?global_aria_skip_link_title?

Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Practicist / Practicista da construcziun da vias AFP

Practicists e practicistas da construcziun da vias gidan da construir e reparar las vias, plazs e stradas. Els lavuran adina en in team ed èn sut tschiel avert da tutt’aura.

Lavurs

Els exequeschan suandantas lavurs:

Endrizzar il plazzal
  • preparar, transportar e deponer il material sin il plazzal
  • controllar las furniziuns dal material tenor ils formulars d'empustaziun
  • endrizzar indrizs, maschinas ed apparats tenor las instrucziuns da lur superiurs
  • installar serradas da vias e saivs da segirezza, tavlas ed illuminaziun
Lavurs da construcziun
  • purtar davent il plaun terren, chavar foss cun palas u cun exchavatur
  • eliminar cuvridas donnegiadas cun il martè pneumatic
  • segirar foss, montar armadiras e tumbins da drenascha
  • tut tenor plazzal: procurar che bischens da chanalisaziun ed auters conducts  (aua, electricitad, telecommunicaziun) possian vegnir midads ora ed emplenir foss
  • preparar, stabilisar, cumprimer e planar il terren
  • metter e cementar vias per peduns e crappa per urs da vias
  • gidar da far cuvridas da vias cun maschinas e guaffens, duvrar material sco glera ed asfalt)
  • cumprimer las cuvridas fatgas cun la splattitscha
  • finir las vias, p.ex. montar saivs da segirezza, chanals e giatters
Segirezza e mantegniment
  • far urden al plaz da lavur e dismetter il rument a moda adattada a l'ambient
  • enconuscher e resguardar las prescripziuns da segirezza e protecziun dal ambient
  • scriver rapports da lavur
  • tgirar las maschinas ed ils guaffens ed als preparar sche necessari

Scolaziun

Basa legala

Ordinaziun federala 1-11-2013 (versiun dal 1-1-2018)

Durada

2 onns

Furmaziun en la pratica

En in manaschi da la construcziun da vias

Furmaziun en scola

Curs en bloc a la scola professiunala per constructurs e constructuras da vias da traffic a Sursee: en tut 18 emnas, da quellas 2 emnas furmaziun spezialisada "construcziun da vias"

Roms professiunals

  • organisaziun da las lavurs e garanzia da la segirezza da lavur
  • protecziun da la sanadad e da l’ambient
  • execuziun da lavurs generalas en la construcziun da vias da traffic
  • execuziun da lavurs da la construcziun da vias
  • Curs ordaifer il manaschi

    Emprender ed exercitar a moda pratica la basa professiunala

    Diplom

    Attest federal professiunal "practicist / practicista da construcziun da vias AFP"

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • enclegientscha pratica
  • fidadadad e perseveranza
  • abilitad da lavurar en in team
  • resistenza a l’aura
  • forza corporala
  • sanadad robusta

Furmaziun supplementara

Curs

purschidas da scolas spezialisadas e scolas professiunalas, dal Campus Sursee (Bildungszentrum Bau),  da l’associaziun svizra per maisters constructurs sco era da manaschis da la construcziun da via

Construider / Construidra da vias AFQ

Practicists da construcziun da vias pon frequentar ina furmaziun da basa scursanida sco construider da vias AFQ (entrada al 2. onn da la furmaziun da basa)

Suenter quella scolaziun han els las medemas pussaivladads da furmaziun supplementara sco construider da vias AFQ.

Cundiziuns da lavur

Practicists da construcziun da vias lavuran en pitschens u pli gronds manaschis da la construcziun da via. Igl è pussibel ch’els ston lavurar la saira, la notg u durant fin d’emnas.

Ulteriuras infurmaziuns

Berufsfachschule Verkehrswegbauer
Postfach
6210 Sursee
Tel: +41 41 922 26 26
URL: www.verkehrswegbauer.ch
URL: www.bauberufe.ch

Fachverband Infra
Weinbergstr. 49
Postfach
8042 Zürich
Tel: +41 44 258 84 90
URL: www.infra-suisse.ch



orientation.ch