Passer au titre

Practicist / Practicista da pictura AFP

Practicists e practicistas da pictura surtiran parts da bajetgs cun colurs e lacs. Grazia ad els vegnan fatschadas, paraids, palantschieus sura, funs, portas, fanestras ed autras parts dal bajetg da colur.  Cun lur lavur protegian ed embelleschan els chasas, bajetgs industrials e da commerzi u auters edifizis.

Lavurs

Els exequeschan suandantas lavurs:

  • calcular la surfatscha e con material che vegn duvrà
  • empustar colurs u las maschadar sez per survegnir il tun che la clientella giavischa
  • plazzar stgalas, chavalluts, punts u sch'i fa basegn palancaus
  • fixar folias da palpiri u da materia sintetica cun bindel da colla per proteger il palantschieu u autras parts che na duajan betg vegnir en contact cun colur
  • distatgar tapetas e rasadas da colur veglias u ruina cun spateglias, barschuns, allontanaders da colur u auters guaffens
  • emplenir rusnas u stgarps, allontanar grass e malgulivezzas, smerigliar e far giu pulvra
  • procurar per in sutterren sitg e net e consultar auters spezialists sch'i è necessari
Lavurs da pictur
  • dar si colur e lac cun il penel , zullas u cun la pistola da squittar, savens cun pliras rasadas (grundar emprim, alura cuvrir)
  • applitgar isolaziuns, liadiras, structuras da surfatscha u spezialas decoraziuns, tut tenor giavisch er producir sez elements decorativs sco relievs u figuras geometricas
  • tatgar u fixar tapetas, tailas u auters revestgiments vid las paraids
  • nettegiar il plazzal, ils guaffens ed il material, dismetter il rument a moda adattada a l’ambient
  • resguardar las prescripziuns da la segirezza da lavur e da la protecziun da l'ambient

Scolaziun

Basa legala

Ordinaziun federala 22-7-2014 (versiun dal 1-1-2018)

Durada

2 onns

Furmaziun en la pratica

En in manaschi da picturs

Furmaziun en scola

1 di per emna a la scola professiunala

Roms professiunals

  • planisar, preparar e rapportar da las lavurs
  • tractar preliminar e surtrair funds
  • garantir la segirezza da la lavur, segirar la protecziun da la sanadad e da l’ambient
  • Curs ordaifer il manaschi

    Emprender ed exercitar a moda pratica la basa professiunala

    Diplom

    Attest federal professiunal "practicist/ practicista da pictura AFP"

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • enclegientscha pratica
  • movibilitad corporala
  • enconuschientscha dal sectur da servetschs
  • esser senza sturnizi

Furmaziun supplementara

Curs

purschidas da scolas spezialisadas e professiunalas sco er dal Schweiz. Maler- und Gipserunternehmer-Verband SMGV

Pictur / Pictura AFQ

Practicists /practicistas da pictura AFP pon absolver ina furmaziun da basa scursanida sco pictura / pictura AFQ (entrada en il 2. onn da la furmaziun da basa).

Suenter èsi pussaivel da frequentar las medemas furmaziuns supplementaras sco picturs / picturas AFQ.

Cundiziuns da lavur

Practicists e practicistas da pictura lavuran en manaschis da picturs. I sa tracta per regla da manaschis pitschens u mesauns.  Sco lieu da lavur vegn plinavant en dumonda l’industria da colurs e da lacs.

Ulteriuras infurmaziuns

Schweiz. Maler- und Gipserunternehmer-Verband SMGV
Grindelstr. 2
Postfach 73
8304 Wallisellen
Tel: 043 233 49 00
URL: www.maler-werden.ch




orientation.ch