Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: En raison des travaux de maintenance sur les serveurs d’orientation.ch, il faut s'attendre à des interruptions le mardi 24 novembre à partir de 17h00 jusqu’à 24h00.

Muliner / Mulinera AFQ

Muliners e mulineras elavuran graun tar farina u tar victualias d’animals. Els èn responsabels per la controlla da qualitad, il nettegiament e la magasinaziun da materia prima sco er per moler, pachetar e spedir ils products.

Lavurs

Mulineras vegnan scoladas en las direcziuns spezialas victualias e victualias d’animals. Muliners da victualias molan graun tar farina, semulina u flocs d’ensolver. Els enconuschan las differentas sorts da graun e las pussaivladads tecnicas da lur mulin. Els san dentant er co che las farinas vegnan duvradas en pasternarias ed en las chasadas. Uschia pon els producir products ch’adempleschan las differentas pretensiuns.

Mulineras da la direcziun speziala victualias d’animals produceschan pavel d’animals or da graun, favs u autra materia supplementara. Tut tenor la spezia d’animal e la finamira da nutriment vegnan ils products primars maschadads, preparads e tut tenor basegn smatgads en pitschens quadrins. Las spezialistas enconuschan las qualitads da nutriment dals products ed ils basegns da nutriment da differentas spezias d’animals. Ils products da lur mulins u dals implants da pavel maschadà adatteschan ellas cuntinuadamain als basegns da la clientella.

En il mintgadi da lavur prendan ils muliners cunter il graun e controlleschan la qualitad. Lura vegn il graun nettegià e conservà enfin l’ulteriura elavuraziun. Tut tenor il product final vegn el lura maschadà e mieut. Las lavurs vegnan per gronda part manadas tras cun indrizs automatisads ed èn suttamessas a prescripziuns d’igiena e da qualitad fitg strictas. Las mulineras planiseschan, dirigian e controlleschan la producziun. Ellas prendan cuntinuadamain provas e las controlleschan. Ultra da quai ston ellas mintgatant eliminar disturbis durant il process da producziun. Cura che la rauba è elavurada, vegn ella emplenida en ils indrizs mecanics en satgs e preparada per il transport.

Scolaziun

Basa legala

Ordinaziun federala dals 4-11-2011 (versiun dal 1-1-2018)

Durada

3 onns

Direcziuns

  • victualias
  • victualias d’animals

Furmaziun en la pratica

En in mulin u en in implant per pavel maschadà

Furmaziun en scola

Quatter curs da bloc da 2 - 3 emnas per onn en il Center da professiun e furmaziun Wil-Uzwil

Roms professiunals

  • prender cunter ed administrar rauba
  • products da graun/producir victualias d’animals
  • qualitad, igiena, mantegniment, segirezza da la lavur, garantir la protecziun da l’ambient
  • Curs ordaifer il manaschi

    Emprender ed exercitar las basas professiunalas en la pratica

    Maturitad professiunala

    Fitg bunas prestaziuns da permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "muliner / mulinera AFQ"

Premissas

Furmaziun preliminara
  • scola obligatorica terminada cun pretensiuns mesaunas u autas
Pretensiuns
  • plaschair vi da products natirals
  • interess vi da process biologics, fisicals e chemics
  • interess da s’occupar da maschinas
  • chapientscha tecnica
  • bun dun d’observaziun
  • senn per igiena
  • ferma constituziun
  • buna sanadad (naginas allergias)
  • bun nas e bun palp

Furmaziun supplementara

Emprendissadi supplementar

muliner / mulinera AFQ da la segunda direcziun speziala (1 onn)

Furmaziuns supplementaras en Svizra

  • tecnicist muliner / tecnicista mulinera a la Schweizerische Müllereifachschule Son Gagl
  • tecnicist / tecnicista da pavel maschadà a la Scola per tecnica da pavel ad Uzwil

Scola spezialisada superiura (SSS)

tecnicist / tecnicista dipl. SSS tecnologia da victualias

Scola auta spezialisada (SAS)

Bachelor of Science (SAS) en tecnologia da victualias

Scolaziuns en Germania

  • spezialist / spezialista silo da graun
  • manager / managera da graun, scolaziun spezialisada economia da magasins
  • maister muliner / maistra muliner (a la Meisterschule a Hoppenlau / Stuttgart u a la Deutsche Müllerschule Braunschweig)

Cundiziuns da lavur

Mulineras e muliners han per gronda part temp da lavur regulà, en tscherts manaschis lavuran els en lavur da duas squadras. En Svizra datti radund 130 mulins. Ina midada en manaschis da producziun parentads per exempel en la producziun da victualias è pussaivla. Muliners han bunas schanzas sin il martgà da lavur, damai che la dumonda suenter spezialists qualifitgads è gronda. Ultra da quai èn els era  tschertgads a l’exteriur sco persunas dal fatg.

Ulteriuras infurmaziuns

Schweizerischer Verein Arbeitswelt Müller/in
Bernstr. 55
Chascha postala 737
3052 Zollikofen
Tel: +41 31 915 21 11
URL: www.mueller-in.ch




orientation.ch