Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Cuschinier / Cuschiniera da dieta AFQ

Cuschiniers e cuschinieras da dieta san co ch’ins po optimar la sanadad ed il bainstar entras in nutriment correspundent. Els preparan bunas spaisas tenor la prescripziun medicala u per ina terapia da nutriment.

Lavurs

In nutriment adattà è indispensabel per persunas cun diabetes, disturbis da mangiar, malsognas dals gnirunchels e dal cor, disturbis da la circulaziun, malsognas dal magun, dal begl, dal gnirom e da la pancrea sco era per persunas cun allergias alimentaras ed alimentaziun manglusa. Per quellas persunas preparan cuschiniers e cuschinieras da dieta spaisas tenor prescripziun medicala u per ina terapia da nutriment. La sfida è quella da crear  e cuschinar menus che fan gust malgrà las prescripziuns da dieta.

Cun metter ensemen menus calculeschan ils cuschiniers da dieta las substanzas nutritivas, resguardan intoleranzas ed allergias envers victualias e fan attenziun a las prescripziuns medicalas. Igl è impurtant ch’els lavuran a moda exacta e conscienziusa, damai che divergenzas pon avair consequenzas negativas per la sanadad dals pazients e da las pazientas.

Ils cuschiniers suondan trends en la dietetica, en nutriment e gastronomia e s’infurmeschan davart metodas da producziun nunconvenziunalas. Els sa laschan influenzar per lur menus creativs dal svilup. Il success da la gastronomia en ospitals, chasas da tgira e hotels da sanadad e wellness dependa essenzialmain da la moda e maniera co che products culinarics vegnan preschentads als giasts.

Cuschiniers da dieta han enconuschientschas da l’economia da manaschi e da l’organisaziun da l’interpresa. Els san analisar, planisar e realisar andaments da lavur en il manaschi. Latiers ston els chapir e resguardar l’organisaziun e las interfatschas impurtantas da lur plaz da lavur.

Tut tenor lieu da lavur variescha la collavuraziun cun autras partiziuns sco era la clientella. En ospitals gronds lavuran cuschiniers da dieta oravant tut en il team cun la cussegliaziun da nutriment. En la chasa da tgira e d’attempads collavuran cuschiniers da dieta stretgamain cun il persunal da tgira e stattan pli savens era en contact direct cun ils pazients. En la domena da wellness vegn spetgà bler creativitad dals cuschiniers da dieta, ma era ch’ils giavischs dals giasts vegnian resguardads.

Scolaziun

Basa legala

Ordinaziun federala 9-10-2006

Durada

4 onns
(3 onns furmaziun da basa sco cuschinier / cuschiniera AFQ ed 1 onn furmaziun da basa supplementara)

Furmaziun en la pratica

Furmaziun pratica en ospitals, chasas da tgira u chasas d’attempads, clinicas da reabilitaziun u clinicas psichiatricas u en l’hotellaria da sanadad e wellness

Furmaziun en scola

Furmaziun pratica en ospitals, chasas da tgira u chasas d’attempads, clinicas da reabilitaziun u clinicas psichiatricas u en l’hotellaria da sanadad e wellness

Roms professiunals

  • nutriment
  • dietetica
  • victualias spezialas ed aditivs
  • calculaziun da valurs nutritivas
  • recepts e menus
  • rentabilitad
  • organisaziun dal manaschi e garanzia da la qualitad
  • furmas d’utilisaziun e sistems da reparter spaisas
  • furmas da producziun e modas da service
  • meds d’infurmaziun e communicaziun

Curs ordaifer il manaschi

Emprender ed exercitar pratic da la basa professiunala

Diplom

Attestat federal da qualificaziun "cuschinier / cuschiniera da dieta AFQ"

Premissas

Furmaziun preliminara
  • scola populara terminada
  • a la furmaziun da basa supplementara sco cuschinier / cuschiniera da dieta vegnan admess quels / quellas che han acquistà l’attestat federal da qualificaziun sco cuschinier / cuschiniera AFQ

Furmaziun da recuperaziun per creschids (furmaziun da basa professiunala tenor art. 32):

  • 5 onns experientscha professiunala, da quai almain 2 onns sco cuschinier / cuschiniera da dieta
  • bunas fin fitg bunas enconuschientschas dal tudestg
  • dumonda a l’uffizi chantunal per la furmaziun e cussegliaziun professiunala
Pretensiuns
  • interess vi da dumondas dal nutriment
  • plaschair da cuschinar e da s’occupar cun victualias
  • enclegientscha per umans malsauns
  • abilitad da coordinar andaments da la lavur
  • sensori per l’igiena
  • bun nas e bun gust
  • sanadad robusta (lavur oravant tut en pe)
  • abilitad da supportar squitsch en situaziuns hecticas

Furmaziun supplementara

Curs

purschidas da federaziuns professiunalas e scolas spezialisadas superiuras sco era Hotel & Gastro Union

Examen professiunal (EP)

cun certificat professiunal federal: schefcuschinier / schefcuschinera, manader da gestiun / manadra da gestiun gastro

Examen professiunal superiur (EPS)

schef da cuschina / scheffa da cuschina dipl, manader / manadra dipl. da la gastronomia da cuminanza

Scola spezialisada superiura (SSS)

hotelier / hoteliera dipl., restauratur / restauratura dipl. SSS

Scola auta spezialisada (SAS)

Bachelor of Science (SAS) in Hospitality Management, Bachelor of Science (SAS) en tecnologia da victualias, Bachelor of Science (SAS) en nutriment e dietetica

Cundiziuns da lavur

Cuschiniers e cuschinieras da dieta lavuran en ospitals, chasas da tgira u chasas d’attempads, en clinicas per la reabilitaziun u en clinicas psichiatricas u en l’hotellaria da sanadad e da wellness.

Ulteriurs lieus da lavur datti en manaschis da la gastronomia da cuminanza, en l’industria d’alimentaziun u en la furmaziun professiunala. La glieud da professiun è tschertgada, perquai ch’il nutriment sanadaivel e dietetic è da gronda impurtanza durant il process da guariziun da pazientas e pazients. Era en la domena da wellness è  ina cuschina sanadaivla ed equilibrada da grond’impurtanza tar dietas e tar midadas da nutriment. Sco en tut las professiuns da la gastronomia po il temp da lavur era esser en questa professiun irregular.

Ulteriuras infurmaziuns

Hotel & Gastro Union
Eichistr. 20
Postfach 362
6353 Weggis
Tel: 041 392 77 77
URL: www.hotelgastrounion.ch

Allgemeine Berufsschule Zürich
Ausstellungsstr. 44
8091 Zürich
Tel: 044 446 94 46
URL: www.a-b-z.ch

Gewerblich-Industrielle Berufsschule Bern GIBB
Abteilung GDL
Steigerhubelstr. 49
3008 Bern
Tel: 031 388 41 11
URL: www.gibb.ch



orientation.ch