Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Coronavirus: les services d'orientation proposent des prestations de conseil en ligne, par téléphone et par e-mail.
Certaines entreprises/organisations ne sont plus joignables. Jusqu'à nouvel ordre, aucune manifestation ne peut avoir lieu.

Miradur / Miradura AFQ

Miraduras e miradurs lavuran en la construcziun auta e bassa, nua ch’els construeschan edifizis, punts ed auter. Els bajegian mirs da quadrels, da crap natiral e da betun. Ultra da quai monteschan els palancas, dattan si liadira e tschentan bischens da chanalisaziun.

Lavurs

Miradurs lavuran sin plazzals da construcziun auta e bassa. En la construcziun auta vegnan construids surtut edifizis: chasas, centers da cumpras, cumplexs da scola u edifizis d’industria. Tar la construcziun bassa tutgan construcziuns da tunnels, punts sistems da chanalisaziun u construcziuns d’infrastructura sco sereneras e la rait da vias u da viafier.

La lavur da miradur cuntegna tant lavurs tradiziunalas sco era novas metodas da construcziun. Per la construcziun d’in mir da quadrels dovran miraduras iseglia da mastergnants: Cun la palutta mettan ellas maulta sin il quadrel, tschentan quel en il mir e prendan davent la maulta ch’è danvanz. Cun corda da mesirar e livel controllan ellas, sch’il mir è guliv. Per la construcziun da mirs betg liads dovran ellas empè da quadrels u crappa da chaltschina mintgatant era crappa natirala.

La construcziun da paraids,da palantschieus e da funds da betun pretenda l’utilisaziun da maschinas e d'utensils moderns. Or da tavlas da lain u or d'elements construeschan miradurs ina entulada che serva sco furma per il betun. Silsuenter mettan els en armadiras, quai vul dir bastuns u raits d’atschal, che dattan al betun la stabilitad necessaria. La finala emplainan els giu il betun frestg cun agid d’ina maschina ed al cumpriman cun ina guglia vibranta. Uschia elimineschan els eventualas vaschiettas d’aria en il betun.

Miraduras dattan era si liadiras, construeschan surtratgas da cement, bajegian en parts finidas sco stgalas u spundas da balcuns / lautgas, monteschan puntanadas, tschentan bischens da chanalisaziun ed èn occupadas cun lavurs da terra sco stgavaments da chanals e da foss.

Tar edifizis novs lavuran miradurs en il liber, tar renovaziuns savens era en l’intern da l’edifizi. Per part ston els far lavurs en grondas autezzas, perquai na dastgan els betg avair sturnizi e ston pudair sa mover cun pass ferm e segir. Lur lavur pretenda forza, ma era il chau è dumandà, per exempel per leger plans da construcziun, per preparar la lavur u per procurar il material.

En il mintgadi da lavur resguardan miraduras normas e reglaments che han da far cun la construcziun. En spezial ston ellas respectar las prescripziuns da segirezza, da protecziun da la sanadad e da l’ambient.

Scolaziun

Basa legala

Ordinaziun federala dals 14-9-2010 (versiun dal 1-1-2018)

Durada

3 onns

Furmaziun en la pratica

En ina interpresa da construcziun

Furmaziun en scola

1 di per emna a la scola professiunala

Roms professiunals

  • interpresa e conturn
  • basa da realisaziun
  • prefasa da la realisaziun
  • realisaziun
  • surveglianza da l’incumbensa
  • Curs ordaifer il manaschi

    Emprender ed utilisar / exercitar en la pratica la basa dal mastergn.

    Maturitad professiunala

    Tar fitg bunas prestaziuns da scola po vegnir frequentà la scola da maturitad professiunala durant la furmaziun da basa.

    Diplom

    Attestat federal da qualificaziun "miradur / miradura AFQ"

Premissas

Furmaziun preliminara
  • scola populara terminada
  • bunas prestaziuns en matematica
Pretensiuns
  • inschign manual
  • enclegientscha pratica
  • imaginaziun dal spazi
  • sanadad robusta
  • movibilitad corporala e forza
  • avair nagina tema d’autezza
  • abilitad da lavurar en ina gruppa

Furmaziun supplementara

Curs

purschidas da scolas spezialisadas e professiunalas sco era da la Societad Svizra dals Impressaris-Constructurs

Furmaziun da basa scursanida

p. ex. sco dissegnader / dissegnadra AFQ

Examen professiunal (EP)

cun certificat professiunal federal: polier / poliera, controllader / controlladra da material da construcziun (betun e maulta), spezialist / spezialista da protecziun d’edifizis, polier / poliera al tagl d’edifizi, artisan / artisana en la tgira da monuments ed auters

Examen professiunal superiur (EPS)

maister constructur / maistra constructura, manader da construcziun diplomà / manadra da construcziun diplomada en construcziun auta u en construcziun bassa

Scola spezialisada superiura (SSS)

tecnicist diplomà / tecnicista diplomada SSS en surveglianza da construcziun

Scola auta spezialisada (SAS)

percurs da studi da bachelor en il champ spezial fatgs da construcziun, p. ex. Bachelor of Science (SAS) en la domena d’inschigner / inschignera da construcziun

Cundiziuns da lavur

Miradurs e miraduras lavuran en interpresas da construcziun. I dat manaschis d’ina persuna fin manaschis gronds cun dapli che 100 collavuraturs.

Las cundiziuns d’engaschament èn regladas tras il contract collectiv naziunal da lavur per l’industria principala da construcziun svizra e tras contracts collectivs da lavur regiunals.

Las schanzas sin il martgà da lavur èn fitg bunas per miradurs qualifitgads  e miraduras qualifitgadas.

Ulteriuras infurmaziuns

Societad Svizra dals Impressaris-Constructurs SSIC
Furmaziun da basa
Weinbergstr. 49
Postfach
8042 Zürich
Tel: +41 58 360 76 99
URL: www.bauberufe.ch



orientation.ch