Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: En raison des travaux de maintenance sur les serveurs d’orientation.ch, il faut s'attendre à des interruptions le mardi 25 septembre entre 18h00 et 00h00.

Installatur sanitar / Installatura sanitara AFQ

Installaturs sanitars ed installaturas sanitaras èn persunas dal fatg per la montascha da conducts d’aua fraida e d’aua chauda sco er da stabiliments per auas persas ed indrizs da gas. Els mainan tras lavurs da mantegniment sco er reparaturas.

Lavurs

Installaturs sanitars ed installaturas sanitaras èn responsabels en edifizis novs e renovaziuns per la montascha da conducts d’aua fraida e chauda sco er da stabiliments per auas persas ed indrizs da gas. En la construcziun criva mettan els conducts per aua, aua persa e gas, per che quels possian suenter vegnir mirads en. L’aua mainan els davent da la via tar il lieu da distribuziun en il tschaler. Davent da là tiran els ils conducts enfin sin ils plauns sura ed en cuschina e bogn. Las installaziuns realiseschan els a maun dals plans dals planisaders da tecnica da chasa e dals architects.

En cuschina, bogn e tualetta collian installaturs sanitars ils apparats sanitars e las armaturas. Spezialmain tar la montascha da parts visiblas sinteticas, da cheramica u d’atschal cromà èn installaturs sanitars premurads da lavurar a moda fitg exacta: bogneras e duschas, lavabos, tualettas u armaturas sco spinas d’aua e spinas da maschadar.

Installaturs sanitars enconuschan fitg bain las tecnicas da lavur da l’elavuraziun da material. Cun guaffens e maschinas storschan els bischens, taglian crennadiras, isoleschan conducts e collian singuls elements da construcziun cun colliaders da struvas, colliaders da contact e colliaziuns dentadas.

Installaturs sanitars mainan er tras lavurs da mantegniment e reparatura e sanaziuns. Tar la clientella remplazzan els p. ex. spinas d’aua u sifons che daguttan. Sin il plazzal lavuran els sulets u en gruppas pitschnas. Els enconuschan ils privels sin il plazzal e protegian sasez ed ils collavuraturs cun resguardar las prescripziuns da segirezza, cun prender mesiras davart la prevenziun d’accidents e cun purtar l’equipament da protecziun persunal.

Per betg periclitar l’ambient sa tegnan installaturs sanitars vi da las prescripziuns davart la protecziun da l’ambient. Uschia guardan els che l’aua malnetta e l’aua da plievgia vegnia deviada, nettegiada e dismessa a moda professiunala. Material da construcziun duvrà e material privlus per l’ambient dismettan els tenor las prescripziuns dal manaschi.

Sper las lavurs praticas fan installaturs sanitars era simplas lavurs administrativas. Els scrivan per exempel rapports da lavur ed emplainan formulars da material.

Scolaziun

Basa legala

Ordinaziun federala 12-12-2007

Durada

3 onns

Furmaziun en la pratica

En in manaschi per installaziuns sanitaras u en in manaschi maschadà stgaudamant-ventilaziun-installaziuns sanitar

Furmaziun en scola

1 di per emna a la scola professiunala

Roms professiunals

  • Enconuschientschas professiunalas (administraziun, persistenza, segirezza da la lavur, guaffens e maschinas, aritmetica, basa da la chemia, basa da la fisica, material da fabricaziun, termologia, ero- ed idrodinamica, electrotecnica, reglas da mesirar-controllar, mesirar-controllar-reglar, elavuraziuns da bischens, provediment d’aua fraida, provediment d’aua malnetta, provediment d’aua chauda, provediment da gas, tecnica da montascha e tecnica sanitara)
  • dissegn spezialisà
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "installatur sanitar / installatura sanitara AFQ"

Premissas

Furmaziun preliminara
  • scola populara terminada
Pretensiuns
  • inschign manual
  • enclegientscha pratica
  • enclegientscha tecnica
  • imaginaziun dal spazi
  • movibilitad corporala
  • sanadad robusta
  • abilitad da lavurar en in team

Furmaziun supplementara

Curs

purschidas da scolas spezialisadas e professiunalas, dals centers da furmaziun da suissetec, da la STF Winterthur sco er d’interpresas da la branscha da tecnica d’edifizis

Furmaziun da basa scursanida

en ina professiun parentada, p.ex. toler / tolera AFQ, installatur / installatura da stgaudaments AFQ, construider / construidra da ventilaziuns AFQ u planisader / planisadra da tecnica d’edifizis AFQ

Examen professiunal (EP)

mintgamai cun certificat professiunal federal) schefmontader sanitar / schefmontadra sanitara, cussegliader energetic / cussegliadra energetica en edifizis, manader da project / manadra da project tecnica d’edifizis e.a.

Examen professiunal superiur (EPS)

maister sanitar /maistra sanitara dipl. planisader sanitar / planisadra sanitara

Scola spezialisada superiura (SSS)

tecnicher / tecnicra dipl. SSS tecnica d’edifizis

Scola auta spezialisada (SAS)

Bachelor of Science (SAS) en tecnica d’edifizis

Cundiziuns da lavur

Installaturs sanitars lavuran en manaschis sanitars u en manaschis cumbinads dad installaziuns sanitaras-stgaudament resp. installaziuns sanitaras-tolaria. I sa tracta da manaschis pitschens, mesauns u gronds. In contract collectiv da lavur (CCL) per la branscha da tecnica da construcziun svizra reglescha las relaziuns davart il dretg da lavur tranter ils partenaris socials. Las schanzas sin il martgà da lavur èn per installaturs sanitars bunas.

Ulteriuras infurmaziuns

Schweizerisch- Liechtensteinischer Gebäudetechnikverband (suissetec)
Auf der Mauer 11
Postfach 1768
8021 Zürich 1
Tel: 043 244 73 00
URL: www.suissetec.ch
URL: www.toplehrstellen.ch

Revistas professiunalas:
"HK-Gebäudetechnik"
"Planer + Installateur"




orientation.ch