Lavurs
Els exequeschan suandantas lavurs:
Preparaziun da las lavurs
- mesirar cun spezials indrizs da mesiraziun e diagnosa ils donns vid il vehichel ed examinar las funcziuns da la cumponenta electronica
- calcular ils custs da la tocca che sto vegnir reparada u remplazzada, far offertas, planisar la reparatura
- allontanar tocca che pudess impedir las lavurs da reparatura, p.ex. sistems da clima, sistems da svapur e da tracziun u tocca electronica sco indrizs d’illuminaziun e da signal
Reparatura
- reparar cumponentas electronicas sco lingias
- exequir simplas reparaturas vid ils sistems da segirezza e confort, p.ex. vid sensurs e cameras
- far ora bottas a tocca da carossaria donnegiada cun indrizs e guaffens spezials, metter puspè en la furma originala tocca defurmada cun agid da tecnicas da trair e smatgar
- enconuscher e duvrar differents materials da fabricaziun (metals, materia sintetica) e tecnicas per separar e metter ensemen cumponentas da carossaria, p.ex. buglir, lutegiar, struvegiar u metodas da reparatura cun materia sintetica
- reparar u remplazzar l'envaidradira dals vehichels
- glimar las surfatschas, gulivar las malgulivezzas, far la surtratga da basa da la tocca da la carossaria, dar si protecziun cunter la corrusiun
- enconuscher e far diever da las perscripziuns per la segirezza da lavur e la protecziun da l'ambient, dismetter u reciclar il rument en moda cumpetenta
Lavurs da finiziun ed embelliment
- montar danovamain las cumponentas demontadas e manar il vehichel silsuenter en il lavuratori da vernischar
- exequir lavurs finalas ed examinar sche tut funcziuna puspè
- midar models da vehichels classics tenor giavischs da la clientella, p.ex. montar in spoiler u prender part da la restauraziun da vehichels vegls
Scolaziun
Basa legala
Ordinaziun federala 22-3-2021
Durada
3 onns
Furmaziun en la pratica
En in manaschi da carossaria
Furmaziun en scola
1 di per emna a la scola professiunala
Roms professiunals
- demontar e montar tocca da carossaria
- reparatura da la tocca da carossaria
- surtratga da basa da la tocca da carossaria
Curs ordaifer il manaschi
Emprender ed exercitar a moda pratica la basa professiunala
Maturitad professiunala
Tar fitg bunas prestaziuns da scola po vegnir frequentà la scola da maturitad professiunala durant la furmaziun da basa.
Diplom
Attestat federal da qualificaziun «reparader / reparadra da carossaria EFZ»
Premissas
Furmaziun preliminara
- temp da scola obligatoric terminà
- fufragnadi cun test da qualificaziun
Pretensiuns
- grond inschign manual
- enclegientscha tecnica
- gronda abilitad da lavurar en ina gruppa
- abilitad da s’imaginar chaussas en il spazi
- ferm senn da responsabladad
Furmaziun supplementara
Curs
purschidas dal Schweiz. Carrosserieverband VSCI, da produciders per isegls spezials, da furniturs da colurs e da scolas professiunalas
furmaziun da basa scursanida:
- tolera da carossaria (access el 3. onn d'emprendissadi)
- vernischader da carossaria AFQ (access el 2. onn d'emprendissadi)
Certificat da la branscha:
- spezialist da carossaria
- coordinatura da lavuratori
Examen professiunal (EP)
schef dal lavuratori da carossaria cun diplom federal cun dipl. federal
Examen professiunal superiur (EPS)
Mainafatschenta dipl., carossaria
Scola spezialisada superiura (SAS)
p.ex. Bachelor of Science en tecnica d’automobils e vehichels. Tut tenor scola auta spezialisada valan differentas cundiziuns d'admissiun.
Cundiziuns da lavur
Reparaders e reparadras da carossaria lavuran savens en manaschis da carossarias mesauns u gronds.
Els èn dumandads sin la fiera da lavur. Las cundiziuns d’engaschament vegnan regladas tras in contract collectiv da lavur.
Ulteriuras infurmaziuns
Carrosserie Schweiz
Forstackerstr. 2B
4800 Zofingen
Tel: +41 62 745 90 80
URL: www.carrosserie-suisse.ch
Furmaziuns da basa en la branscha da carossarias
URL: www.carrosserieberufe.ch