Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Chalger / Chalgera AFQ

Chalgeras e chalgers AFQ reparan chalzers, fan pitschnas correcturas vi da chalzers ortopedics e produceschan chalzers sin mesira. Latiers cusseglian els clientella e calculeschan custs.

Lavurs

Chalgers exequeschan tut ils pass da lavur per producir chalzers sin mesira. Els fabritgeschan era chalzers da confecziun e chalzers spezials. Perquai che la dumonda per chalzers producids a maun è pitschna, s'occupan chalgers oravant tut cun reparaturas e correcturas ortopedicas pitschnas.

Chalgeras fan la differenza tranter reparaturas da la sola e dal nutigl. Tar las reparaturas da las solas remplazzan ellas per exempel ils pizs dals chalzers, midan solas e tatgs u monteschan paraglischnaders. Reparaturas dal nutigl pertutgan il tgirom dal nutigl, pia la part sura dal chalzer. Chalgeras remplazzan per exempel anzas e serranetgas, applitgeschan futterals egl intern u cusan da nov las cusadiras vedras.

Per clientella cun chalzers ortopedics fan ils chalgers pitschnas correcturas ortopedicas vi dal chalzer. Els auzan ils tatgs e las solas per gulivar las differentas lunghezzas da las chommas u per curreger posiziuns falladas dal corp, els pulstreschan smatgadas u monteschan agids per rudlar giu il pe. Per questas lavurs dovran els enconuschientschas en l'anatomia e la patologia.

En il lavuratori lavuran chalgeras cun materials sco tgirom, gumma, materias sinteticas, collas, textilias, corc e.u.v. Ellas dovran quests materials senza sfarlattar ed als magasineschan a moda professiunala.

Per las differentas lavurs da tagliar, collar, glimar e cuser elegian ellas tecnicas, maschinas e guaffens adattads. Tar lur guaffens tutgan il martè da chalgers, forschs da tgirom, zangas da morder, molas, siblas e raspas. Ultra da quai dovran ellas utensils sco apparats da rebatter, maschinas da mular, maschinas da cuser u apparats da schlargiar. Ellas mantegnan lur guaffens e fan pitschnas reparaturas vi da las maschinas.

Chalgers cusseglian lur clientella areguard reparaturas adattas e la tgira dals chalzers e vendan en lur negozi products supplementars sco curegias e products da nettegiar.

Els tegnan net lur plaz da lavur e resguardan las prescripziuns per proteger l'ambient e la sanadad e per la segirezza da lavur.

Scolaziun

Basa legala

Ordinaziun federala dal 1-10-2010 (versiun dals 15-10-2018)

Durada

3 onns

Furmaziun en la pratica

En lavuratoris da chalgers u en lavuratoris da chalgers ortopedics

Furmaziun en scola

1 di l'emna a la scola professiunala spezialisada a Zofingen

Roms professiunals

  • artisanadi e tecnologia
  • cussegliaziun da clientella
  • segirezza da lavur
  • protecziun da la sanadad e da l'ambient
  • tenuta da valurs

Curs ordaifer il manaschi

Davart differents temas

Maturitad professiunala

Fitg bunas prestaziuns da scola permettan da frequentar la scola da maturitad professiunala durant la furmaziun da basa.

Diplom

Attestat federal da qualificaziun "chalger / chalgera AFQ"

Premissas

Furmaziun preliminara
  • scola obligatorica terminada cun pretensiuns mesaunas u autas
Pretensiuns
  • inschign manual
  • bun sentiment per materials
  • sentiment per furmas e colurs
  • moda da lavurar exacta
  • buna demananza

Furmaziun supplementara

Curs

purschidas da scolas spezialisadas e professiunalas e da l'Associaziun Pe e chalzer

Furmaziun da basa scursanida

chalger / chalgera d'ortopedia AFQ (access al terz onn da la furmaziun da basa)

Examen professiunal superiur (EPS)

maister chalger d'ortopedia / maistra chalgera d'ortopedia (via emprendissadi supplementar da chalger / chalgera d’ortopedia AFQ)

Scola auta spezialisada (SAS)

studis en champs parentads, p.ex. Bachelor of Arts (SAS) en design da products ed en design industrial

Cundiziuns da lavur

Chalgeras e chalgers  lavuran oravant tut en lavuratoris da chalgers u en lavuratoris da chalgers ortopedics, en manaschis da reparatura da chalzers u en l'industria da chalzers.

Ulteriuras infurmaziuns

Associaziun pe e chalzer SSOMV
Tribschenstrasse 7
Chascha postala 3065
6002 Lucerna
Tel: +41 41 368 58 09
URL: www.fussundschuh.ch

Revista professiunala:
"Fuss & Schuh"



orientation.ch