Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Creader / Creadra da chanasters ed entretschadas AFQ

Creadras e creaders da chanasters ed entretschadas entretschan, reparan e restaureschan rauba da cuditschas or da salesch, rattan ed auters materials ch’ins po entretschar. Ultra da quai repareschan els canapés e pultrunas cun elements entretschads e fabritgeschan elements da construcziun entretschads per chasa e curtin.

Lavurs

Grazia a lur inschign creativ e manual èn creadras e creaders da chanasters ed entretschadas abels d’exequir autonomamain in’incumbensa, e quai dal sboz fin a la realisaziun. Els lavuran a moda exacta, resguardan ils giavischs da la clientella e fan a moda autonoma las lavurs administrativas che stattan en connex cun lur lavur.

Creaders da chanasters ed entretschadas elavuran oravant tut materials natirals; salesch, rattan e products da rattan, schervettas e differentas cordas. Las abilitads tecnicas d’entretschar emprendidas sa laschan dentant er applitgar cun auters materials. Uschia è in'incumbensa p.ex. era da remplazzar entretschadas da materia sintetica da mobiglias d’iert.

Da la preparaziun dal material fin al tractament da la surfatscha fan creaders da chanasters ed entretschadas tut ils pass da lavur en lavur a maun. Els na fan betg mo chanasters tradiziunals, mabain er objects d’endrizzament per il sectur d’abitar, butias e la gastronomia. Els produceschan dentant er objects da decoraziun per la chasa e l’iert u elements da paravista, saivs u pavigliuns.

Blers products da chanasteria èn fabricaziuns unicas. Creaders da chanasters ed entretschadas creeschan products individuals tenor las ideas e las indicaziuns da mesira da la clientella. Els produceschan dentant era serias pli pitschnas u pli grondas d’in artitgel.

Era la reparatura e la restauraziun da rauba da cuditschas e mobiglias da rattan tutgan tar las incumbensas da creaders da chanasters ed entretschadas. Plinavant remplazzan els entretschaments defects (surfatschas da sutgas, spundas da sutgas, e.u.v.) da mobiglias da lain e metal.

Scolaziun

Basa legala

Ordinaziun federala 5-12-2008

Durada

3 onns

Furmaziun en la pratica

En in atelier d’entretschar, in lavuratoris assistì u in lavuratori per persunas cun impediments

Furmaziun en scola

A la Scola da sculptura da lain a Brienz/BE (4 blocs à 2 emnas l'onn d’emprendissadi)

Roms professiunals

  • incumbensa: contact cun clientella ed accumpagnament, material da construcziun, AVOR, lavurs creativas
  • administraziun: calculaziun, marketing, documentaziuns
  • fabricaziun: istorgia, segirezza da la lavur / sanadad, utensils a maun, preparar materials da fabricaziun, meds d’agid, entretschar, fabritgar curunas, reparaturas / restauraziuns, tractar surfatschas, lavurs cun materials spezials, montascha / furniziun
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "creader / creadra da chanasters ed entretschadas AFQ"

Premissas

Furmaziun preliminara
  • scola populara terminada
Pretensiuns
  • sentiment per art applitgà, furmas e proporziuns
  • inschign manual, movibilitad da la detta
  • mauns ferms
  • buns egls
  • sentiment per bellas lavurs fatgas a moda netta ed exacta
  • perseveranza
  • Era persunas tschorvas, cun impediments da la vesida u impediments corporals pon far la furmaziun da basa. La durada da la furmaziun da basa po tut tenor las premissas vegnir prolungada (tenor l'art. 18 da la Lescha federala davart la furmaziun professiunala dals 13-12-2002).

Furmaziun supplementara

Curs

purschidas da scolas spezialisadas e professiunalas, da scolas per art applitgà, da la Cuminanza d’interess tessaria da chanasters Svizra IGK sco era da la Cuminanza d'interess artisanadi da lain IGKH

Scola auta spezialisada (SAS)

percurs da studis en direcziuns spezialisadas parentadas, p.ex. Bachelor of Arts (SAS) en intermediaziun per art e design u Bachelor of Arts (SAS) en design industrial

A l’exteriur

Staatliche Berufsfachschule für Flechtwerkgestaltung a Lichtenfels/D (scolaziun sco maister chanastrer / maistra chanastrera), Ecole nationale d'Osiériculture et de Vannerie in Fayl-Billot/F (curs)

Cundiziuns da lavur

Creaders da chanasters ed entretschadas lavuran en l’agen atelier. Per manar in agen atelier ston ins s'engaschar fitg. Products bunmartgads producids a moda industriala engrevgeschan la vendita da lavurs a maun d’auta qualitad. Per quest motiv èsi impurtant da sa profilar cun atgnas lavurs d’entretschada sin il martgà.

Creaders da chanasters ed entretschadas independents han en il cas ideal ina segunda lavur: p.ex. in affar per rauba da cuditschas u in’activitad d’instrucziun en in center da curs. Persunas che s’engaschan socialmain han la pussaivladad da lavurar sco schef d'in lavuratori per persunas cun impediments, d'in lavuratori d'ina chasas da tgira u d'instituziuns sumegliantas.

Ulteriuras infurmaziuns

Cuminanza d’interess tessaria da chanasters Svizra IGK
3855 Brienz
Tel: 079 365 56 94
URL: www.korbflechten.ch

Cuminanza d'interess artisanadi da lain IGKH
3855 Brienz BE
Tel: 079 853 88 99
URL: www.kunsthandwerk-holz.ch

Scola per sculptura da lain
Schleegasse 1
3855 Brienz BE
Tel: 033 952 17 51
URL: www.holzbildhauerei.ch



orientation.ch