Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Salaschader / Salaschadra AFQ

Salaschadras e salaschaders AFQ concepeschan vias e plazs en citads veglias e fan lavurs da sulada en curtins ed en la construcziun da vias. Els salascheschan las differentas surfatschas tenor plans u tenor atgnas creaziuns.

Lavurs

Vias e plazs salaschads valan dapi millennis sco vias da traffic solidas ed esteticas. Construids vegnan els da salaschadras e salaschaders. Els mettan ils craps da sulada en diversas modas e cumbineschan lur savida manuala cun lur grond dun creativ.

La lavur pretenda ina buna preparaziun: endrizzar il plazzal, marcar la planaziun groppa tenor il plan, semtgar ils guaffens e las maschinas e calcular quant sablun e quanta crappa ch’i basegna per exequir l'incumbensa.

Mintga sulada vegn realisada sin in fundament. Ils salaschaders prendan davent il terratsch, mettan in’emprima rasada da glera, tschentan tumbins da drenascha, mettan bischens e lingias e marcheschan las chavas per plantas. Cun crappa per ils urs e cun plattas da fixaziun tschentan els ils cunfins. Els repartan la glera e la cumpriman cun agid da la splattitscha.

Mintga singul crap vegn mess sin il fundament cun agid dal martè da salaschar. Ils salaschaders sesan durant questa lavur sin ina sutga da salaschar bassa cun ina chomma. Sch’i fa da basegn, pitgan els la crappa cun in martè da tagliar. Cun la latta da planar controlleschan els, sche la surfatscha è planiva ed ha l’inclinaziun giavischada (che sto constar per la deflussiun da l’aua).

Suenter che la sulada è messa fan ils salaschaders la filadira. Els repartan glera cun la pala e la flotteschan cun aua u fruschan maulta liquida en las chavas. La filadira vegn alura endirida a maun cun guaffens per smatgar u cun in vibratur a plattas. Cura che la lavur è finida, vegn la surfatscha nettegiada a maun u cun ina maschina da nettegiar cun spungia.

Per far lur lavur dovran ils salaschaders apparats e maschinas, la gronda part da lur lavur pretensiusa fan els però a maun, quai che pretenda perseveranza ed ina buna constituziun corporala.

Salaschaders enconuschan ils privels sin ils plazzals e protegian sasezs e lur collavuraturas e collavuraturs cun resguardar las prescripziuns da segirezza, cun prender mesiras per evitar accidents e cun purtar l’equipament da protecziun persunal. Per proteger l’ambient resguardan els las prescripziuns davart la protecziun da l’ambient. Material da construcziun utilisà dismettan els tenor las prescripziuns.

Scolaziun

Basa legala

Ordinaziun federala 1-11-2013 (versiun dals 1-1-2018)

Durada

3 onns

Furmaziun en la pratica

En in manaschi da sulada u en in’interpresa da construcziun da suladas e cuvridas da crap natiral

Furmaziun en scola

Curs da bloc a la scola professiunala per constructurs da vias da traffic a Sursee: en media 9 emnas l'onn, da quellas radund 2 emnas l'onn cun accent «construcziun da suladas» ad Alpnach

Roms professiunals

  • organisar las lavurs e garantir la segirezza da la lavur, la protecziun da la sanadad sco era la protecziun da l’ambient
  • exequir lavurs generalas en la construcziun da vias da traffic
  • exequir lavurs da sulada
  • Curs ordaifer il manaschi

    emprender ed exercitar a moda pratica las basas professiunalas

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "salaschader / salaschadra AFQ"

Premissas

Furmaziun preliminara
  • scola populara terminada
Pretensiuns
  • inschign manual
  • encletga pratica
  • ina buna imaginaziun dal spazi
  • moda da lavurar exacta e precisa
  • abilitad da lavurar a moda independenta
  • abilitad da lavurar en in team
  • resistenza corporala
  • sanadad robusta
  • senn per furmaziun e creaziun

Furmaziun supplementara

Curs

Purschidas da scolas spezialisadas e professiunalas sco era dal center da furmaziun e professiun da l’Associaziun svizra dals maisters salaschaders, dal Campus Sursee sco er d’instituziuns da furmaziun da partenaris en la Germania ed en l’Austria

Scolaziun da basa scursanida

montader / montadra da binaris AFQ, tschentapalantschieus industrials e purtants AFQ, construider / construidra da vias AFQ

Examen professiunal (EP)

cun certificat professiunal federal: polier salaschader / poliera salaschadra, polier / poliera mantegniment da vias, mastergnant / mastergnanta en la tgir a da monuments

Examen professiunal superiur (EPS)

manader diplomà / manadra diplomada da construcziun bassa, maister constructur / maistra constructura

Scola spezialisada superiura (SSS)

cun diplom SSS: tecnicist / tecnicista surveglianza da construcziun, tecnicist / tecnicista planisaziun da construcziun

Scola auta spezialisada (SAS)

Bachelor of Science (SAS) en inschigneria da construcziun

Cundiziuns da lavur

Salaschaders lavuran per il pli en pitschens manaschis cun paucs collavuraturs. Salaschaders cun experientscha mainan savens era lur agen manaschi.

La lavur è suttaposta a fluctuaziuns stagiunalas, la gronda part da la lavur vegn exequida durant il mez onn da stad. Per betg impedir il traffic ston ils salaschaders mintgatant era lavurar la notg.

Salaschaders han bunas schanzas sin il martgà da lavur. I dat bleras plazzas d’emprendissadi.

Ulteriuras infurmaziuns

Scola professiunala dals constructurs da vias da traffic
Chascha postala
6210 Sursee
Tel: 041 922 26 26
URL: www.verkehrswegbauer.ch
URL: www.bauberufe.ch

Associaziun svizra dals maisters salaschaders
Chascha postala
8180 Bülach
Tel: 044 860 29 84
URL: www.pflaesterer.ch

Revista professiunala:
"B. Magazin - Das Magazin für Verkehrswegbauer"



orientation.ch