Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: En raison des travaux de maintenance sur les serveurs d’orientation.ch, il faut s'attendre à des interruptions le mercredi 14 novembre entre 18h00 et 21h00.

Montader / Montadra da storas AFQ

Montaders e montadras da storas construeschan, mantegnan e repareschan storas e sistems da protecziun cunter il sulegl. Sco spezialists davart la tracziun e la regulaziun collian els l’installaziun cun il current.

Lavurs

Storas, schalusias e marchisas reduceschan l’effect stgaudant da l’irradiaziun dal sulegl e procuran uschia per in’atmosfera agreabla en locals d’abitar e da lavurar. Els protegian dentant era cunter egliadas mirvegliusas, cunter la glisch tschorventanta e cunter la pulvra.

Montaders da storas èn responsabels per la montascha da sistems da storas. Cun agid da plans monteschan els ils sistems ch’èn adina pli savens automatisads e motorisads. Els lavuran tut tenor l’incumbensa independentamain u en in team.

Durant la preparaziun d’ina montascha mesiran montaders da storas ora las cumponentas e las empostan. Els endrizzan il plazzal e determineschan il process da lavur. Sin il plazzal procuran els per in deposit professiunal dal material e dals guaffens.

Avant la montascha giuditgeschan ils montaders da storas il fundament nua che l’indriz duai vegnir fixà e decidan la metoda da fermar la tocca da construcziun. A la fin collian els ils motors da tracziun cun il current e programmeschan la regulaziun.

Montaders da storas èn era responsabels per la reparatura ed il mantegniment da sistems existents. Sch’in sistem na funcziuna betg pli, ston els tschertgar il sbagl ed al reparar. Els exequeschan era lavurs da mantegniment e procuran uschia che las installaziuns pon vegnir duvradas pli ditg.

Tar tut las lavur resguardan montaders da storas las instrucziuns e las directivas e sa tegnan vi da las normas relevantas per lur lavur. Els enconuschan ils privels dal plazzal e resguardan adina las prescripziuns davart la segirezza da la lavur e la prevenziun d’accidents.

Scolaziun

Basa legala

Ordinaziun federala 21-10-2016

Durada

3 onns

Furmaziun en la pratica

En in manaschi da la branscha da paraids e mirs exteriurs d’edifizis

Furmaziun en scola

Curs en bloc a la scola professiunala a Uzwil/SG

Roms professiunals

  • prescripziuns e mesiras davart la segirezza da lavur e la protecziun da la sanadad e da l’ambient
  • installaziun da stresas e sistems vid paraids e mirs exteriurs
  • planisaziun e preparaziun da las montaschas da storas
  • montar, mantegnair e reparar ils sistems da storas
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "montader / montadra da storas AFQ"

Premissas

Furmaziun preliminara
  • scola populara terminada
Pretensiuns
  • inschign manual
  • enclegientscha tecnica
  • abilitad da lavurar en in team
  • enclegientscha pratica
  • imaginaziun spaziala
  • sanadad robusta
  • flexibilitad corporala
  • esser senza sturnizi

Furmaziun supplementara

Curs

purschidas da scolas spezialisadas e scolas professiunalas, da l’uniun Polybau sco era da manaschis da la branscha da paraids e mirs d’exteriur d’edifizis

Furmaziun da basa scursanida

Emprendissadi supplementar da dus onns sco isolader / isoladra AFQ, tetger / tetgera AFQ, construider / construidra da fatschadas AFQ u construider / construidra da puntanadas AFQ

Examen professiunal (EP)

cun diplom federal: manader / manadra da construcziun da paraids e mirs exteriurs, cussegliader energetic / cussegliadra energetica en edifizis u manader / manadra da project en montascha d’installaziuns dal current solar

Examen professiunal superiur (EPS)

maister / maistra en policonstrucziun

Scola spezialisada superiura (SSS)

curs da furmaziun en domenas sumegliantas, p. ex. tecnicist / tecnicista SSS surveglianza da construcziun

Scola auta spezialisada (SAS)

direcziuns da studi en roms sumegliants, p. ex. Bachelor of Science SAS en tecnica da construcziun (direcziun paraids e mirs exteriurs) a la scola auta a Lucerna

Cundiziuns da lavur

Montaders da storas lavuran en manaschis che mettan en vendita sistems da protecziun cunter il sulegl e sistems da protecziun cunter l’aura. Quai èn per ordinari manaschis da montascha pitschens u fitg paucs manaschis d’industria gronds.

Ulteriuras infurmaziuns

Uniun Polybau
Lindenstr. 4
Postfach
9240 Uzwil
Tel: 071 955 70 41
URL: www.polybau.ch




orientation.ch