Accueil myOrientation

Me connaître - Etape 1: J'identifie mes intérêts, points forts et attentes professionnelles

Professions et formations - Etape 2: J’explore le monde des professions et des formations

Qualités requises et conditions d'admission - Etape 3: Je compare mes points forts avec les qualités requises et les conditions d'admission des métiers

Stages - Etape 4: J’explore en détail les métiers qui m’intéressent le plus

Projet professionnel - Etape 5: J’évalue mes résultats et me décide pour une profession ou une formation

Apprentissage - école - Etape 6: Recherche d'une place d'apprentissage et / ou inscription à une école

Préparation - Etape 7: Je me prépare à ma formation en entreprise ou en école

Dossier de travail - Tes résultats

Veuillez patienter...

Préparation de votre dossier myOrientation.

Déconnecté

Votre session de travail est expirée. Vous allez être redirigé sur la page d'accueil. Veuillez vous connecter à nouveau pour continuer votre session de travail.

Travaux de maintenance: En raison des travaux de maintenance sur les serveurs d’orientation.ch, il faut s'attendre à des interruptions le mercredi 14 novembre entre 18h00 et 21h00.

Toler / Tolera d’isolaziuns AFQ

Toleras e tolers d’isolaziuns AFQ isoleschan indrizs tecnics. Els elavuran tola e material sintetic a cuvridas d’isolaziun e las monteschan sin conducts da bischens, apparats ed armaturas.

Lavurs

Isolaziuns e cuvertas gidan per l’ina a proteger ils indrizs e la tocca. Per l’autra gidan tolers cun lur lavur a spargnar resursas ed energia.

Toleras e tolers d’isolaziuns isoleschan e cuvran stgaudaments, boilers, installaziuns sanitaras, indrizs d’aria cundiziunada ed auters indrizs tecnics cun material d’isolar. Sper isolar la chalur adempleschan las isolaziuns anc auters intents: ellas eviteschan perdita da fraid e servan cunter canera, umiditad e contact corporal u sco protecziun cunter incendis.

Sin il plazzal prendan tolers d’isolaziuns la mesira da la tocca e calculeschan quanta isolaziun ch’i basegna. En il lavuratori preparan els l’isolaziun per mintga element da construcziun. Or da tola fina e differents materials sintetics produceschan els cuvridas per conducts da bischens, canals d’ariaziun ed apparats. Els taglian la tola, la storschan e faudan en la furma giavischada. La tocca singula vegn rebattida e fixada cun struvas. Durant ils divers pass da lavur dovran els guaffens da maun e maschinas modernas.

Ils elements da construcziun prefabritgads vegnan montads sin il plazzal. Tolers d’isolaziuns cuvran apparats, armaturas e chanalisaziuns cun il material d’isolaziun e fan il revestgiment. Cun pes da sustegn e tegnadistanzas stabiliseschan els l’isolaziun e la cuvrida.

Tolers d’isolaziuns enconuschan ils privels sin ils plazzals. Els protegian lur collavuraturs e sasezs cun resguardar las prescripziun da segirezza, las mesiras per la protecziun da l’ambient sco era cun prender mesiras per la protecziun cunter accidents e cun purtar l’equipament da protecziun. Els fan attenziun che las prescripziuns per la protecziun da l’ambient vegnan resguardadas. Material utilisà e material nuschaivel per l’ambient vegn dismess tenor las prescripziuns dal manaschi.

Scolaziun

Basa legala

Ordinaziun federala 15-7-2013

Durada

3 onns

Furmaziun en la pratica

En in fatschenta d‘isolar

Furmaziun en scola

1 di l'emna a la scola professiunala a Lenzburg

Roms professiunals

  • planisar las lavurs, garantir la segirezza da lavur, protecziun da la sanadad e da l‘ambient
  • construir pitgas e cuvertas
  • isolar e cuvrir parts da l'indriz
  • Curs ordaifer il manaschi

    emprender ed exercitar las basas professiunalas

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "toler / tolera d’isolaziuns AFQ"

Premissas

Furmaziun preliminara
  • scola populara terminada
Pretensiuns
  • inschign manual
  • encletga pratica
  • buna imaginaziun spaziala
  • constituziun sauna e robusta
  • plaschair da la matematica

Furmaziun supplementara

Curs

purschidas da scolas spezialisadas e professiunalas, dad Isolsuisse sco era da firmas da producziun

Examen professiunal superiur (EPS)

maister toler / maistra tolera d‘isolaziuns

Scola spezialisada superiura (SSS)

studis en direcziuns parentadas, p.ex. tecnicist / tecnicista dipl. SSS en surveglianza da construcziun

Scola auta spezialisada (SAS)

studis en direcziuns parentadas, p.ex. Bachelor of Science (SAS) en inschigneria da construcziun

Cundiziuns da lavur

Tolers d’isolaziuns lavuran en fatschentas d’isolar. Quai èn per gronda part fatschentas pitschnas u mesaunas cun 5 fin 25 collavuraturs.

Ulteriuras infurmaziuns

Isolsuisse – Associaziun svizra da las fatschentas d'isolaziuns
Auf der Mauer 11
Chascha postala
8021 Turitg
Tel: 043 244 73 95
URL: www.isolierspengler.ch

Revistas professiunalas:
"Spektrum der Gebäudetechnik"
"Bulletin Isolsuisse"



orientation.ch