Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Installatur / Installatura da stgaudaments AFQ

Installaturs ed installaturas da stgaudaments èn persunas dal fatg per la montascha d’indrizs da stgaudaments ed autras installaziuns termicas sco er da conducts da l’aua da sfradentar.

Lavurs

Installaturs ed installaturas da stgaudaments monteschan differentas sorts da sistems da stgaudaments: radiaturs, stgaudaments da palantschieus, stgaudaments da distanza, indrizs da stgaudar aua euv. Els enconuschan er las tecnologias da las energias regenerablas, per exempel energia solara u indrizs per la recuperaziun da la chalur.

A maun da plans monteschan installaturs da stgaudaments ils indrizs per l’aua chauda e l’aua da sfradentar sin il plazzal. Els taglian ils bischens da metal sin la lunghezza fixada, als storschan en la furma giavischada, taglian crennadiras e buglian ensemen singuls elements da bischens. Il sistem da conducts isoleschan els cunter perdita da chalur.

Installaturs da stgaudaments monteschan radiaturs, ventils da reglar, sondas da temperatura ed auters instruments. En il tschaler installeschan els ina pumpa a chalur u ina chaldera che vegn fatga ir cun ieli u gas. Cura che tut è collià mettan els en funcziun l’indriz. Els controlleschan sch’il sistem funcziunescha correctamain, sche tut ils conducts èn serrads e la regulaziun da la temperatura constat. Lura decleran els al client il diever da l’indriz.

Il mantegniment regular sco reparaturas e sanaziuns d’indrizs da stgaudament tutgan er tar las incumbensas d’installaturs da stgaudaments. Sper las lavurs praticas fan els er simplas lavurs administrativas. Els scrivan per exempel rapports da lavur ed emplainan formulars da material.

Sin il plazzal lavuran installaturs da stgaudaments per regla sut tetg. Il pli lavuran els en gruppas da dus, mintgatant er en squadras da montascha pli grondas. Els enconuschan ils privels sin il plazzal e protegian sasez ed ils collavuraturs cun resguardar las prescripziuns da segirezza, las mesiras davart la prevenziun d’accidents e cun purtar l’equipament da protecziun persunal.

Per betg periclitar l’ambient sa tegnan els vi da las prescripziuns pertutgant la prevenziun da l’ambient. Material da construcziun duvrà e material privlus per l’ambient dismettan els tenor las prescripziuns dal manaschi.

Scolaziun

Basa legala

Ordinaziun federala 12-12-2007

Durada

3 onns

Furmaziun en la pratica

En in manaschi da la branscha da stgaudaments u en in manaschi maschadà stgaudament-ventilaziuns-installaziuns sanitaras

Furmaziun en scola

1 di per emna a la scola professiunala

Roms professiunals

  • Enconuschientschas professiunalas (administraziun, persistenza, segirezza da la lavur, aritmetica, basa da la chemia, basa da la fisica, material da fabricaziun, ero- ed idrodinamica, electrotecnica, mesirar-controllar-reglar, sistems da stgaudaments e sias cumponentas)
  • dissegn spezialisà
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "installatur / installatura da stgaudaments AFQ"

Premissas

Furmaziun preliminara
  • scola populara terminada
Pretensiuns
  • inschign manual
  • enclegientscha pratica
  • enclegientscha tecnica
  • imaginaziun dal spazi
  • movibilitad corporala
  • sanadad robusta
  • abilitad da lavurar en ina gruppa

Furmaziun supplementara

Curs

purschidas da scolas spezialisadas e professiunalas, dals centers da furmaziun da suissetec, da la STF Winterthur sco er d’interpresas da la branscha da la tecnica d’edifizis

Furmaziun da basa scursanida

en ina professiun parentada, p.ex. construider / construidra da ventilaziuns AFQ, installatur sanitar / installatura sanitara AFQ u planisader / planisadra da tecnica d’edifizis AFQ

Examen professiunal (EP)

(mintgamai cun certificat professiunal federal) schefmontader / schefmontadra stgaudaments, spezialist / spezialista per sistems da chalur, controllader / controlladra da brischaders, cussegliader energetic / cussegliadra energetica edifizis, manader da project / manadra da project tecnica d’edifizis e. a.

Examen professiunal superiur (EPS)

maister / maistra da stgaudaments

Scola spezialisada superiura (SSS)

tecnicher / tecnicra dipl. SSS tecnica d’edifizis

Scola auta spezialisada (SAS)

Bachelor of Science (SAS) en tecnica d’edifizis

Cundiziuns da lavur

Installaturs da stgaudaments lavuran en manaschis d’installaziun da stgaudaments u en manaschis cumbinads stgaudament-ventilaziuns-installaziuns sanitaras. I sa tracta d’interpresas pitschnas, mesaunas u grondas. In contract collectiv da lavur (CCL) reglescha las relaziuns dal dretg da lavur tranter ils partenaris socials. Installaturs da stgaudaments èn tschertgads sin il martgà da lavur.

Ulteriuras infurmaziuns

Schweizerisch- Liechtensteinischer Gebäudetechnikverband (suissetec)
Auf der Mauer 11
Postfach 1768
8021 Zürich 1
Tel: 043 244 73 00
URL: www.suissetec.ch
URL: www.toplehrstellen.ch

Revistas professiunalas:
"HK-Gebäudetechnik"
"Planer + Installateur"




orientation.ch