Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Coronavirus: les services d'orientation proposent des prestations de conseil en ligne, par téléphone et par e-mail.
Certaines entreprises/organisations ne sont plus joignables. Jusqu'à nouvel ordre, aucune manifestation ne peut avoir lieu.

Construider / Construidra da clavazins AFQ

Construiders e Construidras da clavazins fabritgeschan e reparan parts da clavazins e da clavazins a cua. Els mantegnan e reguleschan tals, elimineschan disturbis e mancanzas, monteschan accessoris, intuneschan ils instruments e cusseglian clientas e clients e.

Lavurs

Construiders e construidras da clavazins enconuschan fitg bain ils clavazins. Els examineschan ils instruments da lur clientella ed elimineschan disturbis e donns. Construiders da clavazins nettegian, mantegnan e reparan ils instruments ch'en vegnids surdads ad els.

Construidras da clavazin drizzan il sistem da pedals. Els remplazzan tocca defecta da la mecanica e la claviatura e san regular quella. Tenor giavisch da la clientella integreschan els er accessoris sco cumonds da silenzi u apparats che reguleschan il clima en il clavazin u en il clavazin a cua.

Construiders da clavazin s'occupan dal tun perfetg da l'instrument: els mettan en novas cordas u reparan il fund da resonanza cura ch'i fa da basegn ed ils giufs. Alura sto il clavazin anc vegnir intunà. La glieud da professiun sa drizza tenor l'autezza da vusch fixada d'in tun inizial.

Impurtanta è er l'intunaziun che suonda, la creaziun dal tun. Durant quella lavur artisanala pretensiusa reparan las construidras da clavazin il fieuter dal chau dal martè dals 88 tuns. Tras las pitgadas dal martè sin las cordas vegnan definidas las colurs dals singuls tuns.

Sco finiziun da las lavurs da reparatura e da mantegniment sunan las construiders dal clavazin l'instrument, analiseschan anc ina giada la caracteristicas dal tun e las caracteristicas funcziunalas.

La cussegliaziun è ina part impurtanta da la lavur. Construiders da clavazins infurmeschan lur clientas e clients davart reparaturas pussaivlas, gidan a prender decisiuns e dattan scleriments davart la procedura futura.

Scolaziun

Basa legala

Ordinaziun federala dals 9-10-2019

Durada

4 onns

Furmaziun en la pratica

En in atelier u in affar spezialisà per la construcziun d'instruments

Furmaziun en scola

Curs da bloc al center da furmaziun Arenenberg a Salenstein (TG) (instrucziun bilingua: tudestg e franzos)

Roms professiunals

  • realisar incumbensas
  • construir e reparar clavazins e clavazins a cua
  • mantegnair,regular ed intunar clavazins e clavazins a cua
  • preparar ils instruments fin ch'els èn pronts per vegnir sunads

Curs ordaifer il manaschi

Emprender ed exercitar en la pratica las basas professiunalas (curs da bloc al BBZA)

Maturitad professiunala

Fitg bunas prestaziuns da scola permettan da frequentar la scola da maturitad professiunala durant la furmaziun da basa.

Diplom

Attestat federal da qualificaziun "Construider / construidra da clavazins AFQ"

Premissas

Furmaziun preliminara
  • scola obligatorica terminada cun pretensius mesaunas u grondas
  • instrucziun da sunar clavazin u in auter instrument è d'avantatg
Pretensiuns
  • inschign manual
  • imaginaziun dal spazi
  • bun egl / buna mesira
  • talent da dissegnar
  • sentiment estetic
  • mauns ruassaivels, expressiva motorica fina
  • moda da lavurar conscienziusa
  • musicalitad, udida musicala
  • buna demananza
  • pazienza e perseveranza

Furmaziun supplementara

Curs

purschidas da scolas professiunalas e d'associaziuns professiunalas, p.ex. da la Cuminanza d'interess per construiders d'instruments da musica IGMIB

Scola auta spezialisada (SAS)

Studis en direcziuns spezialas parentadas, p.ex. creader diplomà/creadra diplomada en design da products (SAS)

Scola auta professiunala (SAP)

Studis en direcziuns spezialas parentadas, p.ex. Bachelor of Arts (SAP) en design da products e d'industria u Bachelor of Science (SAP) en Fine Arts

Cundiziuns da lavur

Construiders da clavazins AFQ lavuran en lavuratoris, ateliers ed affars spezialisads. Il martgà da lavur en Svizra è pitschen, ma la dumonda da spezialists talentads è stabila. Dals var 250 construiders da clavazin scoleschan circa 20 manaschis emprendists. Construids vegnan clavazins mo pli en il lavuratori per la construcziun da clavazins al BBZ Arenenberg.

Ulteriuras infurmaziuns

Cuminanza d'interess construiders d'instruments da musica
c/o Elin Office AG
Amthausgasse 3
3011 Berna
Tel: 031 313 20 00
URL: www.musikinstrumentenbauer.ch




orientation.ch