?global_aria_skip_link_title?

Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Practicist / Practicista d‘isolaziuns AFP

Practicists e practicistas d’isolaziuns isoleschan tetgs palts. Els isoleschan edifizis e construeschan cuvridas sin tetgs, terrassas u en tschalers. Els isoleschan er autras construcziuns, sco p.ex. tunnels u punts. Cun lur lavur procuran els per edifizis protegì cunter fradaglia, chalira, umiditad e  canera ed uschè po energia vegnida spargnada.

Lavurs

Els exequeschan suandantas lavurs:

Preparar il plazzal
  • preparar il material, ils guaffens ed apparats tenor instrucziuns
  • chargiar e segirar ils vehichels, transportar e deponer il material tenor las prescripziuns sin il plazzal
  • gidar d'installar las maschinas e da segirar il plaz da lavur
Isolar
  • gidar d'eleger il dretg material d'isolaziun, sco p.ex. bitum, asfalt culà u materia sintetica
  • mesirar surfatschas, nudar e tagliar material d'isolaziun
  • resguardar las instrucziuns da montascha per cuvertas da protecziun per tetgs plats, terrassas, foppas, tancs, paraids sutterranas ed auter
  • applitgar substanzas privlusas tenor las indicaziuns dil producider e resguardar las perscripziuns davart la segirezza da la lavur
  • isolar tetgs plats, terrassas, tschalers, tunnels, punts ed auters edifizis
  • exequir lavurs da finiziun vid chavas e colliaziuns, verdinar tetgs e terrassas sche giavischà
  • rumir ils plazzals e scriver rapports da lavur
Reparar e mantegnair
  • demontar, reparar u remplazzar material donnegià
  • stuppar stgarps, dar si meds da dischinfectar en tschaler u vid las paraids
  • mantegnair guaffens e maschinas
  • dismetter ils ruments a moda adattada a l’ambient

Scolaziun

Basa legala

Ordinaziun federala 21-10-2016 (versiun dal 1-1-2018)

Durada

2 onns

Furmaziun en la pratica

En in manaschi da la branscha da paraids e mirs exteriurs d’edifizis

Furmaziun en scola

Curs en bloc a la scola professiunala a Uzwil/SG u Les Paccots/FR

Roms professiunals

  • prescripziuns e mesiras davart la segirezza da lavur e la protecziun da la sanadad e da l’ambient
  • installaziun da stresas e sistems vi da paraids e mirs exteriurs
  • tschentar ils sistems d’isolaziun
  • Curs ordaifer il manaschi

    Emprender ed exercitar a moda pratica la basa professiunala

    Diplom

    Attestat federal professiunal "practicist / practicista d’isolaziuns AFP"

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • enclegientscha pratica
  • enclegientscha tecnica
  • sanadad robusta
  • flexibilitad corporala
  • esser senza sturnizi
  • abilitad da lavurar en in team

Furmaziun supplementara

Curs

purschidas da scolas spezialisadas e scolas professiunalas, da l’uniun Polybau sco era da manaschis da la branscha da paraids e mirs d’exteriur d’edifizis

Isolader / Isoladra AFQ

Practicists d’isolaziun AFP pon frequentar ina furmaziun scursanida sco isolader / isoladra AFQ (entrada al 2. onn da furmaziun da basa).

Suenter quai han els las medemas pussaivladads da furmaziuns supplementara sco isoladers / isoladras AFQ.

Cundiziuns da lavur

Practicists e practicistas d’isolaziuns lavuran en manaschis da la branscha da paraids e mirs exteriurs d’edifizis ed en manaschis d’isolaziun. Quai èn per ordinari manaschis pitschens u mesauns. Practicists d’isolaziuns pon era lavurar en manaschis d’industria che fabritgeschan products per paraids e mirs exteriurs.

La branscha da paraids e mirs exteriurs gioga ina impurtanta rolla per la strategia d'energia da la Confederaziun. Tar la construcziun u sanaziun d'edifizis contribuescha ella per exempel che quels vegnan pli effizients areguard l'energia. Per persunas dil fatg èn las perspectivas professiunals bunas.

Ulteriuras infurmaziuns

Uniun Polybau
Lindenstr. 4
Postfach
9240 Uzwil
Tel: +41 71 955 70 41
URL: www.polybau.ch




orientation.ch