?global_aria_skip_link_title?

Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Pictur / Pictura sin vaider AFQ

Picturas e picturs sin vaider concepeschan, realiseschan e reparan picturas sin vaider e vitrificaziuns d’art. Lur professiun pretenda lavur manuala precisa e talent creativ. Els restaureschan era pictura sin vaider istorica.

Lavurs

Els exequeschan suandantas lavurs:

Realisar ideas creativas
  • recepir ils giavischs da la clientella
  • crear plans da colurs ed ideas da creaziun
  • realisar skizzas e dissegns tecnics
  • discurrer davart las skizzas cun la clientella
  • prender encunter skizzas d'artists e las discurrer ensemen
  • Pictura da vaider
  • colurar il vaider cun colur da plumin (colur luada ord oxids da metal e pulvra da vaider), cun cuvrida d'argient mellen u cun cuvrida d'emagl
  • duvrar la tecnica da la serigrafia per embellir il vaider
  • brischar il vaider colurà en il furn per fixar las colurs durablamain
  • tgirar, conservar u restaurar pictura da vaider istorica
  • documentar la lavur per la posteritad per garantir il mantegniment da bains culturals prezius
  • resguardar las prescripziuns davart la protecziun da la sanadad sco er davart la protecziun da l’ambient cunquai ch'i vegn utilisà acid idrofluroic, plum e colurs da vitraglia che cuntegnan plum
Vitrificaziun da plum
  • aschentar ils vaiders da colur en in maletg enten colliar la singula tocca da vaider cun pertgas da plum
  • luentar il vaider, dissegnar e surcollar las part

Scolaziun

Basa legala

Ordinaziun federala 28-8-2009 (versiun dal 1-1-2018)

Durada

4 onns

Furmaziun en la pratica

En in atelier da vitraglia

Furmaziun en scola

1 di per emna a la scola professiunala a Berna

Roms professiunals

  • creaziun
  • elavuraziun dal vaider
  • mantegniment, conservaziun e restauraziun
  • segirezza da la lavur, protecziun da la sanadad e da l’ambient
  • Curs ordaifer il manaschi

    Emprender ed exercitar la basa professiunala en la pratica

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "pictur / pictura sin vaider AFQ"

Premissas

Furmaziun preliminara
  • temp da scola obligatoric terminà
Pretensiuns
  • dun da dissegnar
  • buna imaginaziun spaziala
  • inschign manual
  • senn per furmas e colurs
  • creativitad
  • moda da lavur exacta
  • nagins disturbis da la vesida da colurs
  • interess per art e per istorgia

Furmaziun supplementara

Curs

purschidas da las scolas d’art applitgà

Scola spezialisada superiura (SSS)

scolaziun en secturs parentads, p.ex. creader (-dra) dipl. SSS design da products

Scola auta spezialisada (SAS)

studis en secturs parentads, p.ex. Bachelor of Arts (SAS) en conservaziun resp. Master of Arts (SAS) en conservaziun / restauraziun

A l’exteriur

scolas spezialisadas sin vitraglia en Germania, en Frantscha ed en Austria porschan furmaziuns supplementaras.

Cundiziuns da lavur

Cun experientscha professiunala da plirs onns han picturas e picturs sin vaider bunas premissas per fundar in agen atelier. In vast champ d'activitad e mobilitad areguard il lieu da lavur augmentan las schanzas d'avair success.

Suenter ina furmaziun supplementara correspundenta pon picturs sin vaider era lavurar sco magisters en scolas professiunalas u sco manaders da curs.

La purschida da plazzas d’emprendissadi è pitschna. Mo fitg paucs manaschis da pictura sin vaider scoleschan emprendists.

Ulteriuras infurmaziuns

Scola d'art applitgà Berna e Bienna
Schänzlihalde 31
3013 Berna
Tel: +41 31 337 03 37
URL: www.sfgb-b.ch

Associaziun svizra per vitraglia
Au Château
Chascha postala 225
1680 Romont FR
URL: www.glasmalerei-schweiz.ch




orientation.ch