Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: en raison des travaux de maintenance sur les serveurs d’orientation.ch, le portail n'est pas disponible le vendredi 22 novembre à partir de 18h00 jusqu’au samedi 23 novembre 08h00.

Toler / Tolera AFQ

Tolers e toleras èn spezialists e spezialistas per lavurs da tola e d’isolaziun vi dals tetgs e da las fatschadas d’in edifizi. Els procuran che l'edifizi saja resistents a las influenzas da l'aura. Cun lur lavur contribueschan els medemamain er a l'effizienza d'energia e l'estetica dals edifizis.

Lavurs

Tolers e toleras guardan ch’ils edifizis sajan resistents a l’aura grazia a differents elements da construcziun: chanals da tetg, bischens da sbuccada, mantels da fatschada e da lucarna, culiers da chamins, curnischs e parachametgs. Cun lur lavur gidan ils tolers e las toleras er che l'edifizi correspundi a las normas valaivlas en connex cun l'effizienza d'energia.

En il lavuratori produceschan tolers e toleras singuls tocs ch'els monteschan pli tard vid ils edifizis. Els elavuran sturs, profils, bischens, materials sintetics ed isolants. Sco muster dovran els plans e skizzas da construcziun ed atgnas skizzas u dissegns ch'els han fatg durant ina visita sin il plazzal.

Las mesiras vegnan transferidas sin il sturs e quel vegn lura tagliads. Els storschan il sturs en la furma giavischada e collian las parts singulas cun lutegiar, rebatter e buglir. Mintgatant han ils tolers era da producir objects d’art applitgà sco pizs da turs, cots da clutgers e sbarbuts u reproducziuns d’ornaments vi d’edifizis protegids.

Sin tetgs plats installeschan toler e toleras las differentas rasadas che protegian l'edifizi dad influenzas da l'aura. En quest reguard fan els stim d'exequir exactamain lavurs da colliaziun e finiziun (ur a protecziun).

Entaifer las lavurs administrativas emplainan tolers e tolers rapports, scrivan protocols e fan documentaziuns. Uschia elavuran els la basa per la facturaziun e per il success economic da lur manaschi.

Tolers e toleras èn dumandads corporalmain sin il plazzal. Els lavuran da tut las auras el liber e sa movan senza sturnizi sin palancas e tetgs. Latiers sa protegian els cun indrizs da segirezza cunter crudada ed auters privels. Els prendan mesiras per evitar accidents e portan l’equipament da protecziun persunal.

Tar tut las lavurs resguardan tolers e toleras rigurusamain las prescripziuns da protecziun da l’ambient. Materialias utilisadas e material privlus per l’ambient vegnan dismess tenor prescripziuns dal manaschi.

Scolaziun

Basa legala

Ordinaziun federala 01-07-2019

Durada

4 onns

Furmaziun en la pratica

En ina stagnaria/tolaria

Furmaziun en scola

1 di per emna a la scola professiunala

Cumpetenzas professiunals

  • Planisaziun da las lavurs
  • Producziun da tocca
  • Installaziun da differentas rasadas sin il tetg plat ed a la fatschada
  • Montascha da tocca sin tetgs plats, sin tetgs cun pendenza e sin la fatschada
  • Execuziun da lavurs da finiziun
  • Curs ordaifer il manaschi

    Emprender ed exercitar la basa professiunala a moda pratica

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "toler / tolera AFQ"

Premissas

Furmaziun preliminara
  • scola populara terminada cun pre-tensiuns mediocras u autas
Pretensiuns
  • inschign manual
  • enclegientscha pratica
  • imaginaziun dal spazi
  • movibladad corporala
  • sanadad robusta
  • avair nagina tema d’autezza
  • abel da lavurar en in team

Furmaziun supplementara

Curs

purschidas da scolas spezialisadas e professiunalas sco era dals Centers da furmaziun da suissetec, sco era d’interpresas da la branscha da tecnica d’edifizis

Furmaziun da basa scursanida

En ina professiun parentada, p.ex. construider / construidra da ventilaziuns AFQ u installatur sanitar / installatura sanitara AFQ

Examen professiunal (EP)

Cun certificat professiunal federal: polier toler / poliera tolera, manader / manadra da project per tecnica d’edifizis, manader / manadra da project per montaschas da solar, cussegliader / cussegliadra d’energia per edifizis t.a.

Examen professiunal superiur (EPS)

maister toler / maistra tolera

Scola spezialisada superiura (SSS)

tecnicist diplomà SSS en tecnica d’edifizis

Scola auta spezialisada (SAS)

Bachelor of Science (SAS) en tecnica d’edifizis u Bachelor of Science (SAS) en la domena d’inschigner / inschignera da construcziun cun approfundaziun construcziun da fatschadas e da metal

Cundiziuns da lavur

Tolers lavuran en tolarias, en interpresas da tolaria cun installaziuns sanitaras u en interpresas da tolaria e cuvratetgs. En general èn las interpresas pitschnas u da grondezza mesauna. Els èn per via sin plazzals u lavuran en il lavuratori dal agen manaschi.  Tolers e toleras lavuran savens en in team dentond er sur sasez.

Il contract collectiv da lavur (CCL) per la branscha svizra da la tecnica d’edifizis reglescha las disposiziuns dal dretg da lavur dals partenaris socials.

Ulteriuras infurmaziuns

Schweizerisch- Liechtensteinischer Gebäudetechnikverband (suissetec)
Auf der Mauer 11
Postfach 1768
8021 Zürich
Tel: 043 244 73 00
URL: www.suissetec.ch

Revista professiunala:
"HK-Gebäudetechnik"



orientation.ch