Lavurs
Practicists e practicistas da pictura surtiran fatschadas, paraids, palantschieus sura, funs, portas, fanestras ed autras parts dal bajetg cun colur. Uschia gidan els da proteger e mantegnair ils bajetgs.
Avant che practicists da pictura cumenzan cun la colurada, preparan els il material ed ils apparats, endrizzan in magazin sin il plazzal e plazzeschan stgalas e puntanadas simplas. Elements da construcziun che na vegnan betg colurads cuvran els cun folia da plastic.
Practicists da pictura tractan il funs, sin il qual els stritgan las colurs ed ils lacs. Els enconuschan las raschuns che pon effectuar ina colurada manglusa.
Per dar si las colurs ed ils lacs applitgeschan picturs differentas tecnicas: dar colur cun il penel, colurar cun la zulla e squittar cun la pistola. Tut tenor lavur elegian els products adattads e guardan per ina dismessa dal material restant ch’è adattada a l’ambient.
Practicists da pictura èn er responsabels per liar giu palantschieus sura e paraids. Els maschaidan il material per la liadira da surfatscha, al stritgan si ed al dattan la structura giavischada.
Las lavurs terminadas nodan els en in rapport. Tar tut las lavurs resguardan els las prescripziuns davart la segirezza da lavur e davart la protecziun da la sanadad e da l’ambient.
Scolaziun
Basa legala
Ordinaziun federala 22-7-2014
Durada
2 onns
Furmaziun en la pratica
En in manaschi da picturs
Furmaziun en scola
1 di per emna a la scola professiunala
Roms professiunals
- planisar, preparar e rapportar da las lavurs
- tractar preliminar e surtrair funds
- garantir la segirezza da la lavur, segirar la protecziun da la sanadad e da l’ambient
Curs ordaifer il manaschi
Emprender ed exercitar a moda pratica la basa professiunala
Diplom
Attest federal professiunal "practicist/ practicista da pictura AFP"
Premissas
Furmaziun preliminara
- scola populara terminada
Pretensiuns
- inschign manual
- enclegientscha pratica
- movibilitad corporala
- enconuschientscha dal sectur da servetschs
- esser senza sturnizi
Furmaziun supplementara
Curs
purschidas da scolas spezialisadas e professiunalas sco er dal Schweiz. Maler- und Gipserunternehmer-Verband SMGV
Pictur / Pictura AFQ
Practicists /practicistas da pictura AFP pon absolver ina furmaziun da basa scursanida sco pictura / pictura AFQ (entrada en il 2. onn da la furmaziun da basa).
Suenter èsi pussaivel da frequentar las medemas furmaziuns supplementaras sco picturs / picturas AFQ.
Cundiziuns da lavur
Practicists da pictura lavuran en manaschis da picturs. I sa tracta per regla da manaschis pitschens u mesauns. Sco lieu da lavur vegn plinavant en dumonda l’industria da colurs e da lacs.
Ulteriuras infurmaziuns
Schweiz. Maler- und Gipserunternehmer-Verband SMGV
Grindelstr. 2
Postfach 73
8304 Wallisellen
Tel: 043 233 49 00
URL: www.maler-werden.ch