Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: En raison des travaux de maintenance sur les serveurs d’orientation.ch, il faut s'attendre à des interruptions le mardi 25 septembre entre 18h00 et 00h00.

Sondader / Sondadra AFQ

Sondaders e sondadras AFQ preparan in fundament uschia ch’el è segir e ch’el po vegnir surbajegià durablamain. Els fan sondagis, construeschan fundaments sin pitgas, segireschan stgavs da construcziun ed exequeschan sbassadas da l’aua sutterrana.

Lavurs

Sondaders e sondadras lavuran en il sectur da la construcziun bassa speziala. Els èn sin il plazzal avant che las lavurs da construcziun effectivas per vias da traffic u per edifizis cumenzan. Els procuran ch’il fundament per ina construcziun saja stabil e segir.

Sco emprim controlleschan sondaders la constituziun da la terra. Cun agid da sondagis prendan els en plirs pass diversas provas da la profunditad. Quels nuschegls da sondagi vegnan analisads d’inschigners e da geologs ed èn ina basa impurtanta per la calculaziun da fundaments stabils.

Sch’il fund n’è betg avunda stabil, dovri fundaments sin pitgas. Per quai vegnan pitgas da betun u bischens d’atschal pitgadas en il fundament uschè lunsch fin ch’il fundament è stabil. Uschia po la chargia d’ina construcziun vegnir transferida sin stresas pli stabilas. Sondaders exequeschan injecziuns per emplenir spazis vids en il fundament u per stabilisar crappa lucca. Els furan rusnas, mettan bischens e sprizzan en maschaidas da cement spezialas.

Sondaders segireschan ils stgavs da construcziun cun paraids: paraids a sfessa, paraids enchastradas u paraids da pitgas. Sch’il stgav da construcziun tanscha fin l’aua sutterrana, dovri sbassadas da l’aua sutterrana. Uschia procureschan sondaders per in fundament sitg. Per garantir il provediment cun aua da baiver fan els studis davart l’aua sutterrana.

Sondaders lavuran bunamain adina en teams ed èn dador da tutt’aura. Els enconuschan ils privels dal plazzal e protegian sasezs ed ils collavuraturs cun resguardar las prescripziuns pertutgant la segirezza da lavur. Els prendan mesiras per la prevenziun d’accidents e portan la vestgadira da protecziun persunala.

Els fan attenziun a las prescripziuns davart la protecziun da l’ambient ed allontaneschan materials duvrads, substanzas dad unscher e products da nettegiar tenor las directivas dal manaschi.

Scolaziun

Basa legala

Ordinaziun federala 1-11-2013

Durada

3 onns

Furmaziun en la pratica

En in’interpresa da la construcziun bassa speziala

Furmaziun en scola

Curs en bloc a la scola professiunala per constructurs e constructuras da vias da traffic a Sursee: en media 9 emnas per onn, da quellas 2 emnas per onn la furmaziun spezialisada “construcziun da fundament” a Sempach

Roms professiunals

  • organisaziun da las lavurs e garanzia da la segirezza da lavur sco era da la protecziun da la sanadad e da l’ambient
  • execuziun da lavurs generalas en la construcziun da vias da traffic
  • execuziun da lavurs da la construcziun da fundament
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "sondader / sondadra AFQ"

Premissas

Furmaziun preliminara
  • scola populara terminada
Pretensiuns
  • inschign manual
  • enclegientscha pratica
  • enclegientscha tecnica
  • abilitad da lavurar en in team
  • fidadadad e perseveranza
  • forza corporala
  • sanadad robusta

Furmaziun supplementara

Curs

purschidas da scolas spezialisadas e scolas professiunalas, dal Campus Sursee (Bildungszentrum Bau),  da l’Associaziun svizra per maisters constructurs, da l’Associaziun professiunala Infra sco era curs entaifer il manaschi.

Furmaziun da basa scursanida

montader / montadra da binaris, tschentapalantschieus industrials e purtants, salaschader / salaschadra, construider / construidra da vias

Examen professiunal (EP)

maister furader / maistra furadra cun diplom federal

Examen professiunal superiur (EPS)

manader da construcziun diplomà / manadra da construcziun diplomada, maister constructur / maistra constructura

Scola spezialisada superiura (SSS)

tecnicist / tecnicista surveglianza da construcziun, tecnicist / tecnicista planisaziun da construcziun

Scola auta spezialisada (SAS)

Bachelor of Science (SAS) en inschigneria da construcziun

Cundiziuns da lavur

Sondaders lavuran sco spezialists en la construcziun bassa speziala. Il pli savens èn els emploiads tar interpresas da construcziun u sondagi. Sondaders han incumbensas en l’entira Svizra, uschia ch’els èn savens sin viadi.

La branscha è suttamessa a fluctuaziuns conjuncturalas, experts qualifitgads èn dentant dumandads sin il martgà da lavur.

Ulteriuras infurmaziuns

Berufsfachschule Verkehrswegbauer
Postfach
6210 Sursee
Tel: 041 922 26 26
URL: www.verkehrswegbauer.ch
URL: www.bauberufe.ch

Fachverband Infra
Weinbergstr. 49
Postfach
8042 Zürich
Tel: 044 258 84 90
URL: www.infra-schweiz.ch

Revista professiunala:
"B. Magazin - Das Magazin für Verkehrswegbauer"



orientation.ch