Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: En raison des travaux de maintenance sur les serveurs d’orientation.ch, il faut s'attendre à des interruptions le mardi 25 septembre entre 18h00 et 00h00.

Creatur / Creatura da vestgadira AFQ

Creaturs e creaturas da vestgadira lavuran en ateliers da cusunzs e da moda e creeschan vestgids individuals. Els adempleschan giavischs da la clientella u creeschan agens models. Els dissegnan models da tagl, elegian material e tecnica d’elavuraziun e cusan ensemen tocs da taila.

Lavurs

Creaturs e creaturas da vestgadira sviluppeschan models individuals per tocca da vestgadira. Tut tenor accent èn quai surtut rassas, blusas, chautschas, vestgids, mantels, chapels e chapitschas, unifurmas, scussals e vestgadira da protecziun. Creaturas da vestgadira realiseschan ils giavischs da lur clientas e lur clients ed als cusseglian davart moda, colurs e qualitads dal material. Per sviluppar il model resguardan els las proporziuns da corp, il stil persunal ed il budget da la clienta u dal client.

Per il model da tagl prendan creaturas da vestgadira las mesiras dal client u da la clienta. Savens adatteschan ellas individualmain in tagl da basa ch’è gia avant maun. Ellas transponan il model da tagl sin la taila ed al taglian tiers, quai betg senza resguardar las parts dal tagl e la direcziun dal fil. Alura rinforzan ellas las parts tagliadas cun vlieselina e las cusan ensemen cun la maschina da cuser. Sche necessari vegnan detagls cusids a maun.

Creaturas da vestgadira controlleschan lur lavur da cuser cuntinuadamain, fan ora cun il fier il vestgì ed al stiran en la dretga furma. Tar la controlla finala valiteschan ellas las cusadiras, la simmetria e l’impressiun generala dal vestgì.

Cura che creaturas da vestgadira elavuran agens models, retschertgeschan ellas trends da moda actuals, defineschan lur gruppa en mira, elegian colurs e tailas. Ellas fan in prototip e preschentan quel a lur clientas. Cun dissegns u maletgs documenteschan ellas lur concepts e lur lavurs.

Scolaziun

Basa legala

Ordinaziun federala 1-11-2013

Durada

3 onns

Accents

  • vestgadira da dunnas
  • vestgadira d’umens
  • vestgadira da pel
  • chapitschas e chapels
  • vestgadira per la professiun e vestgadira da protecziun

Furmaziun en la pratica

En in manaschi da la moda u da la branscha da textilias

Furmaziun en scola

1 di per emna a la scola professiunala

Roms professiunals

  • sviluppar e crear models
  • producir vestgids
  • garantir la segirezza da la lavur, segirar la protecziun da la sanadad e da l’ambient
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "creatur / creatura da vestgadira AFQ"

Premissas

Furmaziun preliminara
  • scola populara terminada
Pretensiuns
  • flair per la moda
  • interess per differents materials ed in bun sentiment per material
  • senn per furmas e colurs
  • plaschair vi dal crear e dissegnar
  • buna imaginaziun e bun egl
  • bun inschign
  • moda da lavur exacta
  • perseveranza
  • plaschair vi dal contact
  • cumportament orientà a la clientella

Furmaziun supplementara

Curs

purschidas da la Schweiz. Textilfachschule STF e dal Schweiz. Modegewerbeverband SMGV

Examen professiunal (EP)

creatur / creatura da vestgadira cun certificat federal, spezialist / spezialista fashion cun certificat federal

Examen professiunal superiur (EPS)

creatur / creatura dipl. da vestgadira, designer / designra dipl. fashion

Scola spezialisada superiura (SSS)

creatur / creatura dipl. SSS design da products (approfundaziun design da moda), interprendider / interprendidra dipl. SSS textil, tecnicher / tecnicra dipl. SSS textil

Scola auta spezialisada (SAS)

studis en champs spezials parentads, p.ex. Bachelor of Arts (SAS) da product ed industria u Bachelor/Master of Arts (SAS) da conservaziun e restauraziun

Cundiziuns da lavur

Creaturas da vestgadira lavuran en in team en ils ateliers da la direcziun speziala elegida. Incumbensas ch’èn liadas vi da termins pretendan ina moda da lavur speditiva e flexibilitad temporala.

La professiun porscha pussaivladads multifaras per la furmaziun supplementara en la branscha da moda, design e textilias cun bunas schanzas da promoziun.

Ulteriuras infurmaziuns

SwissMode
Schweizerischer Berufsverband
für Bekleidungsgestaltung
Carmenstr. 52
8032 Zürich
Tel: 044 252 32 84
URL: www.swissmode.org

IBBG Interessengemeinschaft Berufsbildung Bekleidungsgestalter/in
Aarauerstr. 30
Postfach 268
4600 Olten
Tel: 062 311 82 59
URL: www.ibbg.ch

Schweizerischer Modegewerbeverband SMGV
URL: www.smgv-usmm.ch

Fachzeitschriften:
"Bulletin SMGV"



orientation.ch