Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: En raison des travaux de maintenance sur les serveurs d’orientation.ch, il faut s'attendre à des interruptions le mardi 25 septembre entre 18h00 et 00h00.

Practicist / Practicista da tschentar palantschieus industrials e purtants AFP

Practicistas e practicists da tschentar palantschieus industrials e purtants AFP mettan e mantegnan palantschieus industrials e da basa en stabiliments industrials, en hallas da sport ed en edifizis publics.

Lavurs

Palantschieus en fabricas, en lavuratoris, en hallas da sport u en chasas da parcar ston esser construids a moda robusta. Practicistas e practicists da tschentar palantschieus industrials e purtants AFP gidan a tschentar quests palantschieus senza chavas or da betun, rascha artifiziala, granulat da gumma u lain petrifitgà.

En lavur da team preparan els il palantschieu da basa e tschentan il material d’isolaziun. Sin quest fund repartan els las maschaidas da material e las tiran cun ina latta da planar u cun maschinas sin l’autezza giavischada.

Il segund champ da lavur dals practicists da tschentar palantschieus industrials e purtants è la construcziun dals palantschieus da basa. Ils palantschieus da basa furman la stresa tranter il palantschieu da betun grop ed il palantschieu che vegn construì pli tard, sco per exempel parchet, tarpun, materia sintetica u cheramica.

Per lur lavur dovran ils practicists da tschentar palantschieus industrials e purtants apparaturas e maschinas modernas. Tuttina vegnan blers pass da lavur fatgs a maun ed en ina posiziun sgobada u en schanuglias, quai che pretenda ina buna disposiziun corporala.

Practicists da tschentar palantschieus industrials e purtants lavuran quasi adina en teams. Els enconuschan ils privels sin ils plazzals e protegian sasezs e lur collavuraturs.

Per proteger l’ambient resguardan els las prescripziuns per la protecziun da l’ambient. Materials duvradas ed auter rument dismettan els tenor las prescripziuns dal manaschi.

Scolaziun

Basa legala

Ordinaziun federala 1-11-2013

Durada

2 onns

Furmaziun en la pratica

En in manaschi che metta palantschieus industrials e da basa

Furmaziun en scola

Curs da bloc a la scola professiunala per constructurs da vias da traffic a Sursee: en tut 18 emnas, da quai var 2 emnas cun accent sin "construcziun da palantschieus industrials e da basa"

Roms professiunals

  • organisar las lavurs e garantir la segirezza da lavur e da sanadad sco era la protecziun da l’ambient
  • exequir lavurs generalas en la construcziun da vias da traffic
  • exequir las lavurs per metter palantschieus da surchombras flottants e palantschieus industrials
  • Curs ordaifer il manaschi

    Emprender ed exercitar las basas professiunalas a moda pratica

    Diplom

    Attestat federal professiunal "practicist / practicista da tschentar palantschieus industrials e purtants AFP"

Premissas

Furmaziun preliminara
  • scola populara terminada
Pretensiuns
  • inschign manual
  • encletga pratica
  • fidadadad e perseveranza
  • abilitad da lavurar en in team
  • forza corporala
  • sanadad robusta

Furmaziun supplementara

Curs

purschidas da scolas spezialisadas e professiunalas, dal Campus Sursee Center da furmaziun construcziun sco era d’auters manaschis da la construcziun da vias da traffic

Tschentapalantschieus industrials e purtants AFQ

Practicists da tschentar palantschieus industrials e purtants AFP pon far ina furmaziun da basa scursanida sco tschentapalantschieus industrials e purtants AFQ (access al segund onn da la furmaziun da basa).

Suenter han els las medemas pussaivladads da furmaziun supplementara sco tschentapalantschieus industrials e purtants AFQ.

Cundiziuns da lavur

Practicists da tschentar palantschieus industrials e purtants lavuran en manaschis che mettan palantschieus industrials e da basa. Els cumenzan lur lavur la damaun marvegl e midan savens il lieu da lavur.

Ulteriuras infurmaziuns

Scola professiunala per constructurs da vias da traffic
Chascha postala
6210 Sursee
Tel: 041 922 26 26
URL: www.verkehrswegbauer.ch
URL: www.bauberufe.ch

PAVIDENSA Isolaziuns da surchombras Svizra
Seilerstr. 22
Chascha postala 5853
3001 Berna
Tel: 031 310 20 34
URL: www.pavidensa.ch

Revistas professiunalas:
"Pavidensa"
"B. Magazin - Das Magazin für Verkehrswegbauer"



orientation.ch