Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Construider / Construidra da ventilaziuns AFQ

Construiders e construidras da ventilaziuns èn persunas dal fatg per la producziun e la montascha d’indrizs da ventilaziun e d’aria cundiziunada. Els mainan er tras lavurs da mantegniment e reparaturas.

Lavurs

Indrizs da ventilaziun e d’aria cundiziunada vegnan avant en tuttas furmas en edifizis. Là adempleschan els differents intents: Els mainan aria frestga en localitads serradas, fan ch’i dat ina temperatura interna equilibrada e reguleschan l’umiditad da l’aria e la pressiun da l’aria.

Tut tenor accent da lur furmaziun da basa s’occupan construiders e construidras da ventilaziuns cun la producziun u la montascha d’indrizs. Sin il champ spezialisà da la producziun lavuran construiders e construidras da ventilaziuns cunzun en lieus da producziun. Cun agid da plans fabritgeschan els singulas parts dal sistem da ventilaziun, da las armaturas ed auters elements da construcziun. Els taglian il sturs, al storschan u rebattan ed al collian tras buglir, francar cun struvas u rebatter.

Sin il plazzal vegnan bajegiads ensemen ils elements tar in indriz. Quella lavur surprendan construiders e constuidras dal champ spezialisà da la montascha. Construiders da ventilaziuns ferman ils bischels da ventilaziun ch’èn vegnids mess ensemen en la miraglia ed als enzuglian là nua ch’igl è necessari cun material d’isolaziun. Els installeschan ils motors, ils ventilaturs ed ils filters sco er ils indrizs da controllar e reglar. Suenter avair terminà las lavurs da montascha mettan els en funcziun l’indriz e controlleschan schebain tut funcziunescha endretg. Els èn medemamain responsabels per il mantegniment, la reparatura ni la demontascha dals indrizs da ventilaziuns.

Construiders e construidras da ventilaziuns exequeschan incumbensas che fan part dalla procedura sin il plazzal. Per che la procedura funcziunia perfetgamein e per che ils termins possian vegni  ademplids sa cunvegnan els cun auters mastergnants e mastergnantas.

Construiders e construidras da ventilaziuns portan ina gronda cunresponsabladad per la segirezza en il luvratori e sin il plazzal. Els enconuschan ils privels e prendan las mesiras adattadas. Els resguardan las prescripziuns da segirezza e portan l’equipament da protecziun persunal.

Bleras lavurs exequeschan ils construiders e las construidras da ventilaziun sin stgalas, punts hidraulicas u palancàs. Quai pretenda ch'els sajan senza sturnizi.

Scolaziun

Basa legala

Ordinaziun federala 25-4-2018

Durada

3 onns

Accents

  • producziun
  • montascha

Furmaziun en la pratica

En in manaschi da la tecnicada ventilaziun e climatisaziun

Furmaziun en scola

di per emna a la scola professiunala

Roms professiunals

  • enconuschientschas professiunalas
  • planisaziun da las lavurs sin il plazzal
  • Direcziun spezialisada sin il sectur da cumpetenza d'agir
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "construider / construidra da ventilaziuns AFQ"

Premissas

Furmaziun preliminara
  • scola populara terminada cun pretensiuns mesaunas u autas
Pretensiuns
  • inschign manual
  • enclegientscha pratica
  • enclegientscha tecnica
  • imaginaziun dal spazi
  • movibilitad corporala
  • sanadad robusta
  • abilitad da lavurar en in team

Furmaziun supplementara

Curs

purschidas da scolas spezialisadas e professiunalas, dals centers da furmaziun da suissetec, da la STF Winterthur sco er d’interpresas da la branscha da la tecnica d’edifizis

Furmaziun da basa scursanida

en ina professiun parentada, p.ex. toler / tolera AFQ, installatur / installatura da stgaudaments AFQ, installatur sanitar / installatura sanitara AFQ u planisader / planisadra da tecnica d’edifizis AFQ

Examen professiunal (EP)

cun certificat professiunal federal: schefmontader / schefmontadra ventilaziuns, manader da project / manadra da project tecnica d’edifizis, cussegliader energetic / cussegliadra energetica e.a.

Scola spezialisada superiura (SSS)

tecnicher / tecnicra dipl. SSS tecnica d’edifizis

Scola auta spezialisada (SAS)

Bachelor of Science (SAS) en tecnica d’edifizis

Cundiziuns da lavur

Construiders da ventilaziuns lavuran en manaschis da la branscha da ventilaziuns e d’aria cundiziunada. I sa tracta per gronda part da manaschis  pitschens e mesauns. En manaschis pli gronds sa spezialiseschan construiders da ventilaziuns sin in dals secturs lavuratori, montascha u servetsch.

In contract collectiv da lavur (CCL) per la branscha da tecnica d’edifizis svizra reglescha las relaziuns dal dretg da lavur tranter ils partenaris socials.

Las schanzas sin il martgà da lavur èn bunas per construiders da ventilaziuns.

Ulteriuras infurmaziuns

Schweizerisch- Liechtensteinischer Gebäudetechnikverband (suisstec)
Auf der Mauer 11
Postfach 1768
8021 Zürich
Tel: 043 244 73 00
URL: www.suissetec.ch

Revistas professiunalas:
"HK-Gebäudetechnik"
"Planer + Installateur"




orientation.ch