan d'entrar e da sortir da las cabinas da pendiculara e chargian rauba. En las staziuns da la pendiculara tegnan els urden. Els guardan che las localitads da vendita, dal public e dal manaschi sajan nets.

Pendicularists manevreschan differents sistems ed indrizs da pendicularas. Plinavant nettegian els maschinas, utensils e material da manaschi. Els sa gidan cun las reparaturas ed il mantegniment dals implants. Uschia vegn la segirtad augmentada ed ils donns sminuids.

Pendicularists controlleschan las pendicularas e guardan ch'ellas funcziunan senza menda. Els chapeschan co ch'ils instruments da mesirar e las maschinas funcziunan e pon perquai eliminar pitschens disturbis.

Pendicularists resguardan las prescripziuns per la segirezza da lavur, per evitar incendis e per proteger la sanadad e l'ambient. Las incumbensas tecnicas exequeschan els tenor las ordinaziuns dals superiurs.

Scolaziun

Basa legala

Ordinaziun federala 25-6-2019

Durada

2 onns

Furmaziun en la pratica

En in'interpresa da la branscha da pendicularas u en in manaschi industrial cun pendicularas che transporta rauba e/u persunas.

Furmaziun en scola

En il Center da furmaziun da Pendicularas Svizra, Meiringen, en furma da curs da bloc dad in'emna.

Roms professiunals

  • manaschi da telefericas
  • tecnica da pendicularas
  • organisaziun dal manaschi (administraziun) e tgira da la clientella
  • mantegniment

Curs ordaifer il manaschi

Davart differents temas

Diplom

Attest federal professiunal "pendicularist / pendicularista AFP"

Premissas

Furmaziun preliminara
  • scola populara terminada
Pretensiuns
  • enclegientscha tecnica
  • dun da communicaziun ed abilitad da schliar conflicts
  • senn per lavurs praticas
  • plaschair e finezza en contact cun ils giasts
  • flexibladad
  • fidadadad
  • lavurar a moda autonoma
  • plaschair da lavurar sut tschiel avert

Furmaziun supplementara

Curs

purschidas da Pendicularas Svizra e da scolas spezialisadas

Mecatronist / Mecatronista da pendicularas AFQ

Pendicularists/as pon far ina furmaziun da basa scursanida sco mecatronist/a AFQ (access al 2.onn d'emprendissadi).
Silsuenter èsi pussaivel da far las medemas furmaziuns supplementara sco ils mecatronists/as da pendicularas AFQ.

Cundiziuns da lavur

Pendicularists lavuran per indrizs turistics en las muntognas e per pendicularas, però er en manaschis industrials cun pendicularas che transportan rauba e/u persunas.

Ulteriuras infurmaziuns

Center da furmaziun da Pendicularas Svizra SBS
Zeughausstrasse 19
3860 Meiringen
Tel: 033 972 40 00
URL: www.seilbahnen.org



orientation.ch