Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: En raison des travaux de maintenance sur les serveurs d’orientation.ch, il faut s'attendre à des interruptions le mardi 25 septembre entre 18h00 et 00h00.

Lavurer / Lavurera da crappa AFQ

Lavureras e lavurers da crappa s'occupeschan cun l'elavuraziun maschinala da crappa natirala. Els fabritgeschan products per dadora e dadens or da plattas da crap.

Lavurs

Lavureras e lavurers da crappa lavuran en il sectur da l'elavuraziun artisanal-industriala. Els tractan crappa dira e loma sco granit, crap da chaltschina, marmel u plattamorta cun maschinas. Grondas e grevas plattas elavuran els a products da crappa natirala: cuvertas per stizuns, bars e cuschina, tocca da construcziun per indrizs da distribuziuns e da cassas, plats da maisa, lavaduirs, revestgiments per bogns u cheminés, funds da stgalas, palantschieus per dadora e dadens, revestgiments da paraids, fatschadas, etc.

Avant che lavurers da crappa cumenzan a lavurar cun la crappa legian els ils plans e transfereschan la massa sin il crap betg elavurà. Ils plans survegnan els d'architects u da firmas da construcziun da cuschinas. Durant las preparaziuns da lavur dissegnan els ils plans e creeschan, tut tenor il toc en elavuraziun skizzas da mesiras e schablonas supplementaras.

Lavurers da crappa utiliseschan differentas maschinas per tagliar, glimar e pulir: fresas, stgalpers d'aria cumprimida, taraders, molas ad angul, etc. Els produceschan cunzunt fabricaziuns tenor mesira, dentant era pitschnas serias. En blers manaschis chatt'ins perquai centers d'elavuraziun da CNC. Lavurers da crappa endrizzan quellas maschinas semi-automaticas u cumplettamain automaticas, las utiliseschan e controlleschan la producziun. Els èn era responsabels per il mantegniment da las maschinas.

Per finir gliman e puleschan lavurers da crappa la tocca en elavuraziun e tractan la surfatscha tut tenor l'intent d'utilisaziun cun colur. Per intgins products ston els tatgar ensemen tocca da construcziun, tranter auter cun rascha.

Lavurers da crappa tschentan e monteschan la tocca da construcziun finida sin il plazzal. Els èn era responsabels per il transport. La grondezza e la paisa da products da crappa dumondan ina buna lavur da team. Cun agid da plunaders, cranas ed auters indrizs d'auzar vegnan las plattas che paisan fin 300 kg muventadas. Tar tut questas lavurs èsi fitg impurtant da resguardar las prescripziuns davart la segirezza da la lavur. Per sa proteger da la pulvra e da la canera portan lavurers da crappa ina protecziun da la respiraziun e da l'udida.

Scolaziun

Basa legala

Ordinaziun federala 16-10-2009 (versiun dals 1-1-2018)

Durada

3 onns

Furmaziun en la pratica

En in'ovra da crappa natirala

Furmaziun en scola

Blocs dad 1 emna l'onn a la scola professiunala a Dagmersellen (8 emnas durant mintga onn d'emprendissadi)

Roms professiunals

  • tecnica da lavurar
  • utensils
  • maschinas
  • materials da fabricaziun
  • dissegn tecnic
  • documentaziun
  • Curs ordaifer il manaschi

    Emprender ed exercitar  en la pratica la basa professiunala

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "lavurer / lavurera da crappa AFQ"

Premissas

Furmaziun preliminara
  • scola populara terminada
Pretensiuns
  • inschign manual
  • enclegientscha pratica
  • imaginaziun spaziala
  • forza corporala
  • nagins problems cun il dies u cun ils organs da respiraziun (pulvra)
  • pazienza e perseveranza
  • abilitad da lavurar en in team

Furmaziun supplementara

Curs

Purschidas da scolas spezialisadas e scolas professiunalas sco era d'associaziuns professiunalas, en spezial da l'Associaziun svizra crappa natirala NVS

Emprendissadi supplementar

tagliacrappa AFQ, sculptur / sculptura da crappa AFQ

Examen professiunal (EP)

cun diplom federal: mastergnant / mastergnanta en la tgira da monuments (direcziun da spezialisaziun: crappa natirala), concepider artisan / concepidra artisana

Examen professiunal superiur (EPS)

maister / maistra tagliacrappa
expert/a dad art applitgà en igl artisanadi cun diplom federal

Scola spezialisada en Germania

tecnicist diplomà / tecnicista diplomada a la Städtische Fachschule für Steintechnik a Minca

Scola auta spezialisada (SAS)

direcziuns da studi en secturs parentads, p.ex. Bachelor of Science (SAS) en architectura da cuntradas u en inschigneria da construcziun

Cundiziuns da lavur

Lavurers da crappa lavuran en ovras da crappa natirala. Sco emploiaders vegnan era fatschentas  da tschentapignas u tschentaplattas en dumonda. En il commerzi da material da construcziun e da crappa natirala è la cussegliaziun da clientella in champ da lavur pussaivel.

Ulteriuras infurmaziuns

Associaziun svizra crappa natirala NVS
Seilerstr. 22
Chascha postala 5853
3001 Berna
Tel: 031 310 20 10
URL: www.nvs.ch

Revista professiunala:
"Kunst + Stein"




orientation.ch