Lavurs
Lur lavurs èn las suandantas:
Producir chalzers
- retschaiver la clientella, consultar ordinaziuns medicalas e recepts
- controllar ils pes e far cun differentas tecnicas improntas e visualisaziuns da las plantas-pe durant il passar sin ils pes, uschenumnads podograms
- far in model e furmar il pe cun faschas da gip e cun stgima da rigiditad
- producir in chalzer d'emprova or da material termoplastic transparent, che s'adatta perfetgamain a las curvas dal model
- far schablonas per las differentas parts dal chalzer, per exempel per il nutigl, il letg dal pe u la sola
- tagliar, cumbinar, cuser e tatgar las differentas parts
- metter ensemen il chalzer cun ils rinforzaments ed ils plimatschs necessaris
- empruvar il chalzer vi dal pe e controllar, sch'il model, la sola, il sustegn e l'equiliber static correspundan als giavischs
Adattar e reparar chalzers
- adattar chalzers producids en seria, per exempel cun integrar letgs e sustegns dal pe, cun auzar la sola, cun rinforzar e pulstrar il nutigl
- producir sin mesira ortesas e solas ortopedicas or da differentas materialias
- producir ed adattar protesas dals pes a maun d'ina furma fatga aposta per la clientella
Liquidar lavurs administrativas
- scriver quints e far la contabilitad
- empustar rauba, administrar l'inventari dal magasin, tegnair en urden il material e las maschinas
Scolaziun
Durada
4 onns
Furmaziun en la pratica
en ina clinica d'ortopedia u en in atelier per tecnica da chalzers ortopedica
Furmaziun en scola
1 di per emna en ina da las scolas professiunalas spezialisadas:
- Zofingen (AG)
- Losanna (VD)
Roms professiunals
- mastergn e tecnologia
- cussegliaziun da la clientella
- segirezza da la lavur
- protecziun da la sanadad
- protecziun da l’ambient
- mantegniment da la valur
Curs ordaifer il manaschi
emprender la lavur pratica, approfundar ed exercitar las basas professiunalas, 20 dis durant 4 onns
Maturitad professiunala
Sche las prestaziuns da scola èn fitg bunas, pon ins frequentar la scola da maturitad professiunala durant la furmaziun da basa.
Diplom
Chalger / Chalgera d’ortopedia AFQ
Premissas
Furmaziun preliminara
- terminà la scola obligatorica
Pretensiuns
- inschign manual
- chapientscha tecnica
- bun sentiment per material
- sentiment per furmas e per colurs
- moda da lavur accurata
- pazienza e perseveranza
- demananza curtaschaivla
Furmaziun supplementara
Curs
purschidas da scolas spezialisadas e da scolas professiunalas spezialisadas sco er da l'Associaziun PE & CHALZER
Examen professiunal (EP)
p.ex. Spezialist / Spezialista da tecnica da chalzers ortopedica cun attestat professiunal federal
Examen professiunal superiur (EPS)
p.ex. Chalgera / Chalger d'ortopedia
Cundiziuns da lavur
Chalgeras e chalgers d'ortopedia lavuran principalmain sulets u en pitschens teams en in lavuratori, nua ch'ellas ed els retschaivan la clientella per prender mesira e per far improntas sco er per empruvar en ils chalzers. Ellas ed els lavuran er en la butia, nua ch'ellas ed els vendan chalzers ortopedics da seria e meds auxiliars.
Ellas ed els collavuran cun medias, fisioterapeuts, ergoterapeutas, tecnicists d'ortopedia, podologas e chalgers. Lur temps da lavur èn regulars. Chalgeras e chalgers d'ortopedia lavuran en ateliers per tecnica da chalzers ortopedica u en clinicas d'ortopedia.
Suenter avair absolvì ina furmaziun supplementara correspundenta, pon ellas ed els avrir in'atgna fatschenta.
Ulteriuras infurmaziuns
Verband Fuss & Schuh
6002 Lucerna
Tel: +41 41 368 58 09
URL: www.fussundschuh.ch