Lavurs
Nossa pel, spezialmain en fatscha, è exponida a differentas influenzas externas. Cosmeticras AFQ enconuschan products e tecnicas per tegnair sauna e bella nossa pel.
Cosmetichers AFQ beneventan lur clientas e lur clients al termin fixà. Avant ch’ellas cumenzan cun il tractament, dumondan ellas ils giavischs da la clientella e valiteschan il stadi da la pel. Ellas cusseglian a moda amiaivla ed empatica e proponan in tractament adattà. Per tractar la fatscha nettegian ellas l'emprim la fatscha, il culiez ed il decolté, fan tut tenor il stadi da la pel in peeling ed allontaneschan comeduns e malnettezzas. Il tractament cumpiglia er ina fina massascha da la fatscha ed ina mascra per la fatscha.
En l’institut da cosmetica colureschan cosmetichers AFQ survantscheglias e tschegls. Suenter dattan ellas furma a las survantscheglias. Ellas tgiran mauns e pes, dattan si lac a las unglas, allontaneschan pails cun tschaira u cun apparats electrics e tractan cellulite. Ultra da la cosmetica da tgira enconuschan cosmeticras AFQ er ils differents stils da make-up. Tut tenor studio da cosmetica e savida speziala porschan ellas er ulteriurs servetschs sco curas cunter acna, curas da stender la pel u massaschas da l’entir corp.
Cosmetichers AFQ lavuran savens cun ils mauns. Durant il tractament ston ellas sa concentrar e planisar ordavant mintga pass. Ellas lavuran era cun apparats electrics. Quella lavur pretenda fin sentiment ed inschign tecnic. Avant mintga tractament preparan ellas il lieu da lavur. Suenter nettegian, dischinfecteschan e steriliseschan ellas ils apparats da lavur utilisads. Nettezza persunala e nettezza dal manaschi è fitg impurtant. Ellas resguardan plinavant las prescripziuns davart la segirezza da la lavur sco era la protecziun da l’ambient e da la sanadad.
En il discurs da vendita cusseglian cosmeticras AFQ las clientas a moda cumpetenta davart la tgira adattada a chasa e vendan products individuals. Las infurmaziuns davart las singulas clientas memoriseschan ellas en la cartoteca da clients. Plinavant surveglian ellas il material ed ils products da vendita en il deposit, empostan rauba e controlleschan ils products suenter la furniziun.
Scolaziun
Basa legala
Ordinaziun federala 12-12-2006 (versiun dal 1-1-2017)
Durada
3 onns
Furmaziun en la pratica
En in institut da cosmetica
Furmaziun en scola
1 di l'emna a la scola professiunala
Roms professiunals
- economia da manaschi, organisaziun da manaschi e tecnicas da manaschi
- igiena, segirezza da la lavur e mesiras da protecziun
- communicaziun, cussegliaziun e vendita
- cosmetica da tgira
- tractaments spezials
- scienzas natiralas ch’èn relevantas per la professiun ed enconuschientschas dal corp
- EFAKOS, Scola spezialisada d'elita per cosmetica, Aarau
- ARCOS Academia per cosmetologia, Son Gagl
Curs ordaifer il manaschi
Davart differents temas
Maturitad professiunala
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Scolas privatas da cosmetica
Scolaziuns cun attestat federal da qualificaziun (AFQ):
Diplom
Attestat federal da qualificaziun "cosmeticher / cosmeticra AFQ"
Premissas
Furmaziun preliminara
- scola populara terminada
- scola populara terminada cun pretensiuns mesaunas u autas
Pretensiuns
- plaschair dal contact cun umans
- cumportament orientà a la clientella e buna demananza
- persuna inschignaivla
- sentiment per furmas e colurs
- buna imaginaziun dal spazi
- sentiment per igiena e nettezza
- parita cultivada
- forza psichica
- discreziun
Furmaziun supplementara
Curs
purschidas da scolas spezialisadas sco era d’associaziuns, p.ex. da l'Associaziun svizra per cosmetica SFK, da la secziun spezialisada make-up permanent PMU da la SFK, da l'Associaziun svizra dals visagists VVdS sco era da swissnaildesign.ch, e.u.v.
Examen professiunal (EP)
cun certificat professiunal federal: cosmeticher / cosmeticra direcziun speziala cosmetica medicinala resp. direcziun speziala cosmetica vitala, designer / designra dad unglas, visagist / visagista, derma-pigmentolog / derma-pigmentologa
Examen professiunal superiur (EPS)
cosmeticher diplomà / cosmeticra diplomada
Cundiziuns da lavur
Cosmeticras lavuran en instituts da cosmetica ed en partiziuns da cosmetica d'affars gronds u da fatschentas grondas da coiffeur, en drogarias, apotecas, parfumarias e praticas da dermatologs.
In'organisaziun flexibla dal temp da lavur e da la planisaziun da termins è fitg impurtanta. Cosmeticras survegnan ina paja dal mais, ev. cun provisiun da la svieuta per tractaments e la vendita da products.
Ulteriuras infurmaziuns
Associaziun svizra per cosmetica SFK
Haus der Schönheit
5034 Suhr
Tel: +41 62 822 01 33
URL: www.sfkinfo.ch
EFAKOS
Scola spezialisada d'elita per cosmetica
5000 Aarau
Tel: +41 62 824 60 44
URL: www.efakos.ch
Arcos
Academia per cosmetologia
9014 Son Gagl
Tel: +41 71 274 28 10
URL: www.arcosakademie.ch