Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: En raison des travaux de maintenance sur les serveurs d’orientation.ch, il faut s'attendre à des interruptions le mercredi 14 novembre entre 18h00 et 21h00.

Operatur / Operatura da medias stampadas AFQ

Operaturas ed operaturs da medias stampadas dattan als stampads il caracter definitiv. Cun indrizs cumplexs taglian, tatgan, faudan, broscheschan e lian els cudeschs, broschuras sco er illustradas ed als preparan per la spediziun.

Lavurs

Operaturas ed operaturs da medias stampadas AFQ èn spezialists da la finiziun dals stampads. Or dad artgas e sdrimas da palpiri stampà produceschan els products sco cudeschs, broschuras, chalenders, prospects, plans, illustradas e gasettas. Latiers lavuran els per il pli cun indrizs e maschinas da producziun che vegnan dirigidas electronicamain. Perquai èsi indispensabel da planisar, diriger e controllar tut ils pass da lavur a moda precisa. Suenter endrizzar las maschinas fan els in gir d'emprova fin che tut constat precisamain. Pli tard vegn la qualitad controllada cuntinuadamain. Els lavuran savens sut squitscha da temp e ston reagir flexiblamain sin midadas a curta vista. Operaturs da medias stampadas èn scolads en in da quatter direcziuns: En la tecnologia da liar produceschan els a moda industriala grondas serias da cudeschs, broschuras u prospects. Els èn responsabels per faudar, tagliar, broschar, liar e cular cun la maschina sco era per fermar e surtrair las cuvertas da palpiri, chartun, material sintetic e tgirom.

En la direcziun liaria da cudeschs lavuran els per il pli en pitschens ateliers nua ch'els stattan en contact direct cun la clientella. Cun flair creativ e lavur manuala fan els tocca unica exclusiva u produceschan cun maschinas e guaffens spezials pitschnas serias da cuvertas, ordinaturs, mappas, stgatlas u albums. Operaturs da medias stampadas da la direcziun tecnologia da spediziun produceschan sin il termin giavischà grondas ediziuns d'illustradas e gasettas. Sco manaders da lingia manischeschan els las maschinas da gronda prestaziun ch'elavuran spert grondas quantitads. Per exempel vegnan ils prospects mess en il chaum correct da la maschina, adressads, enzugliads cun folia e liads cun cordas per la spediziun.

Operaturs da medias stampadas da la direcziun equipament da stampar endrizzan e surveglian oravant tut maschinas ch'elavuran las artgas da palpiri a stampads finids sco broschuras ed illustradas. Els taglian e faudan palpiri, ferman broschuras, perforan cartas da resposta e stanzan formulars.

Scolaziun

Basa legala

Ordinaziun federala 30-12-2005

Durada

different (vesair sutvart)

Direcziuns e duradas

  • tecnologia da liar (4 onns)
  • liaria da cudeschs (4 onns)
  • tecnologia da spediziun (4 onns)
  • equipament da stampa (3 onns)

Furmaziun en la pratica

En ina stamparia, en in manaschi da la finiziun dals stampads u en ina liaria

Furmaziun en scola

En media 1½ dis l'emna a la scola professiunala a Berna u Turitg

Roms professiunals

  • basas da la finiziun dals stampads
  • elavuraziun
  • elavuraziun d'artgas e sdrimas da palpiri
  • producziun da bloc
  • producziun da cuvertas
  • elavuraziun finala
  • tecnicas da lavur spezialas
  • basa scientifica
  • Curs ordaifer il manaschi

    Emprender ed exercitar las basas professiunalas a moda pratica

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "operatur / operatura da medias stampadas AFQ"

Premissas

Furmaziun preliminara
  • direcziun equipament da stampa: scola populara terminada, stgalim mesaun cun bunas prestaziuns
  • ulteriuras direcziuns: scola populara terminada, stgalim aut u stgalim mesaun cun bunas prestaziuns
Pretensiuns
  • chapientscha da la tecnica, plaschair da maschinas cumplexas
  • bun dun d'imaginaziun e pensar logic
  • moda da lavurar precisa e netta
  • tip independent e senn per responsabladad
  • plaschair da lavurar en in team
  • nagina sensibladad da canera
  • inschign manual (direcziun liaria)

Furmaziun supplementara

Curs

purschidas d'associaziuns e scolas spezialisadas e professiunalas, sco p.ex. Centro del bel libro ad Ascona

Examen professiunal (EP)

p.ex. commerziant / commerzianta da tipografia cun certificat professiunal federal, spezialist / spezialista per medias stampadas cun certificat professiunal federal

Examen professiunal superiur (EPS)

p.ex. manager / managera da publicaziuns cun diplom federal, manader / manadra da fatschenta cun diplom federal

Scola spezialisada superiura (SSS)

p.ex. tecnicist / tecnicista dipl. SSS medias cun approfundaziun en poligrafia

Scola auta spezialisada (SAS)

Bachelor of Science (SAS) en inschigneria da medias; champ liaria da cudeschs: Bachelor / Master of Arts (SAS) en conservaziun / restauraziun cun approfundaziun Graphic, Books and Photographic Objects

Cundiziuns da lavur

Operaturs da medias stampadas lavuran en stamparias, en manaschis da la finiziun dals stampads u en ina liaria. En la finiziun dals stampads vegn il dumber da las plazzas d'emprendissadi a crescher ils proxims onns. Dumandadas sin il martgà da lavur èn persunas flexiblas che pon reagir sin svilups tecnics e ch'èn prontas da surpigliar responsabladad.

Ulteriuras infurmaziuns

Biro paritetic da la furmaziun professiunala per la communicaziun visuala PBS
Speichergasse 35
Chascha postala 520
3000 Berna 7
Tel: 031 372 28 28
URL: www.pbs-opf.ch

viscom – swiss print & communication association
Speichergasse 35
Chascha postala 678
3000 Berna 7
Tel: 058 225 55 00
URL: www.viscom.ch




orientation.ch