Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: En raison des travaux de maintenance sur les serveurs d’orientation.ch, il faut s'attendre à des interruptions le mardi 25 septembre entre 18h00 et 00h00.

Spezialist / Spezialista da la gastronomia da sistem AFQ

Spezialists e spezialistas da la gastronomia da sistem lavuran en restaurants da firmas, en restaurants da take-away, da centers da cumpras e da pausadis d’autostrada. Els preparan spaisas, las mettan sin in plat uschia ch’i fa appetit u las preschentan en credenzas d’autoservetsch.

Lavurs

Spezialists e spezialistas da la gastronomia da sistem procuran che lur giasts pon sa nutrir spert e bain. Els lavuran per exempel en restaurants da centers da cumpras, da pausadis d’autostrada, d’eroports u en restaurants da take-away. Sco allrounders enconuschan els differents champs d’incumbensas da lur manaschi, nua che las lavur ston vegnir exequidas tenor in muster specific.

La lavur da spezialists da la gastronomia da sistem è reglada tenor in plan fix, l’uschenumnà concept da gastronomia. Uschia lavuran els  tant en cuschina sco era davos la credenza d’autoservetsch ed en la vendita. Tut tenor il concept dal manaschi preparan els las spaisas davant la clientella u las servan a la credenza. Al buffet da salata preparan els las salatas, uschia ch’i fa appetit ed emplainan las stgadellas. Al buffet chaud tgiran els il contact cun la clientella, cusseglian ils giasts e servan ils menus. Sche insatgi recloma pervia da las spaisas, tschertgan spezialists da la gastronomia da sistem ina soluziun che cuntenta omaduas varts.

Spezialists da la gastronomia da sistem cumpran en victualias, retschaivan las furniziuns, controlleschan la qualitad dals products furnids ed als magasineschan correctamain. Els introduceschan novs collegas en il manaschi e la lavur. Els lavuran en in team stretg ed han in contact intensiv cun la clientella. Perquai ston spezialists da la gastronomia da sistem savair ir enturn cun carstgauns.

Sper las lavurs en ils secturs dals giasts ed en cuschina exequeschan spezialists da la gastronomia da sistem era lavurs commerzialas. Els fan simplas calculaziuns e lavurs da controlling e marketing. Durant la lavur resguardan els las prescripziuns davart la protecziun da l’ambient e da la sanadad, davart la segirezza da la lavur e davart l’igiena.

Scolaziun

Basa legala

Ordinaziun federala 30-8-2012

Durada

3 onns

Furmaziun en la pratica

En in manaschi da la gastronomia da sistem

Furmaziun en scola

En l’emprim onn 2 dis per emna resp. en il segund e terz onn 1 di a la scola professiunala u en curs en bloc a la scola professiunala interchantunala

Roms professiunals

  • planisaziun e creaziun dals process
  • acquisiziun e preparaziun dals products
  • preschentaziun e vendita dals products e cussegliaziun da la clientella
  • garanzia da la durabilitad e da la segirezza
  • diever da l’englais

Curs ordaifer il manaschi

Emprender ed exercitar a moda pratica la basa professiunala

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "spezialist/spezialista da la gastronomia da sistem AFQ"

Premissas

Furmaziun preliminara
  • scola populara terminada
Pretensiuns
  • plaschair vi dal contact cun victualias e carstgauns
  • abilitad da coordinar process da lavur
  • capacitad fisica en situaziuns hecticas
  • lavur orientada als giasts ed al team
  • auta conscienza d’igiena
  • senn per l’urden
  • bun nas e bun gust

Furmaziun supplementara

Curs

purschidas da scolas spezialisadas e scolas professiunalas

Examen professiunal (EP)

cun certificat federal: mainagestiun da gastronomia, manader / manadra da sectur restauraziun etc.

Examen professiunal superiur (EPS)

cun diplom federal: manader / manadra gastronomia collectiva, interprendider / interprendidra da gastronomia etc.

Scola spezialisada superiura (SSS)

p.ex. hotelier-ustier diplomà / hoteliera-ustiera diplomada SSS

Scola auta spezialisada (SAS)

p.ex. Bachelor of Science (SAS) en tecnologia da victualias

Cundiziuns da lavur

Spezialists da la gastronomia da sistems lavuran en manaschis da la gastronomia da sistems e da la gastronomia collectiva. Els èn allrounders e surpiglian differentas lavurs gastronomicas e commerzialas.

Cun diversas furmaziuns supplementaras pon els surpigliar gia baud responsabladad da direcziun. Els èn experts tschertgads.

Ulteriuras infurmaziuns

Hotel & Gastro formation
Eichistr. 20
Postfach 362
6353 Weggis
Tel: 041 392 77 77
URL: www.hotelgastro.ch

hotelleriesuisse
Monbijoustr. 130
3001 Bern
Tel: 031 370 42 83
URL: www.hotelleriesuisse.ch
URL: www.berufehotelgastro.ch

GastroSuisse
Nachwuchsmarketing
Blumenfeldstr. 20
8046 Zürich
Tel: 0848 377 111
URL: www.berufehotelgastro.ch



orientation.ch