?global_aria_skip_link_title?

Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Practicist / Practicista da transports sin via AFP

Practicists e practicistas da transports manischeschan camiuns u autos cun chars annexs (permiss dad ir cun auto B/BE). Els transportan diversa vitgira. Els planiseschan ils transports e san ir enturn cun la rauba. Els san era exequir pitschnas reparaturas e reagir tar pannas.

Lavurs

Els exequeschan suandantas lavurs:

Preparaziun
  • organisar transports, planisar rutas e giuditgar con ditg ch'i dovra da chargiar e stgargiar  la rauba
  • controllar ils documents dal transport, p.ex. adressas, termins e paisa da la rauba
  • examinar il stadi dal vehichel, sco il carburant, las rodas, ils frains e la glisch
  • chargiar il vehichel gulivamain ed uschia ch'i fa senn, mintgatant cun in charret da plunar u cun ina punt idraulica
Transport e furniziun da la rauba
  • ir cun il vehichel al lieu da furniziun e resguardar latiers las cundiziuns dal traffic (traffic, aura), duvrar apparats electronics sco il planisader da rutas ed il registratur da viadis
  • stgargiar la rauba tar la clientella e controllar schebain tut è en urden
  • reglar las formalitads, sco p.ex. surdar il scrit da furniziun ed al laschar suttascriver da la clientella
  • resguardar las prescripziuns davart la segirezza da la lavur sco er davart la protecziun da l’ambient
Mantegniment dals vehichel
  • nettegiar ils vehichel endadens ed ordador
  • far controllas (p.ex. pressiun dals pneus u la glisch)  e remplazzar tocca defecta
  • far pitschnas reparaturas vid ils vehichels
  • mantegnair guaffens e meds d'agid
  • dismetter il rument a moda adattada a l'ambient

Scolaziun

Basa legala

Ordinaziun federala 4-2-2014 (versiun dal 1-1-2018)

Durada

2 onns

Furmaziun en la pratica

En in manaschi da l’industria dal transport sin via

Furmaziun en scola

1 di per emna a la scola professiunala

Roms professiunals

  • execuziun da transports
  • garanzia dal mantegniment, da la segirezza e da la protecziun da l’ambient

Curs ordaifer il manaschi

Tar differents temas

Vegliadetgna minimala a l’entschatta da la furmaziun

Premissa per ina furmaziun è la vegliadetgna minimala da 17 onns (di da referenza: 30 da november dal 1. onn d'emprendissadi).

Diplom

Attestat federal professiunal "practicist / practicista da transports sin via AFP"

Premissas

Furmaziun preliminara
  • temp da scola obligatoric terminà
  • premissa per ina furmaziun è la vegliadetgna minimala da 17 onns (di da referenza: 30 da november dal 1. onn d'emprendissadi).
Pretensiuns
  • enclegientscha tecnica
  • inschign manual
  • capacitad da giuditgar e da decider
  • independenza
  • plaschair da contacts
  • talent d’organisar
  • flexibilitad pertutgant il temp da lavur
  • fidadadad
  • senn da responsabladad
  • buna sanadad e buna fitness
  • plaschair vi da l’esser per via
  • abilitad da lavurar en in team

Furmaziun supplementara

Curs

purschidas da scolas spezialisadas e scolas professiunalas sco era dal Schweizerischer Nutzfahrzeugverband ASTAG

Spezialist / Spezialista da transports sin via AFQ

practicists  da transports sin via AFP pon frequentar ina furmaziun scursanida sco spezialists da transports sin via AFQ (entrada al 2. onn da furmaziun da basa).

Suenter quella scolaziun han els las medemas pussaivladads da furmaziun supplementara sco spezialists da transports sin via AFQ.

Cundiziuns da lavur

Practicists e practicistas da transports sin via lavuran en interpresas da mastergnanza, da transport e da l’industria. Els èn savens sulets sin via ed han ina tscherta libertad en lur lavur. Els han ina gronda responsabladad envers ils participants al traffic, la clientella, la rauba e l'ambient.
Il temp da lavur po esser malregulà, è dentant reglà cleramain tenor lescha.

Ulteriuras infurmaziuns

ASTAG Schweiz. Nutzfahrzeugverband
Wölflistr. 5
3006 Bern
URL: www.profis-on-tour.ch



orientation.ch