Passer au titre

Artisan / Artisana da lain AFQ

Lavurs

Artisanas ed artisans da lain elavuran differents objects en differentas furmas ord lain massiv. Tut tenor direcziun speziala – turnaria u vaschlaria - produceschan els singulas mobiglias u serias, objects da diever e decoraziun sco era termagls da lain e u reparan quels.

Els exequeschan suandantas lavurs:

Andament da las incumbensas e lavur administrativa
  • examinar dumondas da la clientella e far propostas creativas cun agid da tocca d’exposiziun u fotografias
  • s’infurmar davart stils da mobiglias giavischads, objects tipics e sculpturas
  • far dissegns a maun liber
  • cussegliar la clientella tar l’elecziun dal lain
  • far ina glista cun il material che vegn duvrà e calcular la quantitad da lain
  • calcular il temp da lavur, fixar termins e far in’offerta dals custs per la clientella
  • notar tut ils pass da la producziun d’objects da lain, il temp da lavur ed ils custs da material e definir il pretsch da vendita
  • crear material da reclama cun maletgs e descripziun
  • exponer objects
Direcziun turnaria
  • eleger e tagliar il lain
  • enconuscher sbagls el lain e tractar las surfatschas encunter parasits
  • duvrar guaffens e maschinas e resguardar latiers las perscripziuns da segirezza
  • fixar il toc lain en il turn e giustar la spertadad da la rotaziun da la maschina
  • controllar regularmain las mesiras
  • crear decoraziun concavas e da reliev
  • metter ensemen las singulas parts dal object
  • far lavurs da finiziun: glimar, spategliar e dar si colur sco era montar ferradira e manetscha
  • transportar e furnir ils objects finids u montar els sch’i fa basegn
Direcziun vaschlaria
  • tagliar il lain e blocca per la producziun da butschins e zaivers, uschenumnadas duvas, e dar si vernisch da protecziun
  • duvrar differentas maschinas sco er guaffens spezials e resguardar latiers las prescripziuns da segirezza
  • elavurar il toc lain uschè che sia furma daventa radunda u ovala
  • entagliar profundaziuns lunghentas e decoraziuns
  • controllar regularmain las mesiras
  • mesirar serradiras e parts supplementaras

Scolaziun

Durada

4 onns

Direcziuns spezialas

  • turnaria
  • vaschlaria

Furmaziun en la pratica

En ina turnaria u ina vaschlaria

Furmaziun en scola

A la Scola da sculptura da lain a Brienz/BE (4 blocs à 2 emnas l'onn d’emprendissadi)

Roms professiunals

  • incumbensa / administraziun
  • producziun
  • Curs ordaifer il manaschi

    Emprender ed exercitar a moda pratica la basa professiunala, 26 dis durant 4 onns

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Artisan / Artisana da lain AFQ

Premissas

Furmaziun preliminara
  • temp da scola obligatoric terminà
Pretensiuns
  • persuna inschignaivla
  • bun sentiment per furmas
  • buna imaginaziun dal spazi
  • bun egl
  • abilitads da dissegnar
  • moda da lavurar exacta
  • forza corporala
  • nagina sensibladad cunter pulvra e canera da maschinas

Furmaziun supplementara

Curs

purschidas da scolas spezialisadas e professiunalas, da scolas per art applitgà, da la Scola auta svizra per economia da lain a Bienna, sco era da l'Associaziun svizra dals maisters scrinaris e fabricants da mobiglias ASSFM

Examen professiunal (EP)

p.ex. creadra d'artisanadi cun certificat professiunal federal

Scola spezialisada superiura (SSS)

curs da furmaziun en direcziuns spezialas parentadas, p.ex. creader products da design SSS, tecnicista dipl. SSS tecnica da lain

Scola auta spezialisada (SAS)

studis en direcziuns spezialas parentadas, p.ex. Bachelor of Science (SAS) en tecnica da lain, Bachelor of Arts (SAS) en architectura d’interiurs u Bachelor of Arts (SAS) en design da products e d’industria. Tut tenor scola auta spezialisada valan differentas cundiziuns d’admissiun.

Cundiziuns da lavur

Artisans ed artisanas da lain lavuran cunzunt en lavuratoris pigns en ils quals els creeschan objects da diever e decoraziun tenor lur fantasia. En gronds manaschis cun maschinas automatisads exequeschan els tscherts pass da lavur per la producziun da seria, per exempel pes da sutgas, zullas u spols. Las persunas dal fatg stattan l’entir dir sin pes e portan equipament da protecziun cun egliers, protecziun d’udida e mascrina. Mintgatant lavuran els ensemen cun autras persunas dal fatg sco scrinarias, vaschlers u sculpturas d’objects da lain

Chattar ina plazza d’emprendissadi n’è betg simpel. En Svizra datti mo pli paucas turnarias e vaschlarias che scoleschan emprendists. La tschertga da plazzas d’emprendissadi pretenda per quest motiv flexibilitad pertutgant il lieu da lavur. Suenter intgins onns experientscha da lavur pon la glieud da professiun surpigliar ina plazza sco manader u manadra da lavuratori u sa far independent.

Ulteriuras infurmaziuns

Scola da sculptura da lain
3855 Brienz BE
URL: www.holzbildhauerei.ch

Cuminanza d'interess artisanadi da lain IGKH
3855 Brienz BE
URL: www.kunsthandwerk-holz.ch



orientation.ch