Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: En raison des travaux de maintenance sur les serveurs d’orientation.ch, il faut s'attendre à des interruptions le mardi 25 septembre entre 18h00 et 00h00.

Sulader / Suladra AFP

Suladras e suladers AFP construeschan e reparan vias, stradas e plazzas da crap natiral. Els mettan suladas e palantschieus da plattas da crap natiral.

Lavurs

Dapi millis d'onns valan vias, stradas e plazzas da sulada sco ovras bellas e solidas. Suladras e suladers han part da la construcziun da questas vias da traffic. Els lavuran cun crappa da sulada e plattas da crap natiral e san applitgar differentas metodas da las tschentar.

Suladers endrizzan il plazzal. Els chargian ils materials (crappa da sulada, plattas da crap natiral, glera, maulta per chavas, etc.) ed ils utensils (martels, paluttas, vaiders da separaziun, apparats da mesiraziun, etc.) giu dal camiun ed installeschan in magazin. Els fan a moda independenta lavurs pitschnas da service vi dals utensils ed apparats.

Ensemen cun lur superiurs tschentan suladers crappa da sulada e plattas da crap. Cun il martè da salaschar pitgan els la crappa en il fundament da sablun e da glera. Per far quellas lavurs sesan els sin ina sutga bassa d'ina chomma. Cun agid d'ina corda stendida controlleschan els la posiziun da la crappa. La latta da planar als gida da controllar, schebain la surfatscha è planiva. A la fin nodan els lur lavurs en in rapport.

Suladers lavuran en in team ed èn dadora da tutt'aura. Els enconuschan ils privels sin il plazzal e protegian lur atgna sanadad e quella da lur collavuraturs. Els resguardan las prescripziuns davart la segirezza da lavur e portan vestgadira da protecziun persunala.

Suladers observan las directivas davart la protecziun da l'ambient. Els allontaneschan material da construcziun duvrads ed autras restanzas tenor las prescripziuns dal manaschi.

Scolaziun

Basa legala

Ordinaziun federala 1-11-2013 (versiun dals 1-1-2018)

Durada

2 onns

Furmaziun en la pratica

En ina salascharia u en in'interpresa da construcziun per sulada e catram da crap natiral

Furmaziun en scola

Curs en bloc a la scola professiunala per la construcziun da vias da traffic: en tut 18 emnas, da quai 2 emnas furmaziun spezialisada "sulada" ad Alpnach

Roms professiunals

  • organisaziun da las lavurs e garanzia da la segirezza da lavur
  • protecziun da la sanadad e da l'ambient
  • lavurs generalas en la construcziun da vias da traffic
  • lavurs da sulada
  • Curs ordaifer il manaschi

    Emprender ed exercitar a moda pratica la basa professiunala

    Diplom

    Attest federal professiunal "sulader / suladra AFP"

Premissas

Furmaziun preliminara
  • scola populara terminada
Pretensiuns
  • inschign manual
  • enclegientscha tecnica
  • moda da lavurar exacta e conscienziusa
  • abilitad da lavurar en in team
  • resistenza corporala
  • sanadad robusta

Furmaziun supplementara

Curs

Purschidas da scolas spezialisadas e scolas professiunalas sco era dal center per la furmaziun professiunala da l'Associaziun svizra dals maisters suladers ad Alpnach

Salaschader / Salaschadra AFQ

Suladers pon far ina furmaziun da basa scursanida sco salaschaders AFQ (access al segund onn da la furmaziun da basa). Suenter han els las medemas pussaivladads da furmaziun supplementara sco salaschaders AFQ.

Cundiziuns da lavur

Suladers lavuran en ina salascharia u en in'interpresa da construcziun per sulada e catram da crap natiral. Savens èn quai manaschis pitschens cun paucs collavuraturs.

La stad han suladers dapli lavur. Lura ston els magari era lavurar la notg per betg impedir il traffic.

Ulteriuras infurmaziuns

Scola professiunala per constructurs da vias da traffic
Chascha postala
6210 Sursee
Tel: 041 922 26 26
URL: www.verkehrswegbauer.ch

Associaziun svizra dals maisters suladers VSP
Chascha postala
8180 Bülach
Tel: 044 860 29 84
URL: www.pflaesterer.ch

Revista professiunala:
"B. Magazin - Das Magazin für Verkehrswegbauer"



orientation.ch